Sitɔɔla 19:10 - mzwDBL

¹⁰ Kɛ dɛ baa la aa nyin kɛ o chɔ bela jwaana kpa, dɛ pa kwaa baa paa dawɛ keeɡo ta dɛɛ so o ta la dawɛ keeɡore anɛ la ta, asɛ o ne o sɛno la kpɔ sie chaɡɛ Jebus waa ɛ Jerusalam.

Sitɔɔla 19:10 ပူးပေါင်းရင်းမြစ်များ

2 Samoɛl 5:6

Kooro Devid ne o laa tena kpɔ ba te kaa Jerusalam dɛ́ ka yo Jebus tena baa soɡe bela la. Belaa Jebus tena la ŋɔ kooro be ŋɔ, “Haa won ba ya be bonɔ, hale nyoŋa ne boobie kwaraa ɛɛ won doŋi he berɛ kaa.” Dɛ ba liire bwaa kɛŋɔ Kooro Devid aa won la bela.

Josua 15:63

Juda dea tena la ta wone doŋi Jebus tena baa soɡe Jerusalam la, ba ne ba bwa ta soɡe bela ba le fini.

Josua 15:8

O berɔ chɔ kaa Bɛn Henɔm Fɛlembɔjen ta, dɛ kaa Jebus tena bwɛjen Jerusalam weekaŋle harɛbɔr. Jwɛh la le bela dɛ kpɔ deŋɡare bɛl waa lɔ Bɛn Henɔm Fɛlembɔjen doa wee cholibɔr, dɛ berɛ kaa Refaim Fɛlembɔjen ta weekaŋle nyunduabɔr.

Josua 18:28

ne Sɛla ne Haelef ne Jebus, ne Gebea dɛ Kiriat Jearim. A bwa lɔ bwɛjena fi dɛ anaarɛ, a ne a bwɛjeɡre. Harɛ Bɛnjamen dea tena lolanar aa dɔa o ɛ ba kapɛrɛ kon laanee la.

Sitɔɔla 1:8

Juda dea tena kaa yo Jerusalam tena ɡe, dɛ pɔ ba nɛ. Ba kpoo nɛra baa lɔ o ta dɛ fuuh.

Sitɔɔla 19:9

Baa la ne o sɛno la ne bonɔɔ la aa ira dɛɛ ba kaala la, haah la mɛɛ ŋɔ ba be ja ŋɔ, “Taraken bɔr joɔ tonɛ, so lɛ he sie dɛ chɔ, ásɛ kere chɔmbibii, hé chiɡ ŋwɛnɛ ta kaa.”