Sitɔɔla 3:1 - mzwDBL

¹ Korowii ɡelɔ a ɡɛ harɛre la nɛra bane so harɛ la ta, ásɛ dɛ kpɔ daah Israel tena baa wola Keenan harɛ ta laa laŋɛ ka la na.

Sitɔɔla 3:1 ပူးပေါင်းရင်းမြစ်များ

Sɛɡla 17:3

Niinii ba kpɔ dɛɛ jemɛ suuɡapoŋ ne suuɡaswɛm kɛŋɔ a wer, ɡɛɛ Korowii ɡe ɛɛ nyiŋi bambile bini.

Mmarare 7:22

Tama tamaa Korowii haa dɛ tomɔ nɔ ɛɛ ba ba doŋa ta, haa ba bwa kerabeŋkpoŋii kpoo. A ba ɡɛ naa, kpɔɡ bini olchɔɡa ɛɛ warɔɔ dɛɛ aah heya.

Jeremia 6:27

Jeremia, n kpɔe ka do n nɛra bini ásɛ he nyiŋ ba, ɡɛ nɛn yon nyiŋi bune dɛ jemɛ a bini andɛɛɡa la.

Job Tɔn 23:10

Kɛ o jemɛ ŋwɛnɛ maa dɛ kpɔ o ta, o daah mɛɛ na naa, mɛɛ do werii, kɛŋɔ suuɡaswɛm baa doo nii ta.

Sitɔɔla 2:10

Josua ne o nɛra la kapa aa baa serewe la, bane ɡe iro dɛ baa jemɛ kɛ Korowii lole, á ba ɛ kɛ baa na waa waa ɛa tɛ Israel tena laanee.

Mmarare 8:16

O tɛ heyaa maana he di pua hɛŋle ɡbo harɛ la ta, kondikwaa he naawa aa wola an jemɛ bwa. Nee ne kondikwaa nyae nɔɔ o kpɔ daah heyaa na, asɛ wobɛlbwa do wer tɛ heyaa he daahna dɛ na la habɔɔ.

Mmarare 8:2

Hé lii ɡɛ Korowii haa dɛ tomɔ nɔ aa tɔ he sie ŋwɛnɛjaŋ pua hɛŋle ɡbo harɛ ta bene fifraanaarɛ bwa, dɛ daah heyaa na wekpeɡa ne, dɛ tɛr he deŋne he pwɛr he te la. Asɛ a che a ta o won jemɛ he bambili bini kɛ he dɛ teŋɛ o Mmarare waa do heya la ta, kɛɛ haa teŋɛ.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

1 Pita 4:12

N dandɛɛɡa, he bɛ ɡel nii haa dɛ na taraken nɔ kpo he nyoa. Daahnaa Korowii kpɔa dɛɛ daah he yarada. He bɛ ɡel a ɛ heyaa wehɔɔhra.

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

Amanesoma Jɔn Aa Chwera Tɔn 2:24

Kɛ Yeesu ta ban yaradae kɛŋɔ ó kpɔ o te tɛɛ ba, dɛkalkɛŋɔ o jemɛ nɛwɛnyini da kɛrɛdɛ.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

2 Webena 32:31

A balɔ kɛŋɔ Babelɔn harɛ ta nomonome tomɛ nɛra Kooro Hɛsɛkea be ŋɔ, bá ba pɛɛro ŋwɛnɛ waa cheɡɛ o ta, dɛ ɛ nyokpowe-ɛɛla la o harɛ la ta. Asɛ Korowii le o habɔɔ, dɛ daahno na kɛ wɛɛ di kasinteŋii kɛɛ.

Kaala 15:25

Ate, Mosis wi no Korowii asɛ o baɡlo daa bɛl. O kpɔ ta nee la ta nee la do som ba bwa nyɔ. Bela la, Korowii do Mmarare tɛɛ ba asɛ dɛ kpɔ daah ba na.

Sitɔɔla 1:1

Josua seo habɔɔ la, Israel tena soŋe Korowii ŋɔ, “Ya deene nɔ, bamewaa dɛ́ tɔ ya sie yá ka yo Keenan tena ba harɛ ta nɔ?”

Sitɔɔla 2:23

Gɛɛ a do Korowii ɡel nɛra la bane ka harɛ la ta, o ta ban kpɔe do Josua nɔn ta o doŋ ba le harɛ la ta kera beŋkpoŋ.

Sitɔɔla 3:2

A ɡbo waa o ɛ ɡɛ dɛ́ kpɔ daah Israel tena naanar baa wola laa laŋɛ ka la, ásɛ ba jemɛ laa wa.

1 Koranar 9:21

ba naanaree kaa Israel tena aa wola wone kpoo ba. Banee Kooro Solomɔn ɛɛ ba yoma baa ɛ tomkpeɡa Israel harɛ ta ba le fini.