Sitɔɔla 20:2 - mzwDBL

² Nomonome baa chɔ Israel deene nyoo la bwa baa ja Korowii nɛra baa chema la nɛ. Asɛ laa tena kaɡboŋa lafraanaarɛ kpoŋe tokobie.

Sitɔɔla 20:2 ပူးပေါင်းရင်းမြစ်များ

2 Samoɛl 14:13

Anee haah la ŋɔ, “Ɛrɛɛ he ɛ Korowii nɛra waa aa wola were ken nɔɔ? He ta ɡelɛ he ɡbaɡba bie baa lawɔ laa ta kaa bojaŋ harɛfale ta berɛ ba, anomanta, he ɡbaɡba nyoa wobol pae bolchɔɡe.

2 Samoɛl 24:9

Joab ba kooro be ba baɡle laa tena la nyoa baɡlo ŋɔ, Israel harɛ ta ɡbo, ba lɔ laa tena kaɡboŋa lafraanuatoro, asɛ Juda harɛ ta ɡe, ba lɔ baala kaɡboŋa lafraanue.

2 Koranar 3:26

Moab kooro nao kɛŋɔ ba dɛ ba o nɛɛ pɔe, asɛ o kpɔ laa tena lafraanuanɛ ba kpoŋe tokobie, dɛ́ fee ka tawɛ kpɔ ba bini kaa Edom kooro be, kɛ o ta wone.

Josua 22:12

ba bwa chemo Silo bela kɛŋɔ ba la ka puu ba yo.

Sitɔɔla 20:15

Buɡ la ta, Bɛnjamen dea tena boa laa tena kaɡboŋa fifraanɛ dɛ banumɛl nyoa le ba bwɛɛre ta ba kpoŋe tokobie, dɛ kpɔ ja baala lafraanuanɛ baa lee ba le Gebea bela la nɛ.

Sitɔɔla 20:17

Israel tena dɔ laa tena kaɡboŋa lafraanaarɛ baa dɛ yo kɛrɛdɛ. Bɛnjamen dea tena ta ba nɛɛ jae.

Sitɔɔla 20:3

Dɛ Bɛnjamen dea tena la noɔ kɛŋɔ Israel tena la kaa cheme Mispa. Israel tena la ŋɔ, “Hé baɡle yaa waa aa cheɡɛ a ta wedoŋa nɔ ba.”

Sitɔɔla 8:10

Dɛ Seba ne Salmuna laa tena baa kaa la lɔ kaɡboŋa fi dɛ banue ba ne ba do Kaakɔ. Banee kaa dɛ le wee leebɔr laa tena la bini, asɛ laa tena kaɡboŋa lafa fifraanɛ ɡe serewe.

1 Samoɛl 11:8

Sɔɔl aa boa ba bwa nyoa bwɛɛ Bɛsɛk la, dɛ Israel baala lɔ nɛra kaɡboŋa lafraatoro, asɛ Juda baala ɡe ɛ nɛra kaɡboŋa fifraatoro.