Sitɔɔla 18:29 - mzwDBL

²⁹ Ba kpɔ ba nabaa Dan sɔn pa bwɛɛ la, ba bwa nabaa Jekɔb aa lolɔ la. Dɛ ba fa dɛ yerɛ bwɛɛ la Lais.

Sitɔɔla 18:29 ပူးပေါင်းရင်းမြစ်များ

Mumpar 14:14

Abram aa noa kɛŋɔ ba lawɛ o lole dɛɛ kaa o ne la, o kpɔ o dem bonɔɔna lafraatoro fi dɛ banuatoro baa dɔ laa wejema dɛ ti ba ka tel bwɛɛ bɛl baa dɛ yerɛ bela Dan.

Mumpar 30:6

Anee Rakɛl ŋɔ, “Korowii bol n waa tɛ mɛ. O no n wesoŋa dɛ tɛ mɛ bibaa, asɛ dɛ pa o sɔn Dan.”

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

2 Samoɛl 17:11

Anomanta, waa maa dɛ bol laanee kɛŋɔ, he boa Israel tena nyoa le Dan dea waa lɔ weekaŋle nyundua pera, dɛ́ ba kaa Beɛseeba waa lɔ weekaŋle harɛbɔr baa wara kɛŋɔ mpo nyoa hɛŋle dɛ do harɛ la bobɛlbwa, ásɛ he ɡbaɡba tɔ ba sie la ba ne laa.

1 Koranar 15:20

Kooro Bɛn Hadad no Kooro Asa be, dɛ tomɛ o laa sitɔɔla ba ka yo Israel harɛ bwɛɛre. Ba pɔ bwɛɛre baa dɛ yera Ijon ne Dan dɛ Ebel Bɛt Maaka ne harɛ waa chɔa kaa Galilia Moo bwa dɛ Naftale dea harɛ bwɛɛre bwa ta.

Jeremia 8:16

Ya dɛ no ya dɔma jaɡre hweera aa nyoa aa kpeɡa, dɛ le bwɛjen Dan ta. Jaɡ-bala sii kpɔ ɔmee kohona ba ta harɛ la nɛra bwa nɛ baa chel. Ba balɔ dɛ́ ba chɔɡ ya harɛ ne komɛlbwa waa lɔ o ta, ne bwɛjen la dɛ nɛra baa lɔ o ta bwa.”

Mmarare 34:1

Mosis berɔ le Moab deŋɡarere dor harɛ waa chɔa kaa la ta, dɛ ka teeh Nɛbo Bwejen dɛ kaa Pesɡa Bwejen doa. Jeriko lɔ Jɔɔdan Moo la baŋ wee cholibɔr. Asɛ Korowii baɡlo harɛ waa kpɔ Israel tena dɛɛ ba o ta la bwa. O nao le Gelead dɛ kpoŋe ka le weekaŋle nyunduabɔr harɛ waa kpɔa tɛ Dan dea tena la,

Josua 19:47

Dɛ a kpeɡri tɛ Dan dea tena lolanar kɛŋɔ ba lɛ harɛ la, anomanta, ba iro dɛ ka pu bwɛjen Lɛsem tena yo, dɛ kpoo ba dɛ lɛ bela so. Ba soɡe bela dɛ kpɔ ba nabaa Dan sɔn pao.

Sitɔɔla 18:7

Anomanta, baala banue la leɔ dɛ kaa Lais harɛ. Belaa ba ka na kɛŋɔ bela nɛra la soɡe deŋnesɔɔhna ta kɛŋɔ Sidon tena ken, dɛ so kɛrɛdɛ, dɛɛ lii kɛŋɔ wobɛlbwa aa ban pu. Komɛlbwa lɔ ba harɛ la ta, ba dɔ ba te. Ba ne Sidon tena baah jaŋne, ba ne nomɛlbwa aa chamene di.

Sitɔɔla 20:1

Israel tena baa soɡe Dan dea harɛ ta dɛ kpoŋe kaa Beɛseeba, dɛ banɔ la baa soɡe Gelead harɛ ta bwa baa cheme Korowii sie Mispa kɛ nɛmbeŋkpoŋ.