Sitɔɔla 2:14 - mzwDBL

¹⁴ Korowii baah aa di Israel tena nɛɛ la, o ɡelɔ nɛra ba lɔ tɔ ba nɛ, dɛ pa ba laala bwa kaa kɛŋɔ laa ta kwa. O berɔ kpɔ ba do ba dɔma baa soɡa bar ba la nɔn ta, baa di kpeɡri ba nɛ ba lɛ ba te kahonɛ.

Sitɔɔla 2:14 ပူးပေါင်းရင်းမြစ်များ

2 Samoɛl 24:1

A habɔɔ la, Korowii baah di Israel tena baa lɔ weekaŋle nyundua la nɛɛ ja, dɛ ɡel Kooro Devid dɔ liire kɛŋɔ a chɛ kɛ ó la ka kure ba ne Juda tena baa lɔ weekaŋle harɛbɔr bwa ɡe.

2 Samoɛl 7:11

ne ɡɛ maa ɛa dɛ le saŋ maa le sitɔɔla tɛ n nɛra Israel tena la. Mɛɛ berɔ tɛ heyaa bosɔɔhna le he dɔma bwa nɔn ta. Men Korowii, n bol he be ŋɔ he ne he naanaree dɛɛ ba koranar ɛɛ.

2 Koranar 13:3

Anomanta, Korowii baah di Israel tena nɛɛ taeh, asɛ o kpɔ ba do Siiria Kooro Hasael, ne o bibaa Bɛn Hadad lɔɡa biɡri.

2 Koranar 17:20

Anomanta, Korowii berɛ habɔɔ kpo Israel tena bwa. O tɛr ba deŋne, dɛ kpɔ ba do ba dɔma nyubinikpeɡ tena nɔn ta, ka tel kɛŋɔ waa doŋ ba le o sie.

2 Webena 15:5

A ɡɛ saŋ, dɛ a kpeɡri kɛŋɔ nɛn won dɛɛ ɡaaɡe deŋnesɔɔhna ta, dɛkalkɛ wenaale ne wesaɡasaɡare lɔ Israel harɛ la ta.

2 Webena 28:5

Anomanta, Korowii waa dɛ tomɔ la kpɔɔ do Siiria kooro nɔn ta. Siiria laa tena baa yoo dɛ pɔ o nɛ, dɛ lawɛ o nɛra ɡalɡa, dɛ ba ba ne Damaskɔs. O berɔ kpɔɔ do Israel kooro nɔn ta o yoo, dɛ kpoo o laa tena taeh.

2 Webena 36:16

Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.

Nehemia 9:27

Anomanta, he ɡelɔ ba dɔma yoo ba, dɛ pɔ ba nɛɛ dɛ fiɡ ba. Kɛ ba wenaale ta la, ba wio noe asɛ he no le nyundua dɛ cha ba. He cheɡɛ tedoma haa dɔa kohona ta dɛ le nomonome tɛɛ ba, ba ba lɛɛ ba le ba dɔma nɔn ta.

Yela 44:11

He ɡelɔ ba kpoo yaa kɛŋɔ peera ken, dɛ lɔ yaa peɡre harɛre ta.

Yela 44:12

He yoɡ yaa tɛ ya dɔma pɛɛpɛɛ, he ta komɛlbwa dɔe le a ta.

Aesaya 42:24

Umee kpɔ Israel tena do nɛnchɔɡa nɔn ta ba kah ba kwaa kaa lɔ? Korowii baa ɛo wechɔɡa la laa aa? Ba vɛh o ŋwɛnɛre ta teŋa, ba ta o Mmarare waa la noɛ.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Jeremia 37:10

Hale dɛ he wono pɔ Babelɔn laa tena bwa nɛ, asɛ a ka banɔ la baa do ba bola ɡbo ba chɔ ba tɛnte deene bini kwaraa naa, baa iruu le dɛ́ ba fuh bwɛjen nɔ bwa.”

Lewi Dea Tena 26:17

N sie ɛɛ beɡre he nɛɛ, dɛ́ ɡel he dɔma pɔ he nɛ, dɛ́ɛ nyiŋi he nɛ. Ɔmee kohona nomanta, hɛɛ dɛɛ chwaaɡoo dɛ nomɛlbwa aa heyaa doŋi.

Lewi Dea Tena 26:28

ate mɛɛ kpɔ n bandia kohonaa ba ta he nɛ, dɛ́ tɛr he deŋne bele anuanɛ ɡwa wubwa la.

Lewi Dea Tena 26:37

Hɛɛ ka lɔ dɔŋaa, dɛ́ choɡli dɛ nomɛlbwa ta he nɛɛ teŋɛ. Haa won che he dɔma bɛlbwa sie he ne ba yo.

Nɛra Kura 32:13

Korowii baah di Israel tena la nɛ, asɛ dɛ ɡel ba ɡaaɡe pua hɛŋle ɡbo harɛ la ta bene fifraanaarɛ, ka tel kɛŋɔ a ɡɛ nɛra la ka pa bwa baa ɛ wechɔɡa la aa baa he.

Nɛra Kura 32:14

Taraken, he iro kɛŋɔ wechɔɡ-ɛɛra dɛ chiɡ he naawa naa ta, dɛɛ ba ɡela Korowii baah di kohona Israel tena nɛ.

Mmarare 28:20

Dɛ he vɛh Korowii aa, wɛɛ kpɔ wekpeɡaa ta he nɛ, he berɛ wili dɛɛ na waa wobɛlbwa haa dɛɛ ɛ ta, dɛ́ ka tel kɛŋɔ waa chɔɡ heyaa warane kwaraa.

Mmarare 28:25

Ásɛ he dɔma berɛ pɔ he nɛ. Hɛɛ kpɔ ŋwɛnɛ beŋkpoŋii ŋɔ he ka yoo ba, kɛ bɛlbwa ɛɛ berɔɔ nyin bɔr kpɔ dɛ́ chwa peɡre jo harɛ nɔ ta bwa.

Mmarare 28:58

Dɛ he ta duure kpɔe tɛ Korowii kɛrɛdɛ, dɛ no waa bwa aa lɔ tɔn nɔ bini nɔ, dɛ ɔmɛ o jirima ne o sɔnjen la aa,

Mmarare 32:30

Dɛ Korowii waa ɛ he Bwetal dɛɛ lɛ heyaa la laa le he habɔɔ aa, ɛrɛɛ nɛmbeŋkpoŋ fe ɛɛ ba wona doŋi nɛra kaɡboŋ, kɛɛ nɛra banɛ won doŋi nɛra kaɡboŋa fiɔ?

Josua 23:16

Dɛ he koni fɔo he ne Korowii haa dɛ tomɔ la aa fɔwa o do heyaa a ta la, dɛ berɛ kaa tomɛ voɡa dɛɛ ɡuŋa aa, o baah ɛɛ di he nɛɛ kohonaa, ásɛ he serewe le harɛdɛɛɡe waa kpɔa tɛ heyaa nɔ ta.”

Sitɔɔla 1:19

Korowii cha Juda dea tena ba pɔ deŋɡarere harɛ tena nɛ, kɛ ba ta wone doŋi bwɛɛre aa chɔ harɛ deŋɡarere aa wola toole a ta la te nɛ, dɛkalkɛŋɔ ba dɔ bune kwaa aa do kɛŋɔ torɔɡo ba vɔwɛ dɛɛ pɛl jaɡre la ane.

Sitɔɔla 1:34

Amɔre tena chaɡle ba kpeɡri, ba ta ɡelɛ Dan dea tena so bela waa wera, dɛ ɡel ba ka so deŋɡarere dor harɛ waa chɔa kaa ta. Ba ta ɡelɛ ba tu ba so harɛ aa chɔa kaa deŋɡarere aa wola toole a ta la ta.

Sitɔɔla 10:7

o baah di ba nɛ. O kpɔ ba do Filisti ne Amɔn tena nɔn ta,

Sitɔɔla 2:20

Anomanta, Korowii baah di Israel tena nɛɛ o ŋɔ, “Chɔɡa nɛra nɔ aa chɔɡ fɔo n ne ba naawa aa fɔwa dɛ vɛh n waa noe nɔ,

Sitɔɔla 3:12

Israel tena berɔ ɛ wechɔɡa dɛ jo Korowii nɛɛ ja, asɛ o ɡel Moab Kooro Ɛɡlɔn ɛɛ di kpeɡri ba nɛ.

Sitɔɔla 4:2

Anomanta, Korowii kpɔ ba do Keenan Kooro Jabin waa di kora bwɛjen Hasɔ nɔn ta. Kooro Jabin laa nomoa sɔne Sisera, dɛ so bwɛɛ Harɔsɛt Haɡoyim ta.