Sitɔɔla 2:18 - mzwDBL

¹⁸ Saŋ bɛlbwa Korowii aa tɛɛ ba sitɔɔ la, o dɛ chao dɛ́ lɛɛ ba le ba dɔma nɔn ta ɡɛ saŋ sitɔɔ la taa soɡe le la. Korowii dɔ tedoma dɛɛ tɛɛ ba, wii baa dɛ wi hɔhɔrɔwa nɛra aa dɛ ɛɛ ba la wa.

Sitɔɔla 2:18 ပူးပေါင်းရင်းမြစ်များ

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Mmarare 32:36

Korowii ɛɛ lɛ o nɛraa ɡɛ saŋ ba bokpeɡa aa ba tonɛ. Wɛɛ dɔ tedomaa tɛ nɛra baa dɛ tomɔɔ, ɡɛ saŋ baa wola nomɛlbwa dɔe ó cha ba.

Kaala 2:24

Korowii no ba wii, dɛ lii fɔo o ne Abraham ne Aesek dɛ Jekɔb aa fɔwa la wa.

Hosia 11:8

Israel tena, ɛrɛɛ mɛɛ ba wona ɡel heya ɔ? Ɛrɛɛ mɛɛ ba wona le heyaa tɛɔ? Mɛɛ won chɔɡ heyaa kɛŋɔ Adma tena aa? Ɛrɛɛ mɛɛ ba wona chɔɡ heyaa kɛŋɔ Seboiim tena ɔ? N liire aa men ɡɛ baɡle, nyina maa dɛ nyin heyaa la kan taeh.

2 Koranar 13:4

Kooro Jehoahas soŋe Korowii a wa, asɛ o no. Dɛ Korowii na fiiɡa Siiria kooro aa dɛ fiiɡi Israel tena kohona.

Sitɔɔla 10:16

Anomanta, ba laa ba te kpɔ voɡa aa lɔ bela la ta dɛɛ tomɛ Korowii. Asɛ ba waa domɛ o tea, o sune ba nɛ.

Mumpar 6:6

o bambile bini chɔɡɔ kɛ waa ta nɛwɛnyina ba harɛ nɔ ta. Gɛ waa nɔ aa we o nɛɛ kohona nomanta o ŋɔ,

Kaala 3:12

Asɛ Korowii chaŋo ŋɔ, “Mɛɛ ja he nɛɛ, ásɛ dɛ he baa kpɔ n nɛra le Ijipt harɛ ta ba naa, bá baa tom mɛ bwejen nɔ ta. Anee dɛɛ ba baɡla kɛŋɔ menee tomɛ.”

Jona 3:10

Belaa Korowii aa naa kɛ ba charɛ ba liire le ba wechɔɡa ŋwɛnɛre ta la, o tea domɛ ba nɛ, dɛ ɡel chɔɡa waa ŋɔa wɛɛ chɔɡ baa la.

Yela 90:13

N Naa Korowii, ɡel he baah sɔɔh! Saŋ besoo he bandia nyoa ɛɛ ba sɔɔhna ɔ? Dɔ tedoma tɛ he bonɔɔna.

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Nɛra Kura 10:9

Dɛ ba kaa jo ba harɛ ta, asɛ ba dɔma ba puu ba dɛɛ yo aa, bá hoh bɛle la. Men Korowii baa dɛ tom mɛ la ɛɛ lii ba waa, dɛ́ lɛɛ ba le ba dɔma nɔn ta.

Sitɔɔla 2:19

Kɛ sitɔɔ la baa sewaa, dɛ ba berɔ kaa ba webena aa ɡwaa ba naawa kwaa la, dɛ kaa teŋɛ voɡare nɛɛ dɛɛ toma. Baa nyin ba ɡel ba wechɔɡa ne ba deŋnekpeɡ we-ɛɛla.

Kaala 32:14

Anomanta, Korowii charɛ o liire dɛ le hɔhɔrɔwa waa aah o nɛra ŋɔ o fe ɛɛ kpɔɔ ba ta ba nɛɛ laanee.

Sitɔɔla 3:9

Kɛ ba wio yerɛ Korowii, asɛ o le Kenas bibaa Otniel o ba lɛɛ ba. Dɛ Kaleb nimee on.

Sitɔɔla 6:12

Korowii nyundua torome la kpɔ o te baɡle Gedeɔn, dɛ ŋɔ o be ŋɔ, “Banyoo, Korowii ja he nɛ.”

Sitɔɔla 6:16

Asɛ Korowii ŋɔ, “Mɛɛ ja he nɛɛ ásɛ he kpoo Midian tena bwa, kɛŋɔ haa yo nɛmbeŋkpoŋ ken.”

Sitɔɔla 11:32

Anomanta, Jɛfta ɡale Moo la dɛ́ ka yoo ba, asɛ Korowii kpɔ ba do o nɔn ta o pɔ ba nɛ.