Sitɔɔla 18:19 - mzwDBL

¹⁹ Anee ba chaŋo ŋɔ, “Tɔ nyoa, bɛ nyoa pili bol wa. Ba ja ya nɛɛ dɛ́ ɛ ya mɛɛ ne nɛn waa dɛɛ ja yaa. Dɛ he tomɛ Israel dea bɛl nɛra kwaraa naa, a laa wera ɡwaa kɛŋɔ haa dɛ tomɛ nɛmbeŋkpoŋ ne o dem tena ɡbo naa?”

Sitɔɔla 18:19 ပူးပေါင်းရင်းမြစ်များ

Job Tɔn 29:9

nomonome ɡel wobol, dɛ́ kpɔ nɔɔra tɔ nyoo.

Job Tɔn 21:5

Hé nyiŋ mɛ asɛ he bwara yɔr, dɛ́ kpɔ nɔɔra sawɛ nyoo.

Sitɔɔla 17:10

Anee Maeka ŋɔ o be ŋɔ, “So n be bonɔ dɛ berɛ n mɛɛ ne n kerekpoŋri, ásɛ benanyoa bɛlbwa mɛɛ tɛɛ suuɡapoŋa fi ne laala dɛ kondikwa.”

Maeka 7:16

Harɛre nɛra ɛɛ nao sihiih kpo ba, ba kpeɡri bwa ɛ pɛɛpɛɛ. Ba bwara ɛɛ yɔroo, bá kpɔ nɔɔra tɔ nyoo, dɛ́ tɔɔɡe ba deŋna.

Sɛɡla 30:32

Dɛ he ɛ ɡɛne haa dɛɛ maŋkura he te, dɛɛ vɔrɔwe wechɔɡa aa, ɡel dɛɛ lii wa.

Matiu 23:9

Ásɛ harɛ nɔ ta ɡe, he bɛ nomɛlbwa he Mɛɛ dɛɛ yerɛ, dɛkalkɛ he Mɛɛ lɔ beŋkpoŋ ɡbo dɛ do nyundua.

2 Koranar 13:14

Korowii keame Elaesa bwara weo, a taa o che dɛ sewɛ. Asɛ Israel Kooro Jehoas la dɛ ka nao dɛ wi baɡlo dɛ ŋɔ, “N dɔɔ! N dɔɔ! Nɛn waa cheɡɛ Israel tena habɔɔ!”

2 Koranar 6:21

Israel kooro aa na ba la, o bɔɔ Elaesa ŋɔ, “N dɔɔ, ń kpoo ba kɛɛ?”

Sitɔɔla 18:18

Nɛra nɔ aa kaa jo Maeka dem dɛ ka pa a ɡɛ kwaa nɔ la, kerekpoŋri la bɔɔ ba ŋɔ, “Ɛrɛ ɡee hɛɛ ɛ ɡɛ nɔɔ?”

Sitɔɔla 18:20

Sɔfo la sɛoh silɛɛ ne dɛ pa batakaarebora waa do kɛ efɔd, ne voɡ baa sɛah ne deremi voɡa dɛ kwaa aa jaa bwa, dɛ teŋɛ nɛra la nɛɛ kaa.