Sitɔɔla 16:30 - mzwDBL

³⁰ dɛ ŋɔ, “N Naa Korowii, ɡel n ne Filisti tena nɔ pɛ serewe!” Asɛ o taɡɛ pilare la o bokpeɡa bwa ne, asɛ dea la chole pi Filisti nomonome ne nɛra baa lɔ o bini bwa nɛ. Gɛɛ a do nɛra o ne baa pɛa dɛ sewɛ la ɡwaa banɔ la ɡɛ saŋ o siwi aa lole o kpoo ba la.

Sitɔɔla 16:30 ပူးပေါင်းရင်းမြစ်များ

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Job Tɔn 20:5

nyubinikpeɡ tena silɛɛ aa biɡri, nɛra baa wola Korowii jemɛ dɔ silɛɛ, kɛ aa ɡɛɛ ka.

Job Tɔn 31:3

O ta kon waa chɔɡ nyubinikpeɡ tena ɛɛ yaa? O ta wenaale ɛɛ tɛ nɛra baa dɛ ɛ wechɔɡa aa?

Yela 62:3

Saŋ besoo hé bwa ɛɛ ba nɛn waa wola kpeɡe kɛ danjwɛɛ waa kɔɔhna dɛ́ chole nɔ yoi ɡela ɔ?

Wejereme 9:12

Ane a bwa, nomɛlbwa aa o tɔpere jemɛ, ɡɛ ba yon kpɔ asau lawɛ pɛŋe, kɛɛ dɛ́ kpɔ bel lawɛ jumbie la, ɡɛɛ ba yon harɛ nɛra bela dɛ́ piɡri laɡ ba tɔpechɔɡe wee.

Matiu 16:25

dɛkalkɛ nomɛlbwa o sie aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Ásɛ nomɛlbwa ɡe o sie aa wola harɛ nɔ ta silɛɛ kwaa ta swɛɛ la, wɛɛ dɔ o nyuu.

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

We-ɛɛla 21:13

Belaa o ŋɔ, “Ɛrɛɛ hɛɛ wi ken dɛɛ nyin kɛŋɔ he do mɛ bɔhwaah nɔɔ? Baa vɔɡ mɛɛ Jerusalamee yaa, n sɛh ɡɛ. Baa kpo mɛɛ ɡe kwaraa naa, n sɛh ɡɛ. Baa koh n Dɔɔ Yeesu waa dɛ ɛɛ mɛ anɔ bɛlbwa naa, n waane laa. N sɛh ɡɛ waa nɔ wubwa bambile bwa ne.”

Felepae 2:17

Kɛ dɛ yarada haa dɛ yarada Korowii dɛɛ tomɔ la do kɛŋɔ saraha, asɛ a chɛ kɛ n chal fuɡe a ta naa, n dɛ nyin ɡɛ. A ba ɡɛ naa, n sie ɛɛ lɛo, ásɛ he puu mɛ lɛ sie.

Felepae 2:30

Yeesu Kristo toma waa o koh dɛ kpɔ o nyu charɛ seo. A ka jɛɛ ken o fee sewɛ. Waa haa wola won cha mɛ a ta, dɛ koh a waa tomɔ n be la taa o fe ɛɛ ba sewa.

Felepae 2:8

Waa baa ɛ nɛwɛnyini la, o pwɛr o te dɛɛ no o Mɛɛ Korowii nyoa wobol, dɛ ɡel ba kpoo. Hale daɡaɡre ta kwaraa ba kpoo.

Kolosi 2:15

Yeesu seo waa sewa la, o chɔɡ kwaa aa dɔ kpeɡri bwa kpeɡri, dɛ lɛ a kpeɡri dɔɔh. O ɛ ɡɛ dɛ ɡel sihiih kpoa nɛra bwa siwi ta, bá jemɛ kɛŋɔ o ɡelɔ koŋkpeɡa la bwa kpeɡri ɛ pɛɛpɛɛ.

1 Tesalonika 5:2

dɛkalkɛŋɔ he bwa jemɔ kpela kɛŋɔ tɔpere ya Dɔɔ la aa ba la ɛɛ piɡruu kɛŋɔ ŋwɛɛ aa dɛ piɡri nɛn jwaana la.

Sitɔɔla 14:19

Korowii Doma baa so Samsen nɛɛ dɛ tɛo kpeɡri. O la Filisti tena bwɛɛ Askɛlɔn, dɛ ka kpoo baala fifraatoro, dɛ pa ba laala ba tɛ nɛra baa baɡlo wobobeele la mun la. O baah diu kɛrɛdɛ, o chiɡ ŋwɛnɛ ta kaa o bwɛ o mɛɛ be.

Sitɔɔla 15:15

O na keeɡo kaŋe hoɡfale harɛ, asɛ o laa kee dɛ kpɔ kpoo baala kaɡboŋ.

Sitɔɔla 15:8

O kaa yoo ba sibeɡra ne dɛ kpoo ba ɡalɡa, dɛ ka so bwe Etam bɔɔ bini.

Sitɔɔla 16:29

Anomanta, o suuhno bɛne baah ta pilare anɛ aa lawɛ dea la kpoŋe la. O kpɔ nɔndiɡ lawɛ bɛl asɛ dɛ kpɔ nɔŋɡal lawɛ nɛɛte, dɛ kpɔ o bokpeɡa bwa ta a ta

Sitɔɔla 16:31

Asɛ o dɔɔranar ne nimanar ne o mɛɛ nɛra bwa la ka kpɔ o lale, dɛ ba o ne dɛ ba pili bɔɔ baa huɡe o mɛɛ Manoa o bini la ta dɛ huɡo. Lalbɔɔ la lɔ bwɛɛre Sora ne Ɛstaol baah ta. Samsen tɔ Israel tena sie bene fifraanɛ.