Sitɔɔla 18:28 - mzwDBL

²⁸ Ba ta lɛɛ bɛlbwa dɔe, dɛkalkɛŋɔ ba ne Sidon tena baah jaŋne. Ba ta nomɛlbwa ɡe dɔe ba ne baa di chamene. Bwɛɛ la chɔ fɛlembɔjen bɛl bini dɛ bɛne bwɛɛ Bɛt Rehob. Dan dea tena kwaarɔ vɔrɔwe bwɛɛ la dɛ so o ta.

Sitɔɔla 18:28 ပူးပေါင်းရင်းမြစ်များ

2 Samoɛl 10:6

Amɔn tena la aa na Kooro Devid bandia kɛŋɔ o mee le ba we-ɛɛla ta la, ba kaa kpɔ Siiria laa tena kaɡboŋa fifraanɛ baa dɛ valɛ le bwɛjena Bɛt Rehob ne Soba, ne Maaka Kooro ne o laa tena kaɡboŋ, dɛ laa tena kaɡboŋa fi dɛ banɛ baa le Tob harɛ ta ɡe ba ba cha ba.

Sitɔɔla 18:7

Anomanta, baala banue la leɔ dɛ kaa Lais harɛ. Belaa ba ka na kɛŋɔ bela nɛra la soɡe deŋnesɔɔhna ta kɛŋɔ Sidon tena ken, dɛ so kɛrɛdɛ, dɛɛ lii kɛŋɔ wobɛlbwa aa ban pu. Komɛlbwa lɔ ba harɛ la ta, ba dɔ ba te. Ba ne Sidon tena baah jaŋne, ba ne nomɛlbwa aa chamene di.

Nɛra Kura 13:21

Ate, ba chiɡ ŋwɛnɛ ta dɛ ka sɔh nyiŋi harɛ la. Ba cheɡɛ Sin pua hɛŋle ɡbo harɛ ta, dɛ ka le Rehob waa lɔ Lebo Hamat ŋwɛnɛ ta.

Aesaya 23:12

Korowii berɔ ŋɔ, “Bwɛjen Sidon haa wera kɛŋɔ bitolo waa wola baa jemɛ, taraken he chɔɡɔ! Silɛɛ aa lɔ he ta la bwa toole kpa. Ir dɛ́ kaa Saepros harɛ ta, hale bela ɡba haa ona dɔe ba.”

Aesaya 23:4

Bwɛjen Sidon tena, a chɛ kɛ sihiih kpo heya. Mpo haa kpɔ he te dawɛ o nɛɛ la taɡɛ heyaa ta dɛ ŋɔ, “N do kɛ hambara, n ta bibaala dɛɛrɛ bwa, n baa bol bihaahna wa.”

Yela 50:22

Hé no, he banɔ la haa soh men Korowii waa la, ɡɛ laa aa, mɛɛ chɔɡ heyaa, nomɛlbwa aa wola won lɛ heya.

Yela 7:2

ásɛ ba bɛ n bini peeɡe kɛŋɔ nyujente, dɛ́ toɡri n bini nomɛlbwa aa wola won lɛɛ mɛ.

2 Samoɛl 14:6

N naa kooro, men maa ɛ he tolo, dɛ n dɔ bibaala banɛ. Yoi chole ba baah ta awola bɛl kpɔɡ bini, nomɛlbwa toole dɛ larawe ba, asɛ bɛl kpo o dɔŋ.

Sitɔɔla 18:1

Kooro toole Israel tena harɛ ta ɡɛ saŋ. Dɛ Dan dea tena ta harɛ dɔe o ɛ ba ɡbaɡba kon Israel harɛ ta, ba ɡaaɡe dɛɛ nyin bela baa so.

Josua 11:8

asɛ Korowii den kpɔ ba do Israel tena nɔn ta. Ba pɔ ba nɛɛ dɛ ti ba ka le weekaŋle nyundua bwɛjena ane baa dɛ yera Sidon ne Mesrefɔt Maim, ne wee leebɔr ka le Mispa Fɛlembɔjen ta, hale ba bini beŋkpoŋ kwaraa ta kae.

Sitɔɔla 18:29

Ba kpɔ ba nabaa Dan sɔn pa bwɛɛ la, ba bwa nabaa Jekɔb aa lolɔ la. Dɛ ba fa dɛ yerɛ bwɛɛ la Lais.

Josua 19:28

ne Ɛbrɔn ne Rehob ne Hamɔn ne Kana, dɛ kpoŋe kaa Sidon.

2 Samoɛl 24:6

Ba la Gelead harɛ ne bwɛjen Kades waa lɔ Hiti tena harɛ ta, dɛ kpoŋe ka le Dan dɛ bar kaa bwɛjen Sidon bwa.