Sitɔɔla 3:11 - mzwDBL

¹¹ Anomanta, deŋnesɔɔhna ba Israel harɛ ta bene fifraanaarɛ mɔɔ Otniel sewɛ.

Sitɔɔla 3:11 ပူးပေါင်းရင်းမြစ်များ

1 Webena 4:13

Kenas ɡe bibaalaa, Otniel ne Seraya. Otniel ɡe bibaalaa, Hatat ne Meɔnɔtae.

Nehemia 9:28

Deŋnesɔɔhna aa bala la, ba berɔ ɛ wechɔɡa ja, asɛ he ɡel ba dɔma ba yoo ba dɛ pɔ ba nɛɛ ja. Kɛ baa charɛ ba liire dɛ wi noe ŋɔ hé lɛɛ ba la, he dɔ tedoma dɛ no le nyundua, dɛ teŋɛ no ba be, dɛ lɛɛ ba.

Ɛsta 9:22

dɛɛ lii tɔpera Juu tena aa lɛ ba te le ba dɔma nɔn ta, ne tɔpera ba suna dii aa ber ba silɛɛ, ba wii ɡe berɛ hɛɡra la. Mɔdekae ŋɔ, dɛ ba dɛ di tɔpera la aa, báa di kondikonjena dɛɛ lɛ ba sie, dɛɛ tɛ dɔŋa ne nyaara bwa kondikwa.

Josua 11:23

Josua yoo lɛ ɡɛ harɛ la bwa, ɡɛ Korowii aa ŋɔ o bonɔɔ Mosis be la. O bɔna tɛ Israel deene fi dɛ anɛ la, asɛ bɛlbwa dɔ o bɔr. A habɔɔ deŋnesɔɔhna ba harɛ la ta, bɛlbwa ta yoi kpa.

Josua 15:17

Kaleb dɔɔ sɔne Kenas, o bibaa Otniel wono ir, dɛ ka yo bwɛjen Debir tena, dɛ pɔ ba nɛ, asɛ Kaleb lawɛ o bihaah la tɛo o mo.

Sitɔɔla 3:10

Korowii Doma baa so o nɛ o ɛ ba sitɔɔ dɛ tɔ ba sie dɛɛ la laa. Korowii tɛo kpeɡri o won ka yo dɛ pɔ Mɛsopoteemea Kooro Kusan Risataim nɛ.

Sitɔɔla 3:12

Israel tena berɔ ɛ wechɔɡa dɛ jo Korowii nɛɛ ja, asɛ o ɡel Moab Kooro Ɛɡlɔn ɛɛ di kpeɡri ba nɛ.

Sitɔɔla 3:30

Le awola tɔpere dɛɛ kaa la, Israel tena dɔ deŋnesɔɔhna bene fifraanuatoro, asɛ Moab tena ɛɛ tom ba.

Sitɔɔla 3:9

Kɛ ba wio yerɛ Korowii, asɛ o le Kenas bibaa Otniel o ba lɛɛ ba. Dɛ Kaleb nimee on.

Sitɔɔla 5:31

N Naa Korowii, ɡel he dɔma bwa serewe, Kɛ nɛra baa dɛ nyini la, ɡel ba dɔ kpeɡri kɛŋɔ wee yon le kpeɡri nɛɛ la.” Ate, deŋnesɔɔhna ba harɛ la ta bene fifraanaarɛ.

Sitɔɔla 8:28

Gɛɛ a do Israel tena pɔ Midian tena nɛɛ ba ta kpeɡri dɔe kpa. Israel tena dɔ deŋnesɔɔhna bene fifraanaarɛ dɛ Gedeɔn ta soɡe le.