Sitɔɔla 19:3 - mzwDBL

³ Banloɡle la la o be dɛ ka larawo ásɛ o berɛ ba. Keeɡore anɛɛ o kpɔ o ne o bonɔɔ bɛl kaa. Haah la kpɔ baa la la o mɛɛ dem, o mɛɛ ɡe lɛo silɛɛ ne.

Sitɔɔla 19:3 ပူးပေါင်းရင်းမြစ်များ

Mumpar 50:21

A ta chɛ kɛ he ɔmɛ. Mɛɛ nyiŋi he ne he bii bwaa.” O bol anɔ dɛ kpɔ larawe ba bwara ba baah sɔɔh.

Mumpar 34:3

Dɛ o sie lɛ bitolo la nɛɛ kɛrɛdɛ, asɛ o bambile lawɔ wɛɛ di o deŋna.

Galaasia 6:1

Yabala, dɛ he lawɛ he bini bɛl wechɔɡa bɛlbwa ta naa, he banɔ la haa dɔ Korowii Domadɛɛɡe la kɛrɛdɛ la, hé toɡro. Kɛ he bɛ o nɛɛ nyɛɡ te, hé toɡro sipwɛra ne. He ɡbaɡba ɡe la, a chɛ kɛ hɛɛ nyiŋi kɛrɛdɛ, ásɛ Bɔnsam bɛ heyaa ba neɡre do wechɔɡa ta.

Amanesoma Jɔn Aa Chwera Tɔn 8:11

Anee o ŋɔ, “Ɔɔh, n Dɔɔ, bɛlbwa toole.” Asɛ Yeesu ŋɔ, “Ate, n ɡe aa hen bolchɔɡee pa kpa. Kaa, kɛ bɛ wechɔɡa ka ɛ kpa.”

Matiu 1:19

Dɛ o jaa Josef la ɛ nɛndɛɛɡe o wa ɛɛ su Korowii siwi. Dɛ o fe aa nyin kɛŋɔ ó do Mɛɛre sihiih nɛnfuuh baah ta, dɛ fe ɛɛ nyin kɛŋɔ ó sɔh dɛ́ vɛoh.

Hosia 2:14

Anomanta, mɛɛ lawɔɔ, dɛ́ kpɔɔ kaa pua hɛŋle ɡbo harɛ ta, dɛ́ ka kpɔ sɛmwobol ɡbɛɡbɛo.

Jeremia 3:1

Korowii ŋɔ, “Dɛ baa vɛh o haah asɛ haah la ka yalɛ banfale aa, baa la aa won ka kpɔɔ ba o dea kpa. Gɛ waa nɔ ɛɛ won kpɔ harɛchɔɡ tenten ba. Gɛ tentenee he teŋɛ voɡare nɛɛ kohona kɛŋɔ hanjwamane aa dɛ teŋɛ baala nɛ. He dɛ nyin he berɛ ba n be naa?

Sitɔɔla 15:1

A habɔɔ la, dɛ mea koma saŋ telo, asɛ Samsen lawɛ bombie ŋɔ ó kpɔ ka tɛ o haah. Waa laŋa la o ŋɔ, “Mɛɛ jo n haah be deaa.” Kɛ o haah mɛɛ ta on ŋwɛnɛ tɛɛ o jo.

Nɛra Kura 22:22

Waa dɛ kaa la, Korowii baah diu, asɛ o ɡel o nyundua torome ba che ŋwɛnɛ la baah ta dɛ tɔɔ ŋwɛnɛ. Dɛ Balam soɡe o keeɡo la ta, o bonɔɔna banɛ ja o nɛ.

Lewi Dea Tena 20:10

Dɛ baa nyin o dɔŋ haah naa, dɛ ba bwa bɔ jwamane, a chɛ kɛ bá kpo baa la ne haah la bwa.

Lewi Dea Tena 19:17

Dɛ́ɛ berɛ he dɔŋ haeh. La o be ka diu kasinteŋ, ásɛ o wechɔɡa bɛ he nɛɛ dawɛ.

Sitɔɔla 19:2

Haah la le baa la habɔɔ dɛ ka chɔ banfale be, dɛ berɛ le o sɛno la be dɛ kaa Bɛtlɛham ka so o mɛɛ dem korobie anaarɛ.

Sitɔɔla 19:4

Dɛ haah la mɛɛ aa nyin kɛ baa la kaa dɛ ŋɔ ó so bela tama. Anomanta, o soɡe bela tɔpera atoro, belaa wɛɛ di kwaa dɛɛ nyɔ sen dɛɛ chɔ ɡe.

Sitɔɔla 19:26

Bɔr aa dɛ chaah la, haah la berɔ kaa dem bela o dɔɔ aa lole la. O cholo chɔ dem la doonyoa ka tel kɛŋɔ bɔr aa chaahna.

Hosia 2:16

Awola tɔpere la, wɛɛ yer mɛ ‘n jaa’, waa men ‘n dɔɔ’ yerɛ kpa.