Sitɔɔla 5:15 - mzwDBL

¹⁵ Isaaka dea nomonome ja Dɛbora nɛ, ba ja Barak nɛɛ dɛ chwa jo fɛlembɔjen la bini. Rubin dea tena te bini peɡro, ba ta wone la.

Sitɔɔla 5:15 ပူးပေါင်းရင်းမြစ်များ

Mumpar 35:23

Lea bii waa lol ba laanee nɔ. Rubin, onee binomoa, dɛ Simeon ne Lewi ne Juda ne Isaaka dɛ Sebulon.

1 Webena 12:32

ne Isaaka dea baala, banee dɛ wobɛlbwa ba Israel harɛ ta ɡɛ saŋ aa, ba yon tɔ a sie dɛ baɡle ŋwɛnɛ baa kpɔ a ta. Ba lɔ koranar lafraanɛ, ba lolanar bwa ja ba nɛ,

Sɛɡla 22:13

Bɔhwaahree yon ŋɔ, “Nyujente lɔ dahare!” Kɛɛ, “O ken ɛɛ kpo mɛ fɔɡbaahnaa!” dɛɛ so dem.

We-ɛɛla 15:39

Pɔɔl ne Banabas beɡre wa, dɛ a nyoa kpeɡri, asɛ ba peɡri. Banabas kpɔ Jɔn Mak ja o nɛɛ ba jo ɡbera ta kaa Saepros,

We-ɛɛla 20:13

Ya kaa kpɔ ya stiimae la kaa bwɛɛ bɛl baa dɛ yerɔ Asos la ta. Dɛ ya fe dɛ lii kɛ ya ka kpɔ Pɔɔl Asos bela, dɛkalkɛ dɛ ya ne o vɔrɔwɔ asɛ o ŋɔ wɛɛ kpɔ harɛɛ dɛɛ cheme yaa bela.

2 Kɔrent 11:2

He waa dɛ we n bwara kɛŋɔ he wa aa dɛ we Korowii nɛɛ la. He do kɛ haah waa wola baa jemɛ bwa, asɛ n kpɔɔ tɛ baa bɛl yal ken. Yeesu Kristo ɡbaɡbaa a ɡɛ baa nɔ, o ɡboo chɛ kɛ ó ɛ he jaa.

Sitɔɔla 4:10

Barak yerɛ Sebulon ne Naftale deene baala kaɡboŋa fi ba teŋɛ o nɛ, asɛ Dɛbora ɡe ja ba kaa.

Sitɔɔla 4:14

Dɛbora ŋɔ Barak be ŋɔ, “Kaa! Fini tɔpere nɔɔ Korowii kpɔ Sisera do he nɔn ta hé pɔ o nɛ. Korowii te tɔ he sie kaa.” Anomanta, Barak ne o laa tena kaɡboŋa fi la tuo le Tabɔ Bwejen doa ba harɛ.

Sitɔɔla 4:6

Awola bɛl, Dɛbora ɡelɔ ba ka yerɛ Abinoam bibaa Barak waa le bwɛɛ Kedes o do Naftale harɛ ta o ba, asɛ o ŋɔ o be ŋɔ, “Korowii Israel tena aa dɛ tomɔ la ŋɔ ń ŋɔ he be hé ka kpɔ Naftale ne Sebulon deene baala kaɡboŋa fi ja he nɛɛ dɛ́ tɔ ba sie kaa Tabɔ Bwejen ta.

Sitɔɔla 5:16

Bɔkwa waa he ta so peera nɔ baah nɔ? Peteɡra la foola baa foola dɛɛ yerɛ ba peera laanee hɛɛ no kɛɛ? Rubin dea tena bini peɡro, ba ta wone la.