Sitɔɔla 16:17 - mzwDBL

¹⁷ Anomanta, Samsen bol o tea bini waa bwa chaɡlo ŋɔ, “Ba ta fon kpɔe fonɛ n nyu bwa. Nasiri tee men. Korowii lee mɛ cheɡ tɛ o te, dɛ le n lola saŋ bwa. Ba fonɛ n nyu aa, n bokpeɡa maa dɔa nɔ bwa dɛ ba tona n ɡwɛɡre kɛ baa bɛlbwa ken.”

Sitɔɔla 16:17 ပူးပေါင်းရင်းမြစ်များ

Maeka 7:5

Dɛɛ berɛ he dɔŋ yaradae ka tonɛ, bɛ he dam ɡba nɛɛ hwɛɡɛ. Hale he haah he ne waa pɛa dɛɛ chɔ kalaŋ ta, dɛɛ nyiŋi he nyoa wobol ta kɛrɛdɛ.

Sɛɡla 12:23

Wejereme dɛ tɔ o wejemwaa ta, ɡɛnee dɛɛ pili o ɡɛnewaa ta dɛɛ tɛ nɛra.

Sitɔɔla 13:5

He tea haa dɛ ba kpoŋa la, bibaalee hɛɛ ba lola. Dɛ́ɛ berɛ o nyu fona bwa, dɛkalkɛ Korowii ɛɛ leo cheɡ ó ɛ Nasiri te dɛ́ le o lola saŋ bwa. Onee dɛɛ ba mun pae dɛ́ lɛ Israel tena le Filisti tena nɔn ta.”

Nɛra Kura 6:5

Le saŋ waa kpɔ o te tɛ men Korowii kɛŋɔ Nasiri te la, o bɛ o nyu ne o tampona fonɛ bwa. A chɛ kɛ ó do ɡoroŋ ka tel kɛŋɔ saŋ waa kpɔ o te tɛ mɛ la aa baa ɡale. A chɛ kɛ ó ɡel o nyu moɡɛ ba dawɛ o vaama ta.

We-ɛɛla 18:18

A habɔɔ la, Pɔɔl soɡe Kɔrent asɔre tena la be biɡri, asɛ dɛ kal ba dɛ le bela kaa Keŋkrea. Dɛ o baɡɛ nyoa bɛl, anomanta, o fonɛ o nyu mɔɔ dɛ le Keŋkrea, asɛ o ne Akwela ne Presela kpɔ stiimae dɛɛ kaa Siiria harɛ.

Sɛɡla 29:12

Kooro waa dɛ do deŋna nyosone waa ta la, o nomonome bwa dɛ ɛ wechɔɡa.

Nɛra Kura 6:2

ó bol Israel tena be ŋɔ, “Dɛ haah kɛɛ baa dɛ nyin kɛ o baɡɛ nyoa dɛ́ kpɔ o te tɛ men Korowii kɛŋɔ Nasiri te aa,

Sitɔɔla 16:16

Tɔpere bɛlbwaa haah la teŋɛ dɛɛ bɔɔro, a ba le o mee.

Sitɔɔla 16:18

Delaela nao kɛŋɔ o bol o kasinteŋ bwa baɡlo, anomanta, o tomɛ nɛra ba ka ŋɔ Filisti tena nomonome la be ŋɔ, “Name te hé den ba kerabeŋkpoŋ. O baɡ mɛ o kasinteŋ bwa.” A ɡelɔ anɔ te, ba kpoŋe suuɡapoŋa la dɛ la.

Sɛɡla 13:3

He jemɛ he wobol nyiŋaa, he laa he te dɛɛ kpɔ waa ta, kɛ nɛra baa bol waa baa wola liire a ta do la, dɛ chɔɡ ba te.