Sitɔɔla 5:14 - mzwDBL

¹⁴ Bane le Efrem dea harɛ ta dɛ le Amalɛk tena luɡe ta, bane le Bɛnjamen dea harɛ ta dɛ ba, laa sitɔɔla le Makir harɛ ne Sebulon dea harɛ ta dɛ ba.

Sitɔɔla 5:14 ပူးပေါင်းရင်းမြစ်များ

Mumpar 35:22

Waa kaa so harɛ la ta la, Rubin kaa lawɛ tolo baa dɛ yerɔ Bilha baa lawa tɛ o mɛɛ o ɛ o sɛno la chɔ, asɛ Jekɔb no. Bii fi dɛ banɛɛ Jekɔb lolɛ.

Mumpar 35:23

Lea bii waa lol ba laanee nɔ. Rubin, onee binomoa, dɛ Simeon ne Lewi ne Juda ne Isaaka dɛ Sebulon.

Mumpar 35:24

Rakɛl ɡe bibaalaa nɔ, Josef ne Bɛnjamen.

Yela 68:27

Bɛnjamen dea nɛra baa wola kanɛ la tɔ sie, Juda dea nomonome teŋɛ, ásɛ Sebulon ne Naftale deene nomonome ɡe teŋɛ.

Hosia 5:8

Hé hoh laa bɛla Gebea, dɛ́ hooh Rama ɡe. Hé do laa lɔŋɔ Bɛt Avɛn. Bɛnjamen dea tena, hé ir dɛ́ tɔ sie.

Sitɔɔla 12:15

Helɛl bibaa Abdɔn baa sewɛ ba huɡo Peratɔn, Efrem dea deŋɡarere harɛ Amalɛk tena fa aa soɡe bela la ta.

Sitɔɔla 3:13

O yerɛ Amɔn ne Amalɛk tena ja o nɛra nɛɛ ba ka yo Israel tena dɛ kpɔ nɔn dawɛ Jeriko ta.

Sitɔɔla 3:27

Waa tel Efrem deŋɡarere harɛ ta la, o hoh bɛla yerɛ Israel tena, asɛ ba teŋɛ o nɛɛ le deŋɡarere la dor o tɔ ba sie ba kaa laa.

Sitɔɔla 4:10

Barak yerɛ Sebulon ne Naftale deene baala kaɡboŋa fi ba teŋɛ o nɛ, asɛ Dɛbora ɡe ja ba kaa.

Sitɔɔla 4:14

Dɛbora ŋɔ Barak be ŋɔ, “Kaa! Fini tɔpere nɔɔ Korowii kpɔ Sisera do he nɔn ta hé pɔ o nɛ. Korowii te tɔ he sie kaa.” Anomanta, Barak ne o laa tena kaɡboŋa fi la tuo le Tabɔ Bwejen doa ba harɛ.

Sitɔɔla 5:13

Belaa Korowii nɛra baa kaa la ba ja ba nomonome la nɛ, Korowii nɛra la ba n be dɛ ba ja banyoola la nɛ.