Sitɔɔla 19:1 - mzwDBL

¹ A saŋ la, dɛ kooro toole Israel harɛ ta. Dɛ Lewi dea te bɛl soɡe bojaŋ bwɛɛ bɛl ta, Efrem deŋɡarere harɛ ta, dɛ ka kpɔ haah Bɛtlɛham waa lɔ Juda harɛ ta o ne wɛɛ di nyoa sɛm.

Sitɔɔla 19:1 ပူးပေါင်းရင်းမြစ်များ

Mumpar 22:24

Dɛ o ne haah bɛl soɡo o ɛ o sɛno baa yerɔ Reuma. O ɡe bii waa lol ba laanee Teba ne Gaham ne Tahas dɛ Maaka.

Mumpar 25:6

Waa soɡe le waa wola sewɛ mɔɔ la, o kɛ bii o ne o sɛnanar bane aa bera dɔ ja la koŋkwaare, asɛ dɛ ta ba ŋwɛnɛ ba kaa wee leebɔr pera dɛ le Aesek jwɛh.

Mumpar 35:19

Rakɛl aa sewa la, ba huɡo bwɛɛ Efrat la ŋwɛnɛ nyoa. Ba berɔ dɛɛ yerɔ Bɛtlɛham.

2 Samoɛl 16:22

Anomanta, ba baŋre tɛnte dea koodem bela saldoa tɛ Absalɔm, asɛ o lawɛ o mɛɛ sɛnanar la chɔ Israel tena la bwa siwi ta.

2 Samoɛl 19:5

Belaa Joab jo kooro dem bela dɛ ka ŋɔ o be ŋɔ, “N naa, he ɡelɔ sihiih kpo he laa tena baa lɛ he ne he bibaala, ne bihaahna ne haahna dɛ he sɛnanar la nyu.

2 Samoɛl 20:3

Kooro Devid aa bera kaa o koodem Jerusalam la, o lawɛ o sɛnanar fi baa dɛ daah koodem la do dea, baa daah ba. Dɛ o dɛ tɛɛ ba komɛlbwa kɛ dɛ o ne baa chɔ. Ba chɔ dea ka tel ba serewe wee, kɛŋɔ luhaahna ken.

2 Samoɛl 3:7

Dɛ Kooro Sɔɔl fa dɔ sɛno bɛl baa yerɔ Rispa, o nya sɔne Aeya. Anee Esbɔsɛt bɔɔ Abna ŋɔ, “Ɛrɛɛ he lawɛ n mɛɛ haah chɔ nɔɔ?”

2 Samoɛl 5:13

Kooro Devid aa ir Hɛbrɔn dɛɛ kaa Jerusalam la, o kpɔ o sɛnanar ne o haahna tenten bane ja kaa bela, asɛ o ne ba loɡle bibaala ne bihaahna kohona ja.

1 Koranar 11:3

O mo haahna baa ɛ koobii lafraanuanɛ, o sɛnanar ɡe lafraatoro. O haahna la ɡelɔ o liire charɛ le Korowii be.

1 Koranar 4:8

Gɛ nɛra la sɔnaa teŋa nɔ, Bɛn Hur chɔ a ɡɛ kondikwaa la waa ta deŋɡarere harɛ bwɛɛre aa lɔ Efrem harɛ.

2 Webena 11:21

Dɛ Kooro Rɛhoboam dɛ nyin Absalɔm bihaah Maaka dɛ ɡwaa o haahna ne o sɛnanar bwa. Dɛ o haahna lɔ fi dɛ banuatoro, asɛ o sɛnanar ɡe lɔ fifraanumɛl. O bibaala lɔ fifraanɛ dɛ banuatoro, asɛ bihaahna ɡe lɔ fifraanumɛl.

Ɛsta 2:14

Jɔmɔraa wɛɛ la o be dɛ́ ka chɔ. Tɔɔ perɔ aa, baa kpɔɔ la sɛnanar denɛɛte ta, dɛ́ ka do kooro bonɔɔ Saasɡas baa fɔɡɛ o lur, wɛɛ nyiŋi kooro haahna nɛɛ la nɔn ta. Waa kooro bee la kpa, nemenɛ kooro sie lɛ o nɛɛ ó baɡle o sɔn ŋɔ bá yerɔ tɛo ja.

Daneɛl 5:3

Ate, ba ka pa a ɡɛ suuɡaswɛm ne suuɡapoŋa numoli la le Korowii Dea Jerusalam ba, asɛ Kooro Bɛlsasa ne o nomonjena ne o haahna dɛ o sɛnanar kpɔ dɛɛ nyɔ sen.

Malakae 2:15

Korowii ta ɡelɛ haah ne baa ɛ beŋkpoŋ bwadabii ne doma ta naa? Bɔkwa waa o ɛa ɡɛ nɔɔ? O dɛ nyin kɛŋɔ he bii baa teŋɛ o waa la ta. Anomanta, bɛlbwa nyiŋi kɛrɛdɛ dɛ bɛ ɡel nyobaɡa aa lɔ o ne o bonɔɔne saŋ haah baah la chɔɡ.

Matiu 2:6

‘Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.’ ”

Josua 24:30

Ba huɡo o ɡbaɡba harɛ ta Timnat Sera. O lɔ Efrem deŋɡarere ta, dɛ do Gaas Bwejen weekaŋle nyunduabɔr.

Josua 24:33

Sɔfo Eliasa ɡe baa sewɛ, asɛ ba huɡo bwɛjen Gebea harɛ waa ɛ o bibaa Fenehas kon ta. O lɔ Efrem deŋɡarere harɛ ta.

Sitɔɔla 12:8

Jɛfta habɔɔ, Bɛtlɛham te Ibsan baa ɛ Israel tena sitɔɔ.

Sitɔɔla 17:1

Baa bɛlee fa lole baa yerɔ Maeka. O le Efrem dea dɛ so Efrem deŋɡarere harɛ ta.

Sitɔɔla 17:6

Gɛ saŋ dɛ Israel tena ta kooro dɔe, asɛ bɛlbwa ɛɛ ɛ waa waa dɛ nyin.

Sitɔɔla 17:7

Dɛ bonɔɔ bɛl ɛ Lewi dea te dɛ le Bɛtlɛham waa lɔ Juda harɛ ta, dɛ so Juda dea tena bini.

Sitɔɔla 17:8

O le Bɛtlɛham dɛɛ la ka nyin bofale dɛ́ so. Waa chiɡ ŋwɛnɛ ta dɛɛ kaa la, o kaa le Maeka dem Efrem deŋɡarere harɛ la ta.

Sitɔɔla 18:1

Kooro toole Israel tena harɛ ta ɡɛ saŋ. Dɛ Dan dea tena ta harɛ dɔe o ɛ ba ɡbaɡba kon Israel harɛ ta, ba ɡaaɡe dɛɛ nyin bela baa so.

Sitɔɔla 18:13

Baa le bela la, ba kaa Efrem deŋɡarere harɛ ta, dɛ ka le Maeka dem.

Sitɔɔla 19:16

Awola jɔmɔra la, dɛ banjena bɛl le koo dɛɛ ba. Dɛ o le Efrem deŋɡarere harɛ dɛ ba so Gebea bela, Bɛnjamen dea tena bwɛɛ.

Sitɔɔla 19:2

Haah la le baa la habɔɔ dɛ ka chɔ banfale be, dɛ berɛ le o sɛno la be dɛ kaa Bɛtlɛham ka so o mɛɛ dem korobie anaarɛ.

Sitɔɔla 21:25

Gɛ saŋ dɛ kooro toole Israel harɛ ta, asɛ bɛlbwa ɛɛ ɛ ɡɛ aa wera o be.

Sitɔɔla 3:27

Waa tel Efrem deŋɡarere harɛ ta la, o hoh bɛla yerɛ Israel tena, asɛ ba teŋɛ o nɛɛ le deŋɡarere la dor o tɔ ba sie ba kaa laa.