Sitɔɔla 20:28 - mzwDBL

²⁸ Dɛ Eliasa bibaa Fenehas lɔ bela dɛɛ ɛ Korowii toma, o nabaalee Arɔn. Israel tena la bɔɔ Korowii ŋɔ, “Yá ka yo ya bala Bɛnjamen dea tena nɔ kɛɛ yá ɡelɔ?” Anee Korowii sɛh ŋɔ, “Hé kaa! Kere te mɛɛ kpɔ baa do he nɔn ta, ásɛ he pɔ ba nɛ.”

Sitɔɔla 20:28 ပူးပေါင်းရင်းမြစ်များ

Sitɔɔla 7:9

Awola jwaana la, Korowii ŋɔ Gedeɔn be ŋɔ, “Ir dɛ́ kaa Midian tena sobɔr bela ka yoo ba. N dɛ ba ba kpɔe do he nɔn ta.

Josua 24:33

Sɔfo Eliasa ɡe baa sewɛ, asɛ ba huɡo bwɛjen Gebea harɛ waa ɛ o bibaa Fenehas kon ta. O lɔ Efrem deŋɡarere harɛ ta.

Mmarare 18:5

dɛkalkɛŋɔ ba ne ba naanaree Korowii haa dɛ tomɔ le he deene la bwa bini ŋɔ bá che o sɔn ta, dɛ́ɛ ɛ o toma saŋ bɛlbwa.

Mmarare 10:8

Gɛ saŋee Korowii le Lewi dea tena ŋɔ baa nyiŋi O Ne Nɛwɛnyina Fɔo Daka la ta, dɛ́ berɛ ɛ sɔfore dɛ́ che o sɔn ta dɛɛ swee andɛɛɡa dɛɛ tɛ nɛra. A ta chɔ ɡɛ ba le fini.

Jeremia 10:23

N Naa Korowii, nomɛlbwa ta o nyokala kpeɡri dɔe, bɛlbwa ɡe aa won jemɛ o soɡa waa bini.

2 Webena 20:17

He laa dɛɛ ba laa nɔ yoi. Hé te ka che he chebɔra dɛɛ kpa. Hé che kiŋkiŋ, ásɛ dɛ na ɡɛ Korowii aa yo tɛ heya, dɛ́ ɡel he pɔ ba nɛ. Juda ne Jerusalam tena, he bɛ ɔmɛ, he bɛ ɡel he bwara yɔr, hé te le ka puu ba kere, dɛ́ na ɡɛ Korowii aa ja he nɛ.’ ”

2 Samoɛl 6:3

Ba kpɔ Korowii Ne Nɛwɛnyina Fɔo Daka la le Abinadab dem deŋɡare bɛl doa, dɛ kpɔ chɔŋɛ torɔɡofale bɛl ta nabala ɛɛ tɛro. Abinadab bibaala bane baa dɛ yer ba Ussa ne Ahio, banee ba le ŋɔ baa daah torɔɡo la,

1 Samoɛl 30:8

Asɛ Devid bɔɔ le Korowii be ŋɔ, “Ń ti laa tena la kɛɛ? Mɛɛ puu baa yaa?” Korowii chaŋe ŋɔ, “Ti ba, hɛɛ ka puu baa dɛ́ lɛ nɛra baa laɡ ba dɛɛ kaa la ta.”

1 Samoɛl 14:37

Anomanta, Kooro Sɔɔl bɔɔ Korowii ŋɔ, “Mɛɛ won la ka yo Filisti tena la kɛɛ? Yaa won pɔ ba nɛ aa?” Kɛ Korowii ta on chaŋɛ awola tɔpere.

Sitɔɔla 1:2

Anee Korowii chaŋe ŋɔ, “Juda dea tenaa dɛ́ tɔ sie mɔɔ. Banee mɛɛ ba harɛ la kpeɡri kpɔe do ba nɔn ta.”

Josua 22:13

Anomanta, Israel tena la tomɛ sɔfo Eliasa bibaa Fenehas a ɡɛ deene la nɛra be, Gelead harɛ ta bela.

Josua 7:7

Asɛ Josua ŋɔ, “Nemenɛ Korowii, ɛrɛɛ he le ya ne Jɔɔdan Moo nɔ baŋ bonɔ dɛ ba do Amɔre tena nɔn ta bá kpoo yaa nɔɔ? Ya fe ta soɡe Jɔɔdan Moo la baŋ le fe bɔ.

Sitɔɔla 19:16

Awola jɔmɔra la, dɛ banjena bɛl le koo dɛɛ ba. Dɛ o le Efrem deŋɡarere harɛ dɛ ba so Gebea bela, Bɛnjamen dea tena bwɛɛ.

Kaala 6:25

Arɔn bibaa Eliasa mo Putiel bihaah bɛl, asɛ dɛ lolɛ Fenehas. Banɔɔ le Lewi luɡe ta dɛ chɔ ba deene nyoo.

Ɛsra 7:5

Abisua lolɛ Buki, Fenehas lolɛ Abisua, Eliasa lolɛ Fenehas, asɛ Arɔn waa ɛ Sɔfonomoa la lolɛ Eliasa.