Sitɔɔla 16:20 - mzwDBL

²⁰ Delaela yerɔ ŋɔ, “Samsen, Filisti tena la pui!” O ir dom ta dɛ lii kɛŋɔ, “Mɛɛ le busee ɡɛ n fa aa dɛ ɛ la, dɛ́ kpɔ n bokpeɡa lɛ n te.” Dɛ o ta jemɛ kɛ Korowii laa nɔn kpɔ o nɛ.

Sitɔɔla 16:20 ပူးပေါင်းရင်းမြစ်များ

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

Aesaya 42:24

Umee kpɔ Israel tena do nɛnchɔɡa nɔn ta ba kah ba kwaa kaa lɔ? Korowii baa ɛo wechɔɡa la laa aa? Ba vɛh o ŋwɛnɛre ta teŋa, ba ta o Mmarare waa la noɛ.

Hosia 7:9

Nɛŋhɔɔhraa dɛɛ di kpeɡri ba nɛ, kɛ baa jemɛ. Ba nyumpona pa mun dɛɛ to, kɛ baa jemɛ.

Nɛra Kura 14:9

He bɛ ɡaeh lɛ Korowii nɛɛ dɛ vɛoh. He bɛ harɛ la ta nɛra ɡe ɔmɛ. Yaa wono pɔ ba nɛ, kwaa baa kpɔ ba te dawɛ a ta la toole kpa. Korowii teŋɛ ya nɛ, he bɛ ban ɔmɛ.”

Matiu 17:16

N kpɔɔ ba he habɔteŋra nɔ be, kɛ ba ta wone chaoh.”

Matiu 17:20

Anee Yeesu ŋɔ, “He yarada aa wola kanɛ waa. Kasinteŋ, dɛ he yarada fe kan kɛŋɔ sipon ɡba aa, hé fe ɛɛ wonoo ŋɔ bwejen nɔ be ŋɔ ó huɡri kaa bela haa dɛ nyin, ásɛ o kaa. Hé fe ɛɛ wonoo ɛ komɛlbwa.

2 Kɔrent 3:5

A ta ɛɛ kɛŋɔ ya dɛ lii kɛŋɔ ya won waane ɛɛ ya ɡbaɡba kpeɡri ta. Korowii bee ya dɔ kpeɡri dɛɛ ɛ anɔ la bwa yaa dɛ ɛ.

Mmarare 32:30

Dɛ Korowii waa ɛ he Bwetal dɛɛ lɛ heyaa la laa le he habɔɔ aa, ɛrɛɛ nɛmbeŋkpoŋ fe ɛɛ ba wona doŋi nɛra kaɡboŋ, kɛɛ nɛra banɛ won doŋi nɛra kaɡboŋa fiɔ?

Josua 7:12

Anɔ waa Israel tena aa wola won che ba dɔma sie la. A chɛ kɛ bá sewɛ ba wechɔɡa la wa. Maa he nɛɛ ja kpa, nemenɛ he chɔɡ kwaa maa ŋɔa he le cheɡ tɛ mɛ, a do he be la bwa.

Sitɔɔla 16:14

O yerɔ takpeɡ ne ja ŋɔ, “Samsen, Filisti tena la dɛ ba he nɛ!” O ir dom ta dɛ tɛr dajeɡa la ne kokorowa kon ne jisere la bwa le.

Sitɔɔla 16:19

Haah la ɡbɛɡbɛ Samsen o chɔ dom dawɛ o nakpale ta. Asɛ o yerɛ baa bɛl o ba fonɛ o nyumpona baa pɛra anuanɛ la. Belaa o pa mun ɡwɛɡre, o bokpeɡa la bwa tonɛ.

Sitɔɔla 16:21

Filisti tena la lawɔ, dɛ foromi o sibie dɛ kaa o ne Gasa. Ba doo ayaawa jɔɡrɔre dɛ doo dea, dɛ ɡel wɛɛ namɛ kwa.

Sitɔɔla 16:3

Samsen chɔ bela ka tel harambaŋa ɡbo. Asɛ o ir dɛ ka lawɛ bwɛɛ la doonyoa ɡbeni, dɛ laa a daa ne buni baa kpɔa karɔ la bwa huɡri dawɛ o vam ta, dɛ kpɔ kaa deŋɡare bɛl waa chaɡɛ Hɛbrɔn ta.

Sitɔɔla 16:9

Dɛ baala bane sɔh o be dea, asɛ o yerɔ takpeɡ ne ŋɔ, “Samsen, Filisti tena dɛ ba he nɛ!” O chaa ol tɔn ŋwɛɛra la kɛŋɔ jise baa choŋi nii leɡo ken. Anomanta, ba ta wone jemɛ o bokpeɡa waa dɔa la mun.

1 Samoɛl 16:14

Dɛ Korowii Doma la le Kooro Sɔɔl nɛ, asɛ o ɡel kwaa ir o nɛɛ dɛ ɡel o bwara ɛɛ nyɛɡ.

1 Samoɛl 18:10

Tɔ aa pera la, Korowii ɡelɔ kwaa ir Kooro Sɔɔl nɛɛ kpeɡri nɛ, o do dem dɛɛ bol waa kɛŋɔ choɡla te ken. Dɛ Devid ɡe soɡo dɛɛ lɔ o janjela kɛ wubwa la, anɔ te la dɛ Kooro Sɔɔl kpoŋe lampea.

1 Samoɛl 18:12

Dɛ Kooro Sɔɔl dɛ ɔmɛ Devid dɛkalkɛŋɔ Korowii ɡelo dɛ ka ja Devid nɛ.