Sitɔɔla 21:5 - mzwDBL

⁵ Israel tena la bɔɔ dɔŋa ŋɔ, “Israel deene nɔ bwa bini, debesoo tenaa wola Korowii sie bonɔ balɔɔ?” Ba fa ŋwɛɛrɔ bil kɛŋɔ dea bɛlbwa waa wola Korowii sie Mispa bonɔ balɛ la, bá kpoo o nɛra.

Sitɔɔla 21:5 ပူးပေါင်းရင်းမြစ်များ

Jeremia 48:10

Kórowii taah nomɛlbwa waa wola o toma ɛ bambile bwa ne la! Nomɛlbwa waa kwaa o tokobi cheɡ ŋɔ waa kpɔ kpo nɛn la, Kórowii taahno!

Sitɔɔla 21:1

Israel tena la aa cheme Mispa la, ba ŋwɛɛrɔ kɛŋɔ ba bini bɛlbwa bɛ o bihaah kpɔ tɛ Bɛnjamen dea bie ó mo.

Sitɔɔla 21:18

Ya Israel tena aa ŋwɛɛ ntam nɔ, yáa won kpɔ ya bihaahna tɛɛ ba ba mo. Ya bini bɛlbwa waa ɡela o bihaah yalɛ Bɛnjamen dea bie la, nyotaahna ɛɛ lawɔɔ.

Sitɔɔla 21:6

Israel tena la wio tɛ ba bala Bɛnjamen dea tena la ŋɔ, “Fini tɔpere nɔ, dea beŋkpoŋ nɛra toole ya bini.

Sitɔɔla 5:23

Korowii nyundua torome bolɔ ŋɔ, ‘Taah Mɛrɔs bwɛ, dɛ́ taah nɛra baa lɔ bwɛɛ la ta kohona. Ba ta Korowii ba chae. Ba ta leɛ dɛ ba yo Korowii dɔma ba bwara aa kpeɡa.’

1 Samoɛl 11:7

O lawɛ nabala anɛ kpo, dɛ chɛwa dɛ kpɔ tomɛ nɛra Israel harɛ ta bwa ŋɔ, “Nomɛlbwa waa wola Samoɛl ne Sɔɔl nɛɛ teŋɛ la, kenii baa ba o nae kpoe dɛ chɛwa.” Korowii ɡelɔ ɔmee kohona chole ba bwa nɛ, asɛ ba pɛ nyoa ba ja Samoɛl ne Sɔɔl nɛ.

1 Samoɛl 14:24

Lɔr kpo Israel tena ba ɡwɛɡre awola, dɛkalkɛ dɛ Kooro Sɔɔl ŋwɛɛrɔ kɛŋɔ ba bini bɛlbwa waa di kondikwaa mɔɔ wee le la, nyotaahna lawɛ naate mɔɔ ó tɔ o dɔma wel. Anomanta, o laa tena la bɛlbwa ta kondikwaa dii.