Sitɔɔla 16:25 - mzwDBL

²⁵ Ba sie lɛo kohona, ba moo ŋɔ, “Hé ba Samsen ne ó ba lɛ ya sie.” Anomanta, ba kaa lawɔ le dea baa doo la bini, ó ba ɛ ɡɛ baa dɛ nyin bwa tɛɛ ba. Ba kpɔɔ ka che pilare ane baah ta,

Sitɔɔla 16:25 ပူးပေါင်းရင်းမြစ်များ

2 Samoɛl 13:28

dɛ ŋɔ o bonɔɔna be ŋɔ, “Hé ɡel he sie do Amnɔn be ɡɛ saŋ waa nyɔ sen dɛ dɛɛ la, mɛɛ lɔ sie he bee, ásɛ he kpoo. Hé te bɛ ɔmɛ. Mɛɛ lɛ wobɛlbwaa dawɛ n nɛ. He bɛ ɔmɛ, dɛ́ che kiŋkiŋ.”

Sitɔɔla 19:6

Anomanta, baala banɛ la soɡo dɛ pɛ di kwaa la. A habɔɔ la, haah la mɛɛ berɔ ŋɔ baa la be ŋɔ, “N dɛ soŋe, lɛ he sie dɛ chɔ.”

Sitɔɔla 9:27

Ba kaa chaa ba ɡrepo nɔna dɛ harame a nee dɛ kpɔ ɛ sen. Asɛ ba tɔpejen bɛl ta, ba ka so ba voɡ dea dɛ di kwaa dɛɛ nyɔ sen asɛ dɛ taah Abemɛlɛk.

Hibru 11:36

Ba ɛ bane ɡe bahmuɡliwaa dɛ lɔɔ ba chweremi ne, dɛ do kpɛɛ bane ɡe nɔɔra, dɛ do ba dea.

Matiu 27:29

dɛ kpɔ sɔɔhne sɔh kooɡbɛrɛ piu, dɛ kpɔ daa bɛl do o nɔndiɡ ta, dɛɛ ɡuŋu harɛ kɛŋɔ baa dɛ ɛ kooro la dɛɛ taramo dɛɛ si, “Woowo, Juu tena kooro!”

Aesaya 22:13

Kɛ he kpoo nae ne peera dɛɛ di kwa, dɛ nyɔ sene dɛɛ hɛlɛ dɛɛ lɛ he sie. Hé ŋɔ, “Hé ɡel ya di kwaa dɛ nyɔ sen. Kere ɡbo dɛ ya serewɔ.”

Yela 69:26

dɛkalkɛ ba dɛ ɛ nɛra haa tɛr ba deŋne la hɔhɔrɔwa, dɛɛ bol nɛra haa do ba bola, ba bonyɛɡa baa dɛ na la wa.

Yela 69:12

Ba dɛ bol n waa fɔɡbaahna, sennyɔdɛɛra kpɔ mɛ dɛɛ ɡo yela.

Ɛsta 3:15

Kooro aa do mmara la nomanta, toroma la ɛ warane dɛ kaa, asɛ bane kpɔ waa la perɛ koobwɛɛ Susa ta. Dɛ kooro ne Heeman soɡo dɛɛ nyɔ sen, asɛ bwɛɛ la bwa ɛɛ vuuɡi.

1 Koranar 20:12

Kooro Bɛn Hadad aa no ɡɛ waa la, dɛ o ne o koranar soɡe ba tɛnte deene lɔɡre dɛ nyɔ sen dɛɛ lɛ ba sie. Asɛ o ŋɔ o laa tena la be ŋɔ, “Hé kpɔ he te dɛ́ ka yo.” Anomanta, ba iro kpɔ ba te dɛ ka yo bwɛjen Samaria.

Sitɔɔla 19:9

Baa la ne o sɛno la ne bonɔɔ la aa ira dɛɛ ba kaala la, haah la mɛɛ ŋɔ ba be ja ŋɔ, “Taraken bɔr joɔ tonɛ, so lɛ he sie dɛ chɔ, ásɛ kere chɔmbibii, hé chiɡ ŋwɛnɛ ta kaa.”

Sitɔɔla 18:20

Sɔfo la sɛoh silɛɛ ne dɛ pa batakaarebora waa do kɛ efɔd, ne voɡ baa sɛah ne deremi voɡa dɛ kwaa aa jaa bwa, dɛ teŋɛ nɛra la nɛɛ kaa.

Sitɔɔla 16:24

Nɛra la aa na Samsen la, ba duu ba voɡ la ŋɔ, “Ya voɡ kpɔ ya dɔm do ya nɔn ta. Naate waa chɔɡ ya harɛ, dɛ kpoo nɛra kohona la lɔ ya nɔn ta.”

Sitɔɔla 16:26

asɛ Samsen ŋɔ bonɔɔ waa lawɛ o nɔn la be ŋɔ, “Kaa n ne pilare aa lawɛ voɡ dea nɔ kpoŋe nɔ jwɛh ásɛ n ka yala.”

Ɛsta 1:10

Tɔpenuanɛ wee kooro aa nyɔ sen dɛ dɛɛ la, o yerɛ o bonɔɔna baa fɔɡɛ ba lure baa tomɔ la cheme. Banee, Mehuman ne Bista ne Haabona, ne Biɡta ne Abaɡta ne Sɛta, dɛ Kaakas.