Sitɔɔla 17:3 - mzwDBL

³ Waa kpɔa tɛ o nya la, o nya ŋɔ, “N kpɔɔ do Korowii nɔn ta, ásɛ n bie Maeka kpɔ ɛ voɡ dɛ́ kpɔ suuɡapoŋa la maɡre o ta. Anomanta, n bie, n kpɔɔ tɛɛ.”

Sitɔɔla 17:3 ပူးပေါင်းရင်းမြစ်များ

2 Webena 33:7

Kooro Manasɛ sɛh voɡ dɛ kpɔ ka cheɡ Korowii Dea, bela Korowii aa ŋɔ Kooro Devid ne o bibaa Kooro Solomɔn be ŋɔ, “Dea nɔ ne Jerusalamee n le cheɡ, dɛ le Israel deene bwa bini kɛŋɔ baa tom mɛ o bini saŋ bɛlbwa dɛɛ la la.

Kaala 20:23

He bɛ suuɡapoŋa kɛɛ suuɡaswɛm bɛlbwa kpɔ ɛ voɡa dɛɛ toma ka ja n nɛ.

Kaala 20:4

He bɛ komɛlbwa waa lɔ nyundua kɛɛ harɛ ta hale nee bini bɛlbwa chaa ɛ.

Kaala 34:17

He bɛ buni bɛlbwa kpɔ ɛ voɡ dɛɛ tomɔ.

Aesaya 30:22

Haa he voɡa haa kpɔ suuɡapoŋ ne suuɡaswɛm ɛ a bwara, laanee kpɔ ɛ wobɛlbwa kpa, dɛ́ kpɔa ka ta kɛŋɔ yakwara aa wola were ken, dɛ́ ŋɔ a be ŋɔ, “Hé le ya sie.”

Aesaya 66:3

Gɛ nɛra la dɛ ɛ waa aa too ba tea. Ba kpo nao ɛ saraha tɛ mɛ naa, a do kɛŋɔ baa kpo nɛn ken, a do kɛŋɔ baa kpo nyoate. Gɛɛ nomɛlbwa waa ɛ mea saraha la, a do kɛŋɔ parakoo chal, bɛlbwa fuh daawiile ɡe aa, a do kɛŋɔ waa dɛ tu voɡa. Kwaa maa kia la taa ba sie ɛɛ lɛ.

Jeremia 10:8

Ba bwa ta liire dɔe dɛ ɛ ɡɛna ɡbo. Bɔkwaa baa ba wona hweli le daa voɡare baa ɛa, aa wola tɔnɔ bɛlbwa dɔe ta nɔ?

Lewi Dea Tena 19:4

He bɛ he liire charɛ dɛ́ kaa tomɛ voɡa kɛɛ dɛ́ kpɔ bune ɛ voɡa dɛɛ toma. Menee Korowii haa dɛ tom mɛ la.

Amanesoma Jɔn Aa Chwera Tɔn 16:2

Nɛra ɛɛ doŋi heyaa cheremi deene binii, ásɛ a ba saŋ bɛl kɛŋɔ bá kpoo heya, dɛɛ lii kɛŋɔ Korowii tetoowaa baa ɛ ɡɛ la.

Mmarare 12:3

Hé kuuɡi bela baa kpoo kwaa dɛɛ tɛ ba voɡare, dɛ́ paɡre bwea baa paaɡa dɛɛ duura la. Dɛ́ berɛ fuh ba voɡhaah Asera dajaŋa, dɛ́ huɡri voɡa baa ɛa cheɡ dɛɛ toma la, dɛ́ chɔɡ a bwa le bela a waa bwa le kwara.

Mmarare 27:15

‘Nomɛlbwa waa sɛh komɛl chaa kɛɛ dɛ sɔh cheɡ voɡ dɛɛ tomɔ la, Kórowii taahno, dɛkalkɛŋɔ o kii.’ Ásɛ Israel tena la ɡe chaŋe ŋɔ, ‘Aamen!’

Sitɔɔla 17:13

Ate, Maeka ŋɔ, “Taraken maa dɔ Lewi dea te o ɛ n kerekpoŋri nɔ, n jemɔ kɛŋɔ Korowii ɛɛ ɡeloo n wobɛlbwa do wer tɛ mɛ.”

Sitɔɔla 17:2

Awola bɛl, o iro dɛ ŋɔ o nya be ŋɔ, “N noɔ kɛ haa dɛ taah naate waa kpɔ he suuɡapoŋa kaɡboŋ dɛ lafa. Menee kpɔa, a lɔ n be.” Asɛ o berɛ kpɔ suuɡapoŋa la tɛ o nya, anee o nya ŋɔ, “N bie, Korowiirii dɛ sweere andɛɛɡa.”

Sitɔɔla 17:4

O kpɔ suuɡapoŋa la tɛ o nya, o ɡe kpɔ a bini lafraanɛ ka tɛ nɛn waa dɔ suuɡapoŋa kpɔe dɛ ɛ kwaa wejema, asɛ o kpɔ ɛ voɡ, ba kpɔ ka cheɡ Maeka dem.

Sitɔɔla 18:30

Dan dea tena cheɡ voɡa la bwɛɛ la ta dɛɛ toma, asɛ dɛ kpɔ Jonatan ɛ ba kerekpoŋri. O mɛɛ sɔne Gɛɛsɔm, Gɛɛsɔm ɡe mɛɛ sɔne Mosis. Jonatan bibaala ɛ ba sɔfore dɛ kpoŋe ka tel saŋ nɛra bane aa baa laɡ ba laa ta kaa harɛfale ta.

Sitɔɔla 18:5

Ba ŋɔ o be ŋɔ, “Ya poori, bɔɔ Korowii na kɛ ya ŋwɛnɛ yaa dɛ kaa nɔ ɛɛ ka do werii tɛ yaa kɛɛ?”