Sitɔɔla 20:41 - mzwDBL

⁴¹ Israel tena aa laa berɛ dɛ ba yo baa la, ɔmee lawɛ Bɛnjamen dea tena la kohona, ba ɡbabir jemɛ kɛŋɔ ba serewɔ tonɛ.

Sitɔɔla 20:41 ပူးပေါင်းရင်းမြစ်များ

2 Pita 2:12

Nɛra nɔ te do kɛ kpɔɡ bini ola Korowii aa taa ŋɔ báa kpoa la ken. Baa liire kpɔe dɛɛ ɛ wa. Waa mun noe kpeɡri ba be naa, sisa wobolee ba bol dɛɛ yaɡa. Baa serewoo kɛŋɔ ola ken.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

Amanesoma Luk Aa Chwera Tɔn 21:26

Nɛra bambile ɛɛ teŋoo kohona, ba lii waa aa dɛ ba bala la wa, ba hwaahɡe, dɛkalkɛ kwaa aa lɔ Korowii doa bwa yiiɡi dɛ́ chɔɡ.

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Sɛɡla 5:22

Nɛnchɔɡe wechɔɡa do kɛŋɔ bel dɛ tɛo, o dichɔɡaa dɛɛ lawɔ.

Sɛɡla 11:5

He waa toɡrɔ aa, dɛ he waa wer, kɛ he ɛ nɛnchɔɡe aa, he ɡbaɡba we-ɛɛla dɛ chɔɡe.

Sɛɡla 11:6

Nɛn o wa aa toɡra daa dɛɛ lɛo, asɛ nɛn waa wola kasinteŋ dɔe la ɡbaɡba pɛla waa dɛɛ lawɔ.

Sɛɡla 29:6

Nɛnchɔɡe bɛlbwa wechɔɡaa dɛɛ lawɔ, kɛ nɛn o wa aa toɡra te, silɛɛ ne hɛɡraa o bwa.

Josua 8:20

Bwɛjen Ai tena la kaa ke nyiŋi dɛ na kɛŋɔ chuu tɛrɔ le ba bwɛjen la ta dɛɛ kaa nyundua, dɛ lee ta kpaɔ. Ba ta bɔr dɔe ba chwa kpɔ. Dɛ Israel tena baa chwaa kaa pua hɛŋle ɡbo harɛ ta la kaa laa berɛ, dɛ kpɔ sie pa Ai tena baa dɛ ti ba la nɛ.