Sitɔɔla 4:11 - mzwDBL

¹¹ Dɛ baa bɛl sɔne Heba dɛ ɛ Ken te. O le o nɛra bini dɛ ka baŋre o tɛnte dea dajen bɛl waa cheɡɛ Saananim dɛ bɛne Kedes mun. Ken tena nɔ ɛ Mosis menchoro Hobab naanar.

Sitɔɔla 4:11 ပူးပေါင်းရင်းမြစ်များ

Kaala 18:1

Mosis helabaa Jetro waa ɛ Midian harɛ sɔfo la, no Korowii waa waa ɛa tɛ Mosis ne o nɛra Israel tena, dɛ kpɔ ba le Ijipt harɛ ta la wa.

Kaala 2:18

Bihaahna la aa bera la dem ba mɛɛ be la, o bɔɔ ba ŋɔ, “Ɛrɛɛ fini te he ba warane ken?”

Kaala 3:1

Awola bɛl, Mosis kpɔ o helabaa Jetro waa ɛ Midian sɔfo la kondɛɛra kaa di bɔr. O teɡa ka ɡarɛ pua hɛŋle ɡbo harɛ ta, dɛ ka le bwe waa do ɡoroŋ baa yerɔ Sinai la ta.

Nɛra Kura 10:29

Dɛ Mosis helabaa sɔne Jetro dɛ ɛ Midian te. O bibaa sɔne Hobab. Awola bɛl, Mosis ŋɔ Hobab be ŋɔ, “Ya dɛ ba ira kaa harɛ Korowii aa ŋɔa wɛɛ kpɔɔ tɛ yaa la ta. O baɡɛ yaa nyoa ŋɔ bela ɛɛ do werii tɛ yaa. Yaa ka nyiŋi kɛrɛdɛɛ, anomanta, ɡel ya ne he kaa.”

Nɛra Kura 10:32

Dɛ hɛɛ sɛoh ya ne he kaa laa, kondɛɛɡa Korowii aa ka tɛ yaa la, yaa tɛɛ anee.”

Nɛra Kura 24:21

O na Ken tena ɡe wa dɛ ŋɔ, “He soɡe bwea baah ta, he sobɔr do wer.

Josua 19:33

Ba harɛ jwɛh la le Hɛlɛf, dɛ kpoŋe kaa dajen bɛl waa lɔ Saananim, dɛ kaa Adami Nekeb ne Jabneel, dɛ kpoŋe kaa Lakum, dɛ ka chiɡ Jɔɔdan Moo ta.

Josua 19:37

ne Kedes ne Edrei dɛ Ɛn Hasɔ,

Sitɔɔla 1:16

Mosis helabaa naanar Ken tena le Jeriko, dɛ ba ja Juda dea tena nɛɛ ba ka so pua hɛŋle ɡbo harɛ nɛra bini waa lɔ Nɛɡɛv, dɛ bɛne bwɛɛ Arad.

Sitɔɔla 4:12

Baa bol Sisera be ŋɔ Abinoam bibaa Barak kaa Tabɔ Bwejen ta la,

Sitɔɔla 4:6

Awola bɛl, Dɛbora ɡelɔ ba ka yerɛ Abinoam bibaa Barak waa le bwɛɛ Kedes o do Naftale harɛ ta o ba, asɛ o ŋɔ o be ŋɔ, “Korowii Israel tena aa dɛ tomɔ la ŋɔ ń ŋɔ he be hé ka kpɔ Naftale ne Sebulon deene baala kaɡboŋa fi ja he nɛɛ dɛ́ tɔ ba sie kaa Tabɔ Bwejen ta.

1 Samoɛl 15:6

O kah Ken tena ba ne baa soɡa la ŋɔ, “Hé le Amalɛk tena la bini kaa, ásɛ n bɛ pɛ kpo he ne ban. Israel tena aa le Ijipt harɛ ta dɛɛ ba la, hé nyin ba wa.” Asɛ Ken tena la le ba bini kaa.

1 Samoɛl 27:10

Kooro Akis bɔɔro ŋɔ, “Leperaa he ka yo dɛ pa laala fini naa,” ɡɛɛ Devid yon ŋɔ o be ŋɔ, “N kaa yo Juda weekaŋle harɛbɔr tena” kɛɛ “Jeramiil dea harɛ tena,” kɛɛ “Ken harɛ tena.”