Sitɔɔla 20:16 - mzwDBL

¹⁶ Laa tena baa lee ba nɔ bwa bini, lafraanuanɛ ɛ ɡal tena ba nɔɔra aa dɛ na kɛrɛdɛ, baa wola kon waa do kɛ nyumpon kwaraa kur ta.

Sitɔɔla 20:16 ပူးပေါင်းရင်းမြစ်များ

Sitɔɔla 3:15

Israel tena wio no Korowii ja, asɛ o le Bɛnjamen dea te Gɛra bibaa Ehud tɛɛ ba, ó ba lɛɛ ba. O ɛ ɡal te. Gɛ Ehud nɔɔ Israel tena tomɛ o kpɔ suuɡa ne kwaa baa bɔa dɛɛ tɛ Moab Kooro Ɛɡlɔn la dɛ ka tɛo.

1 Webena 12:2

Ba kpoŋe tori, dɛ jemɛ ane yoi kɛrɛdɛ, kɛɛ dɛ won vamtor bwea tae diɡ ne ɡal bwa. Ba le Kooro Sɔɔl luɡe ta, dɛ le Bɛnjamen dea.

2 Webena 26:14

Kooro Ussia tɛ o laa tena la kwaa baa kpɔa dɛɛ tɔ ba te ɡbemɡbe laa ta, ne lampeare ne bune ɡbɛrɛre, ne laa batakaani ne tori, dɛ vamtor bwea.

1 Samoɛl 25:29

Hale dɛ nomɛl dɛ nyini dɛ́ kpo kwara naa, Korowii haa dɛ tomɔ la ɛɛ kpɔ nɔnee tɔ he nɛ, kɛŋɔ nomɛl aa dɛ nyiŋi kondɛɛɡe bɛl o waa hiah la ken. Kɛ he dɔma te, wɛɛ viɡ baa kɛŋɔ vamtor bwea ken.

1 Samoɛl 17:40

O kpɔ o daŋɡbala kpoŋe, dɛ tɔɔ bwea a bwara aa loɡa anue le fɛlembɔjen bɛl bini, dɛ kpɔa do o pur bini, dɛ kpoŋe o vamtor, asɛ dɛ suuh dɛɛ tel Filisti te la.

Sitɔɔla 20:17

Israel tena dɔ laa tena kaɡboŋa lafraanaarɛ baa dɛ yo kɛrɛdɛ. Bɛnjamen dea tena ta ba nɛɛ jae.