Sitɔɔla 18:30 - mzwDBL

³⁰ Dan dea tena cheɡ voɡa la bwɛɛ la ta dɛɛ toma, asɛ dɛ kpɔ Jonatan ɛ ba kerekpoŋri. O mɛɛ sɔne Gɛɛsɔm, Gɛɛsɔm ɡe mɛɛ sɔne Mosis. Jonatan bibaala ɛ ba sɔfore dɛ kpoŋe ka tel saŋ nɛra bane aa baa laɡ ba laa ta kaa harɛfale ta.

Sitɔɔla 18:30 ပူးပေါင်းရင်းမြစ်များ

2 Koranar 15:29

Kooro Pɛka aa di kora Israel harɛ ta la taa Asiiria koojen Tiɡlat Pilesa kpɔ o laa tena ba yo, dɛ lɛ bwɛjena ane baa dɛ yera Ijon ne Ebel Bɛt Maaka, ne Janoa ne Kedes dɛ Hasɔ. O berɔ ka lɛ Gelead ne Galilia harɛre, dɛ kpɔ Naftale dea harɛ bwa ja, dɛ larawe Israel tena baa lɔ bela kaa Asiiria harɛ ta.

2 Koranar 17:18

Anomanta, Korowii baah di Israel tena nɛɛ taeh, dɛ doŋ ba le o sie. Juda dea tena ɡboo baa ka.

2 Koranar 17:20

Anomanta, Korowii berɛ habɔɔ kpo Israel tena bwa. O tɛr ba deŋne, dɛ kpɔ ba do ba dɔma nyubinikpeɡ tena nɔn ta, ka tel kɛŋɔ waa doŋ ba le o sie.

2 Koranar 17:22

Ba teŋɛ Kooro Jɛroboam wechɔɡa ta, dɛ teŋɛ dɛɛ ɛa,

2 Koranar 17:23

dɛ ka tel kɛŋɔ Korowii aa doŋ ba le o sie, ɡɛ waa cheɡɛ o keamere nɛɛ dɛ bol la. Anomanta, ba lawɛ Israel tena laa ta kaa bojaŋ Asiiria harɛ, ba ta ka bela ba le fini.

Kaala 18:3

o ne o bibaala banɛ bwa. Ba bini bɛl sɔne Gɛɛsɔm dɛkalkɛ Mosis ŋɔ, “N kaa ɛ hɔɔh harɛfale ta.”

Kaala 2:22

Ba lolɛ bibaa, asɛ Mosis ŋɔ, “O sɔne Gɛɛsɔm dɛkalkɛŋɔ, hɔɔhree men harɛ nɔ ta.”

Kaala 20:4

He bɛ komɛlbwa waa lɔ nyundua kɛɛ harɛ ta hale nee bini bɛlbwa chaa ɛ.

Lewi Dea Tena 26:1

Korowii berɔ ŋɔ, “He bɛ voɡa kɛɛ kon haa sɛoh kɛɛ bwe kpɔ pa dɛɛ tomɔ. Menee Korowii haa dɛ tom mɛ la.

Mmarare 27:15

‘Nomɛlbwa waa sɛh komɛl chaa kɛɛ dɛ sɔh cheɡ voɡ dɛɛ tomɔ la, Kórowii taahno, dɛkalkɛŋɔ o kii.’ Ásɛ Israel tena la ɡe chaŋe ŋɔ, ‘Aamen!’

Mmarare 31:16

Asɛ dɛ ŋɔ Mosis be ŋɔ, “Aa biɡri bɛlbwa ásɛ he chɔ he banɔn ta. A ba ɡɛ naa, nɛra haa tɔ ba sie nɔ ɛɛ chɔɡ fɔo n ne baa fɔwa laanee. Baa le n habɔɔ, dɛ́ ka tomɛ harɛ baa dɛ ba o ta joe nɔ voɡaa.

Mmarare 31:29

Dɛ ŋɔ, n jemɔ kɛŋɔ n seo habɔɔ la, baa ɛ nɛnchɔɡaa dɛ́ vɛh waa maa bola baɡ ba bwa dɛ chwerɛ bil la. Aa ba la sie la, baa na wekpeɡaa, dɛkalkɛŋɔ baa ɛ waa Korowii aa kia, ásɛ o baah di.”

Sitɔɔla 13:1

Israel tena ɛ wechɔɡa dɛ jo Korowii nɛɛ ja, anomanta, o kpɔ ba do Filisti tena nɔn ta ba fiɡ ba bene fifraanaarɛ.

Sitɔɔla 17:3

Waa kpɔa tɛ o nya la, o nya ŋɔ, “N kpɔɔ do Korowii nɔn ta, ásɛ n bie Maeka kpɔ ɛ voɡ dɛ́ kpɔ suuɡapoŋa la maɡre o ta. Anomanta, n bie, n kpɔɔ tɛɛ.”

Sitɔɔla 17:5

Dɛ Maeka nɔ dɔ voɡ dea, asɛ o ɛ batakaarebora kɛŋɔ sɔfo batakaare baa dɛ yerɔ efɔd la ken ne voɡa ane, dɛ kpɔ o bibaala la bɛl ɛ o kerekpoŋri.