Sitɔɔla 4:3 - mzwDBL

³ Dɛ Kooro Jabin dɔ bune kwaa aa do kɛ torɔɡo ba vɔwɛ dɛɛ pɛl jaɡre la lafraanuanaarɛ. O fɔɡɛ Israel tena kɛrɛdɛ bene fifraanɛ, asɛ ba berɛ wi no Korowii ŋɔ ó cha ba.

Sitɔɔla 4:3 ပူးပေါင်းရင်းမြစ်များ

Yela 106:42

Ba dɔma fiɡ ba dɛ ɡel ba do ba lɔɡa.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 78:34

O baa kpoo ba bini bane aa, banɔ la baa kaa la yon berɛ ba o be, dɛ́ charɛ ba liire, dɛɛ soŋo sibeɡra ne.

Kaala 2:23

A biɡro tama, asɛ Ijipt kooro la ba sewɛ. Kɛ dɛ Israel tena ta dɛ ɛ ba tomkpeɡa la, dɛ wi dɛɛ yerɛ Korowii ŋɔ ó ba lɛɛ ba.

Mmarare 28:29

Hɛɛ dɛɛ laɡre bɔree webaŋa kɛŋɔ nyoŋa ken haa wola bɔree na. Wobɛlbwa haa dɛ ɛ ɡe aa heyaa kɛrɛdɛɛ chiɡ bwa. Baa lɔɔ heyaa dɛ́ pa he laala kɛŋɔ laa ta kwa ken, nomɛlbwa aa wola lee do dɛ́ cha heya.

Mmarare 28:33

Kwaa haa koh dɛ́ para la, harɛ bɛl tenaa dɛɛ ba dɛ́ ba kpɔa kaa ka di, ásɛ a ka he ne tɔpere bɛlbwa wahala ne fiiɡa.

Josua 17:16

Asɛ Josef dea bii la ŋɔ, “Deŋɡarere dor harɛ waa chɔa kaa la aa kanɛ tɛ yaa, kɛ Keenan tena baa soɡe harɛpɛɛ waa chɔa kaa ta la, ba dɔ kwaa aa do kɛŋɔ torɔɡore ba vɔwa dɛɛ pɛl jaɡre, ba ne Bɛt San tena ne o bwɛɛre aa baro, dɛ banɔ la baa soɡe Jesreel Fɛlembɔjen la ta bwa.”

Sitɔɔla 1:19

Korowii cha Juda dea tena ba pɔ deŋɡarere harɛ tena nɛ, kɛ ba ta wone doŋi bwɛɛre aa chɔ harɛ deŋɡarere aa wola toole a ta la te nɛ, dɛkalkɛŋɔ ba dɔ bune kwaa aa do kɛŋɔ torɔɡo ba vɔwɛ dɛɛ pɛl jaɡre la ane.

Sitɔɔla 10:10

Asɛ Israel tena wi no Korowii ŋɔ, “Ya ɛ wechɔɡa kɛ yaa vɛh he toma, dɛ kaa tomɛ voɡ Baal ne o voɡa bwa.”

Sitɔɔla 10:16

Anomanta, ba laa ba te kpɔ voɡa aa lɔ bela la ta dɛɛ tomɛ Korowii. Asɛ ba waa domɛ o tea, o sune ba nɛ.

Sitɔɔla 3:15

Israel tena wio no Korowii ja, asɛ o le Bɛnjamen dea te Gɛra bibaa Ehud tɛɛ ba, ó ba lɛɛ ba. O ɛ ɡal te. Gɛ Ehud nɔɔ Israel tena tomɛ o kpɔ suuɡa ne kwaa baa bɔa dɛɛ tɛ Moab Kooro Ɛɡlɔn la dɛ ka tɛo.

Sitɔɔla 3:9

Kɛ ba wio yerɛ Korowii, asɛ o le Kenas bibaa Otniel o ba lɛɛ ba. Dɛ Kaleb nimee on.

Sitɔɔla 4:13

o kpɔ bune kwaa aa do kɛŋɔ torɔɡo ba vɔwɛ dɛɛ pɛl jaɡre la lafraanuanaarɛ ne o laa tena baa lɔ o be bwa, dɛ kpoŋe le Harɔsɛt Haɡoyim kaa Kesɔn Moo la nyoa.

Sitɔɔla 4:4

Dɛ haah bɛl sɔne Dɛbora dɛ ɛ Korowii keame, dɛ ɛ Israel tena sitɔɔ ɡɛ saŋ. O jaa sɔne Lapedɔt.

Sitɔɔla 5:8

Gɛ saŋ Israel tena aa dɛ tomɛ voɡa la, laa ba bwɛɛre la ta. Baala kaɡboŋa fifraanaarɛ baa lɔ harɛ la ta, bɛlbwa ta lampea kɛɛ dɔmkon bɛlbwa kpoŋe.

Sitɔɔla 6:6

Midian tena la ɡelɔ Israel tena la nya komɛlbwa kwaraa, asɛ ba wi no Korowii ŋɔ ó cha ba.

1 Samoɛl 7:8

Israel tena la ŋɔ Samoɛl be ŋɔ, “Bɛ soŋa haa cheɡɛ ya naa ta soŋe le Korowii yaa dɛ tomɔ be la ɡel. Ó lɛ yaa le Filisti tena nɔn ta.”