Sitɔɔla 2:20 - mzwDBL

²⁰ Anomanta, Korowii baah di Israel tena nɛɛ o ŋɔ, “Chɔɡa nɛra nɔ aa chɔɡ fɔo n ne ba naawa aa fɔwa dɛ vɛh n waa noe nɔ,

Sitɔɔla 2:20 ပူးပေါင်းရင်းမြစ်များ

2 Samoɛl 24:1

A habɔɔ la, Korowii baah di Israel tena baa lɔ weekaŋle nyundua la nɛɛ ja, dɛ ɡel Kooro Devid dɔ liire kɛŋɔ a chɛ kɛ ó la ka kure ba ne Juda tena baa lɔ weekaŋle harɛbɔr bwa ɡe.

Yela 106:40

Anomanta, he baah di he nɛra nɛɛ kohona, asɛ he ki ba we-ɛɛla.

Yela 78:10

Ba ta Korowii fɔo o ne baa fɔwa la ta teŋɛ, dɛ vɛh o Mmarare la.

Jeremia 31:32

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la, aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ.

Ɛsekeɛl 20:37

Mɛɛ do sie he bee kɛrɛdɛ, ásɛ hɛɛ teŋɛ fɔo waa chɔ n ne he baah ta la.

Nɛra Kura 32:13

Korowii baah di Israel tena la nɛ, asɛ dɛ ɡel ba ɡaaɡe pua hɛŋle ɡbo harɛ la ta bene fifraanaarɛ, ka tel kɛŋɔ a ɡɛ nɛra la ka pa bwa baa ɛ wechɔɡa la aa baa he.

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.

Josua 23:16

Dɛ he koni fɔo he ne Korowii haa dɛ tomɔ la aa fɔwa o do heyaa a ta la, dɛ berɛ kaa tomɛ voɡa dɛɛ ɡuŋa aa, o baah ɛɛ di he nɛɛ kohonaa, ásɛ he serewe le harɛdɛɛɡe waa kpɔa tɛ heyaa nɔ ta.”

Sitɔɔla 10:7

o baah di ba nɛ. O kpɔ ba do Filisti ne Amɔn tena nɔn ta,

Sitɔɔla 2:14

Korowii baah aa di Israel tena nɛɛ la, o ɡelɔ nɛra ba lɔ tɔ ba nɛ, dɛ pa ba laala bwa kaa kɛŋɔ laa ta kwa. O berɔ kpɔ ba do ba dɔma baa soɡa bar ba la nɔn ta, baa di kpeɡri ba nɛ ba lɛ ba te kahonɛ.

Sitɔɔla 2:19

Kɛ sitɔɔ la baa sewaa, dɛ ba berɔ kaa ba webena aa ɡwaa ba naawa kwaa la, dɛ kaa teŋɛ voɡare nɛɛ dɛɛ toma. Baa nyin ba ɡel ba wechɔɡa ne ba deŋnekpeɡ we-ɛɛla.

Sitɔɔla 3:8

Anomanta, Korowii baah di ba nɛɛ kohona dɛ kpɔ ba do Mɛsopoteemea Kooro Kusan Risataim nɔn ta, asɛ ba tomɔ bene anuatoro.