Sitɔɔla 18:27 - mzwDBL

²⁷ Asɛ ba kpɔ kwaa Maeka aa ɛa la ne o sɔfo la kaa Lais harɛ ta, dɛ yo nɛra ba fe aa soɡe deŋnesɔɔhna ta, baa wola lii kɛ wobɛlbwa ɛɛ puu baa la, dɛ fuh ba bwɛɛ la.

Sitɔɔla 18:27 ပူးပေါင်းရင်းမြစ်များ

Sitɔɔla 18:7

Anomanta, baala banue la leɔ dɛ kaa Lais harɛ. Belaa ba ka na kɛŋɔ bela nɛra la soɡe deŋnesɔɔhna ta kɛŋɔ Sidon tena ken, dɛ so kɛrɛdɛ, dɛɛ lii kɛŋɔ wobɛlbwa aa ban pu. Komɛlbwa lɔ ba harɛ la ta, ba dɔ ba te. Ba ne Sidon tena baah jaŋne, ba ne nomɛlbwa aa chamene di.

Josua 19:47

Dɛ a kpeɡri tɛ Dan dea tena lolanar kɛŋɔ ba lɛ harɛ la, anomanta, ba iro dɛ ka pu bwɛjen Lɛsem tena yo, dɛ kpoo ba dɛ lɛ bela so. Ba soɡe bela dɛ kpɔ ba nabaa Dan sɔn pao.

Sitɔɔla 18:10

Hé laŋaa, hɛɛ pu nɛra baa wola lii kɛŋɔ waane ɛɛ pu baa. Harɛ la kan. Korowii kpɔɔ do he nɔn ta. Komɛlbwa ta o ta nyae.”

Josua 11:11

Ba kpo nomɛlbwa waa lɔ bwɛɛ la ta, bɛlbwa ta kae, dɛ fuh bwɛɛ la ɡe bwa.

Mmarare 33:22

Dan dea ɡe la, o ŋɔ, ‘Dan dea tena do kɛŋɔ nyujente bie. O jaoh le Basan harɛ.’

Mumpar 49:16

Dan ɛɛ ba nyiŋi o nɛra nɛɛ. Baa doo kɛŋɔ Israel deene aa kaa la.

Sitɔɔla 18:26

Anomanta, Dan dea tena la kaalɔ, asɛ Maeka aa naa kɛŋɔ ba kpeɡri ɡwaalo la, o berɛ kaa dem.

Sitɔɔla 8:11

Gedeɔn kpɔ ŋwɛnɛ nɛra baa wola soŋnibɔr dɔe yon kpɔ o ta o chɔ Nɔba ne Joɡbeha wee leebɔr la, dɛ ba piɡri Midian laa tena baa lɔ bela dɛ yoo ba.