Sitɔɔla 3:3 - mzwDBL

³ Nɛra waa ɡel ba laanee Filisti tena koranar banue, ne Keenan tena bwa, ne Sidon ne Hivi tena baa soɡe Lɛbanɔn bwejena ta, dɛ kpoŋe le Baal Hɛmɔn ka tel Lebo Hamat.

Sitɔɔla 3:3 ပူးပေါင်းရင်းမြစ်များ

Mumpar 49:13

Sebulon sobɔree mpo nyoa, o jwɛh ka tel Sidon, ásɛ stiimaere che bela wobɛlbwa aa wola an ɛ.

2 Samoɛl 24:7

Ate, ba berɛ teŋe kpɔ bwɛjen Taaya danjwɛkpeɡ baa maa baro bɔr, dɛ kaa Hivi tena bwɛɛre ne Keenan tena harɛ bwɛɛre ta bwa. Ba berɔ la Beɛseeba waa lɔ Juda harɛ weekaŋle harɛbɔr, pua hɛŋle ɡbo harɛ ta.

1 Koranar 8:65

Korowii Dea belaa Kooro Solomɔn ne Israel tena la bwa di Kukure Tɔpejen la tɔpera anuanɛ. Nɛnlaa tenten le ŋwɛnɛ bɛl waa chɔa kaa bwɛjen Hamat waa lɔ weekaŋle nyunduabɔr, ne Ijipt harɛ jwɛh ta weekaŋle harɛbɔr dɛ ba.

1 Koranar 9:20

Amɔre ne Hiti ne Pɛrɛs ne Hivi dɛ Jebus tena baa kaa baa wola Israel tena ɛɛ la,

Ɛsekeɛl 47:20

O wee cholibɔr jwɛh la, Mɛdetereenea Mpo laanee dɛ́ ɛ jwɛh, dɛ́ kaa bobɛl o ne bela baa cheɡa dɛɛ kaa bwɛjen Hamat sie aa chaɡɛ dɔŋa. Wee cholibɔr jwɛh laanee la.

Nɛra Kura 13:29

Amalɛk tena soɡe Nɛɡɛv pua hɛŋle ɡbo harɛ, Hiti ne Jebus dɛ Amɔre tena so deŋɡarere harɛ ta, asɛ Keenan tena ɡe so bɛne Mɛdetereenea Mpo ne Jɔɔdan Moo nyoa.”

Nɛra Kura 34:8

dɛ́ le Hɔr Bwejen ta kaa Lebo Hamat. Ásɛ jwɛh la chɔ kaa Sedad.

Mmarare 1:7

Hé ir bonɔ dɛ́ kaa Amɔre tena deŋɡarere harɛ, ne harɛre aa bɛne bela dɛ do Araba Fɛlembɔjen la ta, bwejena harɛ ne wee cholibɔr deŋɡarere ta ne Nɛɡɛv waa ɛ pua hɛŋle ɡbo harɛ dɛ kaa Mɛdetereenea Mpo nyoa. Dɛ́ kpoŋe kaa Keenan tena harɛ ta, ne Lɛbanɔn harɛ, hale dɛ́ kaa Yufretis Moo ta.

Mmarare 3:9

Hɛmɔn Bwejen nɔ, Sidon tena dɛ yerɔ Sereɔn, Amɔre tena ɡee yerɔ Senir.

Josua 11:19

Nemenɛ Hivi tena baa lɔ bwɛjen Gebeɔn la ɡbosoo ne Israel tenaa pɛa fɔwɛ nyopɛo fɔo ba ta dɔŋa yoi. Ba kpoo banɔ la baa lɔ bwɛjena la bini bwa laa ta.

Josua 11:3

Kooro Jabin berɔ ɡel Keenan tena baa lɔ Jɔɔdan Moo la baŋne anɛ la bwa no. Amɔre ne Hiti ne Pɛrɛs dɛ Jebus tena baa soɡe bela deŋɡarere ta, ne Hivi tena baa soɡe Hɛmɔn Bwejen lɔɡa dɛ do Mispa harɛ ta.

Josua 13:3

dɛ kpɔ le Sehɔ Moo waa lɔ Ijipt wee leebɔr, dɛ ka tel Ekron tena jwɛh ta weekaŋle nyundua, a bwa lɔ Keenan harɛ ta. Dɛ Filisti tena koranar banue soɡe bwɛjena Gasa ne Asdɔd ne Askɛlɔn ne Gat dɛ Ekron, dɛ Avi tena ɡe harɛ.

Josua 13:5

Dɛ a chɛ kɛ hé yo Gebal tena harɛ dɛ́ pɔ ba nɛ, dɛ́ teŋɛ kaa Lɛbanɔn harɛ bwa wee leebɔr, le Baal Gad waa lɔ Hɛmɔn Bwejen lɔɡa ŋwɛnɛ waa chɔa kaa Lebo Hamat.

Josua 19:28

ne Ɛbrɔn ne Rehob ne Hamɔn ne Kana, dɛ kpoŋe kaa Sidon.

Josua 9:7

Anee Israel tena la ŋɔ ba be ŋɔ, “Ɛrɛɛ ya ne hɛɛ ba wona fɔwɛ fɔo a maɡre ɔ? He ken ka soɡe ya jwɛɛh bonɔ tenten.”

Sitɔɔla 10:12

ne Sidon ne Amalɛk, dɛ Mayɔn tena aa ɛ heyaa hɔhɔrɔwa, he wi yer mɛ la, n laa lɛ heyaa le ba nɔn ta naa?

Sitɔɔla 10:7

o baah di ba nɛ. O kpɔ ba do Filisti ne Amɔn tena nɔn ta,

Sitɔɔla 14:4

O mɛɛ ne o nya ta wone jemɛ kɛ Korowii bee a le wɛɛ nyin ŋwɛnɛ waa kpɔ o ta Samsen won ka yo Filisti tena. Gɛ saŋ dɛ banee dɛɛ nyiŋi Israel tena nɛ.

Sitɔɔla 18:7

Anomanta, baala banue la leɔ dɛ kaa Lais harɛ. Belaa ba ka na kɛŋɔ bela nɛra la soɡe deŋnesɔɔhna ta kɛŋɔ Sidon tena ken, dɛ so kɛrɛdɛ, dɛɛ lii kɛŋɔ wobɛlbwa aa ban pu. Komɛlbwa lɔ ba harɛ la ta, ba dɔ ba te. Ba ne Sidon tena baah jaŋne, ba ne nomɛlbwa aa chamene di.

Sitɔɔla 3:2

A ɡbo waa o ɛ ɡɛ dɛ́ kpɔ daah Israel tena naanar baa wola laa laŋɛ ka la, ásɛ ba jemɛ laa wa.

Sitɔɔla 4:2

Anomanta, Korowii kpɔ ba do Keenan Kooro Jabin waa di kora bwɛjen Hasɔ nɔn ta. Kooro Jabin laa nomoa sɔne Sisera, dɛ so bwɛɛ Harɔsɛt Haɡoyim ta.

1 Samoɛl 13:5

Filisti tena la chemo kɛ bá ka yo Israel tena. Ba dɔ kwaa aa do kɛ torɔɡo baa vɔwa pɛl jaɡre kaɡboŋa atoro, asɛ laa tena kaɡboŋa banumɛl so jaɡre ta, dɛ laa tena baa wara kohona kɛŋɔ mpo nyoa hɛŋle ken. Ba kaa cheme Mikmas, waa lɔ bwɛɛ Bɛt Avɛn wee leebɔr.

1 Samoɛl 29:2

Filisti koranar banue aa bɔne ba laa tena bini lafare ne kaɡboŋa dɛɛ valɛ la, dɛ Devid ne o laa tena ne Kooro Akis ɡe ka mun ta, dɛ teŋɛ ba nɛ.

1 Samoɛl 6:16

Filisti tena koranar banue la na a ɡɛ waa nɔ bwa, dɛ berɛ kaa bwɛjen Ekron ta awola tenten.

1 Samoɛl 6:18

Ba berɔ kpɔ mari anue baa kpɔ suuɡaswɛm ɛa la, a ɡe che tɛ Filisti koranar banue bwɛjena baa ma danjwɛjena bara ne a bwɛjeɡre. Bwe baa kpɔ Korowii Ne Nɛwɛnyina Fɔo Daka la chɔŋɛ o ta Josua waa le Bɛt Sɛmɛs koo ta la, o ta ɛ danseɛ kon ba le fini.

1 Samoɛl 6:4

Filisti tena la bɔɔrɔ ja ŋɔ, “Bolchɔɡe dii saraha besoo yá kpɔ ka tɛo wɔ?” Ate, ba chaŋe ŋɔ, “Hé kpɔ suuɡaswɛm loɡɛ konɡuleɡule anue kɛŋɔ ɔɡra, dɛ́ kpɔ ane ɡe loɡɛ kwaane kɛŋɔ mari anue, ásɛ a che tɛ Filisti koranar banue la, dɛkalkɛ he ne ba bwaa weechɔɡa la lawɛ.