Sitɔɔla 3:10 - mzwDBL

¹⁰ Korowii Doma baa so o nɛ o ɛ ba sitɔɔ dɛ tɔ ba sie dɛɛ la laa. Korowii tɛo kpeɡri o won ka yo dɛ pɔ Mɛsopoteemea Kooro Kusan Risataim nɛ.

Sitɔɔla 3:10 ပူးပေါင်းရင်းမြစ်များ

1 Webena 12:18

Korowii Doma baa so Amasae waa baa ɛ banyoola fifraatoro sitɔɔ la nɛ, asɛ o ŋɔ, “N naa Kooro Devid, henee dɔ yaa! He ne nɛra baa dɛ chae bwa dɔ hɛɛra. Korowii ɛɛ ja he nɛɛ.” Anomanta, Kooro Devid lɛɛ ba dɛ ɡel ba ɛ o laa sitɔɔla.

2 Webena 15:1

A habɔɔ la, Korowii Doma baa so Ɔdɛd bibaa Asaria nɛ,

2 Webena 20:14

Belaa Korowii Doma ba so Sekaria bie Jahaseɛl nɛɛ nɛnlaa la baah. Sekaria mɛɛ sɔne Bɛnaya, Bɛnaya lolɛ Jeyɛl, Jeyɛl lolɛ Matania. Jahaseɛl ɛ Lewi dea te dɛ le Asaf dea.

Yela 51:11

Bɛ men doŋi le he sie, kɛɛ dɛ́ laa he Doma kpɔ n nɛ.

Nɛra Kura 11:17

Mɛɛ tuu ba, n ne he ba bol waa bela. Mɛɛ ɡeloo n Doma waa lɔ he Mosis nɛɛ dɛɛ tɛɛ kpeɡri la ba so ba nɛ, ásɛ ba ɡe lɛɛ waa aa ɡwaa he nɛɛ la ane, ásɛ a bɛ he ɡbo nɛɛ dawɛ.

Nɛra Kura 11:25

Asɛ Korowii do bam la bini, o ne Mosis bol wa, dɛ ɡel o Doma waa soɡe Mosis nɛɛ dɛɛ tɛo kpeɡri la ba so nomonome la nɛ. Korowii Doma la aa baa so ba nɛɛ la, ba dɔ kpeɡri dɛ won bol Korowii wa. A habɔɔ la, ba ta wone bol Korowii waa la kpa.

Nɛra Kura 11:29

Anee Mosis ŋɔ, “He meerɔ dɛɛ tɛ mɛ kɛɛ? N te fe dɛ nyin kɛŋɔ Korowii ɡel o Doma ba so o nɛra bwa nɛ, ásɛ ba won dɛɛ bol o waa o kpeɡri ne.”

Nɛra Kura 24:2

Balam ha sie dɛ na Israel tena la kɛŋɔ baa baŋre ba tɛnte deene dɛ so denaa ta. Korowii Doma baa so o nɛ,

Nɛra Kura 27:18

Anee Korowii ŋɔ o be ŋɔ, “Kpɔ Nun bibaa Josua, onee N Doma so o nɛ. Kpɔ nɔn dawɛ o nɛɛ dɛ swee andɛɛɡa tɛo.

Hibru 6:4

Nɛra baa yarada Korowii waa ka la, ɛrɛɛ bá ɛ dɛ charɛ ba liire dɛ́ le ba wechɔɡa ta dɛ berɛ yaradao jaɔ? Korowii chaah ba sie o waa nɔ ta ka, asɛ ba na Korowii doa koŋkɛɛle la som la bɛl, asɛ dɛ tɛɛ ba o Domadɛɛɡe la ka.

Sitɔɔla 11:29

Anee Korowii Doma ba so Jɛfta nɛ, asɛ o ne o laa tena tawɛ Gelead ne Manasɛ deene harɛre ta, dɛ ba Mispa waa lɔ Gelead harɛ ta la, dɛ le bela ka yo Amɔn tena.

Sitɔɔla 11:32

Anomanta, Jɛfta ɡale Moo la dɛ́ ka yoo ba, asɛ Korowii kpɔ ba do o nɔn ta o pɔ ba nɛ.

Sitɔɔla 13:25

Korowii Doma ɡe baa so o nɛ, dɛ pa mun kpɔɔ dɛɛ ɛ toma ɡɛ saŋ waa lɔ bwɛɛ Mahane Dan, o lɔ Sora ne Ɛstaol baah ta.

Sitɔɔla 14:19

Korowii Doma baa so Samsen nɛɛ dɛ tɛo kpeɡri. O la Filisti tena bwɛɛ Askɛlɔn, dɛ ka kpoo baala fifraatoro, dɛ pa ba laala ba tɛ nɛra baa baɡlo wobobeele la mun la. O baah diu kɛrɛdɛ, o chiɡ ŋwɛnɛ ta kaa o bwɛ o mɛɛ be.

Sitɔɔla 14:6

Korowii Doma den ba so Samsen nɛɛ kerabeŋkpoŋ dɛ tɛo kpeɡri, asɛ o lawɛ nyujente la dɛ kpɔ nɔn toɡru kɛŋɔ bombie ken. O ta o nya ne o mɛɛ be ɡɛ waa ɛa la bolɛ.

Sitɔɔla 15:14

Waa dɛ bɛne Lehi la, Filisti tena la ɛɛ moo dɛ kpɔ sie pa o be dɛɛ ba. Buɡ la ta, Korowii Doma ba so o nɛ dɛ tɛo kpeɡri kohona. Asɛ ŋwɛɛra baa kpɔa vɔrɔwo la ɛ kɛŋɔ kwaa baa fuah ken dɛ le o nɔɔra ta.

Sitɔɔla 3:11

Anomanta, deŋnesɔɔhna ba Israel harɛ ta bene fifraanaarɛ mɔɔ Otniel sewɛ.

Sitɔɔla 3:8

Anomanta, Korowii baah di ba nɛɛ kohona dɛ kpɔ ba do Mɛsopoteemea Kooro Kusan Risataim nɔn ta, asɛ ba tomɔ bene anuatoro.

Sitɔɔla 6:34

Korowii Doma baa so Gedeɔn nɛ, asɛ o hoh bɛla dɛɛ yerɛ Abeɛsa tena bá ba teŋɛ o nɛ.

1 Samoɛl 10:10

Baa tel Gebea la, Korowii keamere teŋɛ dɔŋa nɛɛ ba chemo, asɛ Korowii Doma ba so o nɛɛ kpeɡri nɛ, o ka ja ba nɛ baa bol Korowii waa aa dɛ ba bala kerekere.

1 Samoɛl 10:6

Korowii Doma ɛɛ ba so he nɛɛ kpeɡri nɛɛ, dɛ́ beɡre nɛnfale, ásɛ he ne ba bwa ɛɛ bol Korowii waa aa dɛ́ ba bala kerekere.

1 Samoɛl 11:6

Sɔɔl aa no waa nɔ la, Korowii Doma baa so o nɛɛ kpeɡri nɛ, asɛ o baah di kohona.

1 Samoɛl 16:13

Samoɛl kpɔ pebal nyeɡle noo aa lɔ o bini la fuɡe do Devid nyu ta ba siwi ta. Dɛ onee Korowii le. Le awola dɛɛ kaa la, Korowii Doma baa so o nɛɛ kpeɡri nɛ, asɛ Samoɛl berɛ kaa Rama.