Sitɔɔla 18:17 - mzwDBL

¹⁷ Baala banue baa kaa sɔh ɡaaɡe harɛ la ta la joɔ kaa dem la bini, dɛ ka kpɔ batakaarebora waa do kɛ efɔd la, ne voɡ baa sɛah la, ne deremi voɡa ane ne voɡ baa kpɔ suuɡapoŋa ɛo la, dɛ anɔ la aa jaa bwa. Asɛ kerekpoŋri la ne laa tena lafraanumɛl la ɡe che doonyoa la ta.

Sitɔɔla 18:17 ပူးပေါင်းရင်းမြစ်များ

Mumpar 31:19

Laban kaa o peera pona fona, asɛ Rakɛl ŋwɛ ba dem voɡa aa lɔ o mɛɛ be.

Mumpar 31:30

N jemɔ kɛŋɔ he sie cheɡɛ chiŋ hɛɛ nyin bɔr dɛ́ kaa he bwɛ. Aah dɛ ɛrɛ waa he berɛ ŋwɛ n voɡa nɔɔ?”

Kaala 32:20

Belaa o fuh nabale baa kwaaro la, asɛ o namɔ dɛ ɛ o men la merɛ nee sie, asɛ dɛ ɡel Israel tena la nyɔ.

Aesaya 41:29

Na, a bwa ɛ neɡra! A we-ɛɛla bwa ɛ pɛɛpɛɛ. A do kɛŋɔ peu ken, komɛlbwa toole a be.”

Aesaya 46:7

Ba ɡɔɔro dɛ chwaa, dɛ choɡo cheɡ o chebɔr aa, dɛ o cheɡɔ, waa won tu nakpala. Ba yerɔ waa won sɛh. Waa won lɛɛ ba le ba wahala ɡe ta.

Ɛsekeɛl 21:21

Babelɔn kooro cheɡɛ ŋwɛnɛ chɛchɛre la ta, dɛ kpɔ o hɛma bil daa, dɛ́ jemɛ ŋwɛnɛ waa kpɔ o ta. O kpɔ o voɡa bil dɛ kpɔ kondɛɛre waa kpoa pwɛ dɛɛ nyiŋi o ta.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Maeka 5:13

Mɛɛ berɔɔ chɔɡ voɡa haa sɛah, ne bwea haa paaɡa dɛɛ duura bwaa, ásɛ haa kwaa he ɡbabir aa kwaara laanee tomɛ kpa.

Sitɔɔla 18:14

Baala banue baa laŋa ka sɔh nyiŋi Lais harɛ la ŋɔ ba bala laa tena la be ŋɔ, “Hé jemɔ kɛŋɔ batakaarebora waa do kɛŋɔ efɔd ne dem voɡare baa sɛah kɛɛ dɛ loɡa lɔ deremi nɔ bɛl ta naa? Ɛrɛɛ chɛ kɛ yá ɛɔ?”

Sitɔɔla 18:16

Dan dea laa tena baa kpɔ ba te dɛ́ ka yo la cheɡɛ dem la doonyoa.

Sitɔɔla 18:18

Nɛra nɔ aa kaa jo Maeka dem dɛ ka pa a ɡɛ kwaa nɔ la, kerekpoŋri la bɔɔ ba ŋɔ, “Ɛrɛ ɡee hɛɛ ɛ ɡɛ nɔɔ?”

Sitɔɔla 18:2

Anomanta, Dan dea tena tomɛ laa tena banue le bwɛɛre Sora ne Ɛstaol ŋɔ bá ka sɔh ɡaaɡe harɛ la ta dɛ́ na ɡɛ waa doa. A ɡɛ laa tena nɔ cheɡɔ tɛ Dan dea tena bwa. Ba ŋɔ ba be ŋɔ, “Hé ka ɡaaɡe harɛ la dɛ́ na ɡɛ waa doa.” Ba jo Efrem dea tena deŋɡarere harɛ ta, dɛ ka le Maeka dem dɛ chɔ bela.

Sitɔɔla 6:31

Kɛ Joas chaŋe baala baa wura ba o be bandia ne la ŋɔ, “Hé dɛ nyin kɛ he lɛ voɡ Baal waa bol kɛɛ? Hé dɛ nyin hé yo lɛo waa? Naate waa ŋɔ wɛɛ yoo dɛ́ lɛo la, chɔmbibii baa ba o kpoe. Dɛ Baal ɛ voɡ kasinteŋ aa, baa dɛ kuuɡi o saraha kon la, o fe wono yo lɛ o te.”

1 Samoɛl 19:13

Mikal kpɔ yal fɔrɔwe ba buse bela voɡ dɛ kpɔ bil mpa ta, dɛ kpɔ booh pona bil o nyu bɔr.

1 Samoɛl 4:11

Filisti tena kpɔ Korowii Ne Nɛwɛnyina Fɔo Daka la, dɛ kpo sɔfo Eli bibaala Hofni ne Fenehas ɡe.