Sitɔɔla 4:12 - mzwDBL

¹² Baa bol Sisera be ŋɔ Abinoam bibaa Barak kaa Tabɔ Bwejen ta la,

Sitɔɔla 4:12 ပူးပေါင်းရင်းမြစ်များ

Yela 89:12

Henee ta weekaŋle nyunduabɔr, ne weekaŋle harɛbɔr. Tabɔ ne Hɛmɔn Bwejena ɡo yela dɛɛ kpɛɛre kɛŋɔ nɛra aa dɛ ɡo yela ken.

Yela 89:13

He kpeɡri kan, he dɔ bokpeɡa ɡe kohona!

Jeremia 46:18

N ŋwɛɛrɔ kɛŋɔ men Koranar Bwa Kooro aa lole saŋ bɛlbwa nɔ, menee kooro. Gɛ Tabɔ Bwejen aa jaŋa ɡwaa bwejena bwa asɛ Kaamɛl Bwejen ɡe do jaŋne che mpo nyoa la, ɡɛɛ nɛn waa ba yo heyaa la kpeɡri ɛɛ ba doe.

Hosia 5:1

Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.

Josua 19:12

Jwɛh la berɔ le Sarid wee leebɔr, dɛ kaa Keslɔt Tabɔ harɛ ta, dɛ teŋɛ ka le bwɛjen Daberat, dɛ ka tel bwɛjen Jafia.

Josua 19:22

Ba harɛ la jwɛh kaa tel Tabɔ ne Sahasuma ne Bɛt Sɛmɛs, dɛ ka jaɡɛ Jɔɔdan Moo la ta. A bwa lɔ bwɛjena fi dɛ anumɛl, a ne a bwɛjeɡre.

Josua 19:34

O berɔ kpɔ wee cholibɔr, dɛ kaa bwɛjena Asnɔt Tabɔ ne Huukok. O kaa chiɡ Sebulon dea tena harɛ nyoa weekaŋle harɛbɔr, dɛ ka chiɡ Aasa dea tena harɛ ta wee cholibɔr, dɛ berɛ ka chiɡ Jɔɔdan Moo ta wee leebɔr.

Sitɔɔla 4:11

Dɛ baa bɛl sɔne Heba dɛ ɛ Ken te. O le o nɛra bini dɛ ka baŋre o tɛnte dea dajen bɛl waa cheɡɛ Saananim dɛ bɛne Kedes mun. Ken tena nɔ ɛ Mosis menchoro Hobab naanar.

Sitɔɔla 4:13

o kpɔ bune kwaa aa do kɛŋɔ torɔɡo ba vɔwɛ dɛɛ pɛl jaɡre la lafraanuanaarɛ ne o laa tena baa lɔ o be bwa, dɛ kpoŋe le Harɔsɛt Haɡoyim kaa Kesɔn Moo la nyoa.

Sitɔɔla 4:6

Awola bɛl, Dɛbora ɡelɔ ba ka yerɛ Abinoam bibaa Barak waa le bwɛɛ Kedes o do Naftale harɛ ta o ba, asɛ o ŋɔ o be ŋɔ, “Korowii Israel tena aa dɛ tomɔ la ŋɔ ń ŋɔ he be hé ka kpɔ Naftale ne Sebulon deene baala kaɡboŋa fi ja he nɛɛ dɛ́ tɔ ba sie kaa Tabɔ Bwejen ta.

Sitɔɔla 8:18

Ate, Gedeɔn bɔɔ Seba ne Salmuna ŋɔ, “Ɛrɛɛ baala haa kpoo ba Tabɔ la doɔ?” Asɛ ba chaŋo ŋɔ, “Baala baa do kɛ hen, dɛ do kɛ koobiirii.”