Sitɔɔla 20:6 - mzwDBL

⁶ N kpɔ o lale la dɛ ba mɔne o bini bɔne tɛ Israel deene fi dɛ anɛ la bɛlbwa, ásɛ a chaɡle wedoŋa ne waa baa kia ba ɛa Israel harɛ ta la.

Sitɔɔla 20:6 ပူးပေါင်းရင်းမြစ်များ

Mumpar 34:7

dɛ Jekɔb bii la ɡe denɔ le kpɔɡ bini ba. Baa baa no waa la la, a we ba nɛ, asɛ ba baah di kohona kɛŋɔ Sɛkem aa ɛ wedoŋa dɛ nyiŋi Israel tena nyubaah kɛŋɔ waa ɡuɡri ba nimambie o ne o chɔ la.

Lewi Dea Tena 18:24

He bɛ he te kpɔ do ɡɛ waa nɔ bɛlbwa ta dɛ́ kah doŋa. Gɛɛ nɛra baa soɡe harɛ maa dɛ ba kpɔe tɛ heyaa nɔ ta ɛ, asɛ dɛ kah doŋa mɛɛ ba ba doŋa le o ta la.

Lewi Dea Tena 18:30

Hɛɛ ɛ waa maa dɛ nyin, dɛ bɛ nɛra baa tɔ sie ba so harɛ nɔ ta la we-ɛɛla maa kia la ta teŋɛ, dɛ́ kpɔ doŋa kah he te. Menee Korowii haa dɛ tom mɛ la.”

Josua 7:15

Naate maa lawɔ ŋɔ kwaa maa ŋɔa ba le cheɡ mɛ la lɔ o be la chɛ kɛŋɔ, bá fuh o ne komɛlbwa waa dɔa. O chɔɡ n fɔo n ne baa fɔwa la, dɛ ɛ sihihwa Israel harɛ ta.”

Sitɔɔla 19:22

Baa dɛ lɛ ba sie la, nɛnchɔɡa bane baa lɔ bwɛɛ la ta baa bar dem la cheme, dɛɛ lɔ dem la doonyoa ɡbera la, dɛɛ kɔɡre dem te la ŋɔ, “Le baa la waa ba he dem bonɔ la ne tɛ yaa yá lawɔ ka chɔ kɛ baa ne haah.”

Sitɔɔla 19:23

Dem te la le buse dɛ ka ŋɔ ba be ŋɔ, “Akai! Ya bala, he bɛ wedoŋa nɔ ɛ. N hɔɔhree, hɛɛ berɛ a ɡɛ sihihwaa nɔ ɛɛ.

Sitɔɔla 19:29

Waa tel dem la, o kpɔ kere mɔne o sɛno la bini bɔre fi dɛ anɛ, dɛ kpɔ ka tɛ Israel deene fi dɛ anɛ la bwa.

Sitɔɔla 20:10

Yá kpɔ nɛra fi le nɛra lafa bɛlbwa bini Israel dea bɛlbwa ta, ásɛ baa tɛ ba laa tena la kondikwa. Ásɛ dɛ laa tena la tel Gebea waa lɔ Bɛnjamen dea harɛ ta naa, bá dɔ kondikwaa á tel ba, bá won yo Gebea tena la dɛ́ tɛr ba deŋne, wedoŋa baa ɛa Israel harɛ ta la wa.”