Sitɔɔla 4:10 - mzwDBL

¹⁰ Barak yerɛ Sebulon ne Naftale deene baala kaɡboŋa fi ba teŋɛ o nɛ, asɛ Dɛbora ɡe ja ba kaa.

Sitɔɔla 4:10 ပူးပေါင်းရင်းမြစ်များ

1 Koranar 20:11

Kooro Ahab ŋɔ, “Hé ka ŋɔ o be ŋɔ laa te tenten bɛlbwa aa won maŋkura o te, nemenɛ laa la aa tona mɔɔ.”

Yela 68:28

Ya Naa Korowii, chaɡle he kpeɡri, kpeɡri he fa aa chaɡle ya nɛɛ la.

Kaala 11:8

He nomonome nɔ bwa ɛɛ berɔɔ ba n be, dɛ́ ba ɡuŋ mɛ dɛ́ ŋɔ ń kaa, n ne n nɛra bwa baa teŋɛ n nɛ. Ásɛ mɔɔ ń kaa.” Belaa Mosis kpɔ bandia kohona le kooro sie kaa.

Sitɔɔla 4:14

Dɛbora ŋɔ Barak be ŋɔ, “Kaa! Fini tɔpere nɔɔ Korowii kpɔ Sisera do he nɔn ta hé pɔ o nɛ. Korowii te tɔ he sie kaa.” Anomanta, Barak ne o laa tena kaɡboŋa fi la tuo le Tabɔ Bwejen doa ba harɛ.

Sitɔɔla 4:6

Awola bɛl, Dɛbora ɡelɔ ba ka yerɛ Abinoam bibaa Barak waa le bwɛɛ Kedes o do Naftale harɛ ta o ba, asɛ o ŋɔ o be ŋɔ, “Korowii Israel tena aa dɛ tomɔ la ŋɔ ń ŋɔ he be hé ka kpɔ Naftale ne Sebulon deene baala kaɡboŋa fi ja he nɛɛ dɛ́ tɔ ba sie kaa Tabɔ Bwejen ta.

Sitɔɔla 5:15

Isaaka dea nomonome ja Dɛbora nɛ, ba ja Barak nɛɛ dɛ chwa jo fɛlembɔjen la bini. Rubin dea tena te bini peɡro, ba ta wone la.

Sitɔɔla 5:18

Sebulon ne Naftale dea tena kpɔ ba nyu charɛ seo dɛ do laa ta.

Sitɔɔla 6:35

O tomɛ toroma ba kpɔ Manasɛ harɛ ta dɛɛ yerɛ nɛra bá ba yo laa. Dɛ berɛ kpɔ Aasa ne Sebulon ne Naftale harɛre ta, dɛ yerɛ ba ɡe bá ba ja ba nɛ.

1 Samoɛl 25:27

Koŋkɛɛla he tolo aa ba a ne nɔ, n dɛ soŋe kɛ he lɛa dɛ́ kpɔ tɛ he bonɔɔna baa dɛ teŋɛ he nɛɛ la.