Sitɔɔla 18:9 - mzwDBL

⁹ Anee ba chaŋe ŋɔ, “Hé ba yá ka yoo ba! Ya nao kɛŋɔ harɛ la wer kɛrɛdɛ. Hé ɛ warane, hɛɛ berɛ ɔma. Yá kaa, yaa pɔ ba nɛɛ dɛ́ kpɔ harɛ la.

Sitɔɔla 18:9 ပူးပေါင်းရင်းမြစ်များ

2 Samoɛl 10:12

Dɔ bambile, dɛ́ che kiŋkiŋ, dɛ́ ɡel ya won yo bansua ne lɛ ya nɛra ne Korowii bwɛjena cheɡ. Waa aa too Korowii tea laanee wɛɛ ba ɛɛ.”

1 Koranar 22:23

Korowii keame Mikaya berɛ ŋɔ, “Korowiirii ɡela he keamere la neɡre, o ɡbabirii bol he chɔɡa waa kɛŋɔ a chɛ kɛ hé sewɛ.”

1 Koranar 22:3

Kooro Ahab ŋɔ o nomonome be ŋɔ, “Bwɛjen Ramɔt waa lɔ Gelead harɛ ɛ ya kon, ɛrɛɛ yaa wola won ɛ waane dɛ́ berɛ lɛ le Siiria Kooro be nɔ?”

Nɛra Kura 13:30

Dɛ harɛ la waa beɡra baa chole nɛra baa cheme Mosis sie la nɛ, asɛ Kaleb waa ɛ nɛra baa tom ba la bini bɛl ŋɔ, “A chɛ kɛ yá ka puu ba yo, dɛ́ lɛ harɛ la. N jemɔ kɛŋɔ yaa wonoo lɛ.”

Amanesoma Jɔn Aa Chwera Tɔn 6:27

He bɛ kondikwaa aa won chɔɡa nɔ ta dɛɛ koh. Hɛ́ɛ koh kondikwaa aa wola chɔɡ dɛɛ tɛ mkpa aa wola jaɡa dɔe la ta. Gɛ kondikwaa nɔɔ Men Nɛn Bie la ɛɛ ba heyaa tɛɛ, dɛkalkɛ menee Korowii tɛ kpeɡri kɛŋɔ kooro aa tomɛ o bie faahna ne la.”

Josua 18:3

Asɛ Josua pɛɛ Israel tena la ŋɔ, “Saŋ besoo hɛɛ nyin kɛŋɔ he so ka tel mɔɔ, dɛ́ ta ka lɛ harɛ Korowii he naawa aa tomɔ la aa kpɔa tɛ heyaa laɔ?

Sitɔɔla 18:10

Hé laŋaa, hɛɛ pu nɛra baa wola lii kɛŋɔ waane ɛɛ pu baa. Harɛ la kan. Korowii kpɔɔ do he nɔn ta. Komɛlbwa ta o ta nyae.”

Sitɔɔla 18:8

Nɛra banue la aa bera ba Sora ne Ɛstaol la, ba bala bɔɔ ba ŋɔ, “Bɔkwaa he ka na nɔ?”

1 Samoɛl 4:9

Filisti tena, hé dɔ bambile, dɛ́ che kiŋkiŋ kɛŋɔ baala, dɛ ɡɛ laa aa, hɛ́ɛ ka do Israel tena lɔɡaa ɡɛ ba fa aa lɔ ya lɔɡa la. Hé che kiŋkiŋ dɛ́ yo.”