Sitɔɔla 18:10 - mzwDBL

¹⁰ Hé laŋaa, hɛɛ pu nɛra baa wola lii kɛŋɔ waane ɛɛ pu baa. Harɛ la kan. Korowii kpɔɔ do he nɔn ta. Komɛlbwa ta o ta nyae.”

Sitɔɔla 18:10 ပူးပေါင်းရင်းမြစ်များ

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Ɛsekeɛl 20:6

N berɔ ŋwɛɛ baɡ ba kɛŋɔ mɛɛ kpɔ baa le Ijipt harɛ ta ba harɛ maa nyina cheɡ ba ta, o ɛ harɛpare ondɛɛɡe ɡwaa harɛre bwa.

Mmarare 2:29

ɡɛɛ Esɔ naanar baa soɡe Sɛɛ, ne Moab tena baa soɡe Ar ɛ yaa. Ya dɛ kaa ka le Jɔɔdan Moo dɛ kaa harɛ Korowii aa kpɔa tɛ yaa la ta.’

Mmarare 4:1

Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

Josua 2:23

Ate, nɛra baa sɔah dɛ ka nyiŋi harɛ la le deŋɡarere la ta, dɛ ka ɛɡɛ Jɔɔdan Moo le, dɛ kaa bela baa lea. Baa laŋa la, ba kaa bol Josua be waa baa kaa na bwa.

Josua 2:24

Ba ŋɔ o be ŋɔ, “Ya nao kɛŋɔ Korowii kpɔ harɛ la bwa do ya nɔn ta. Bela tena bwa jum jah ya wa.”

Josua 6:16

Baa bara kera anuanɛ ta la, sɔfore la hoh ba bɛle la, asɛ Josua ŋɔ nɛra la be ŋɔ, “Hé do lɔŋɔre! Korowii kpɔ bwɛjen nɔ do he nɔn ta!

Sitɔɔla 18:11

Anee baala lafraanumɛl le Dan dea dɛ vɔrɔwe laa le Sora ne Ɛstaol dɛɛ kaa ka yoo ba.

Sitɔɔla 18:27

Asɛ ba kpɔ kwaa Maeka aa ɛa la ne o sɔfo la kaa Lais harɛ ta, dɛ yo nɛra ba fe aa soɡe deŋnesɔɔhna ta, baa wola lii kɛ wobɛlbwa ɛɛ puu baa la, dɛ fuh ba bwɛɛ la.

Sitɔɔla 18:7

Anomanta, baala banue la leɔ dɛ kaa Lais harɛ. Belaa ba ka na kɛŋɔ bela nɛra la soɡe deŋnesɔɔhna ta kɛŋɔ Sidon tena ken, dɛ so kɛrɛdɛ, dɛɛ lii kɛŋɔ wobɛlbwa aa ban pu. Komɛlbwa lɔ ba harɛ la ta, ba dɔ ba te. Ba ne Sidon tena baah jaŋne, ba ne nomɛlbwa aa chamene di.

Sitɔɔla 18:9

Anee ba chaŋe ŋɔ, “Hé ba yá ka yoo ba! Ya nao kɛŋɔ harɛ la wer kɛrɛdɛ. Hé ɛ warane, hɛɛ berɛ ɔma. Yá kaa, yaa pɔ ba nɛɛ dɛ́ kpɔ harɛ la.