Sitɔɔla 16:12 - mzwDBL

¹² Anomanta, Delaela kpɔ ŋwɛnfala ba vɔrɔwo, dɛ baala bane sɔh dea. O yerɔ takpeɡ ne ŋɔ, “Samsen, Filisti tena dɛ ba he nɛ!” O berɔ chaa ŋwɛɛra la kɛŋɔ jise ken.

Sitɔɔla 16:12 ပူးပေါင်းရင်းမြစ်များ

We-ɛɛla 21:33

Nomoa la baa lawɛ Pɔɔl dɛ ɡel ba doo jɔɡrɔre, dɛ bɔɔ nɛra la ŋɔ, “Nɛn besoo baa nɔɔ? Webesoo o ɛɔ?”

Sitɔɔla 15:14

Waa dɛ bɛne Lehi la, Filisti tena la ɛɛ moo dɛ kpɔ sie pa o be dɛɛ ba. Buɡ la ta, Korowii Doma ba so o nɛ dɛ tɛo kpeɡri kohona. Asɛ ŋwɛɛra baa kpɔa vɔrɔwo la ɛ kɛŋɔ kwaa baa fuah ken dɛ le o nɔɔra ta.

Sitɔɔla 16:11

Samsen ŋɔ o be ŋɔ, “Dɛ ba vɔɡ mɛ kɛrɛdɛ ŋwɛnfala baa wola a ne wobɛlbwa ɛɛ mɔɔ ne naa, mɛɛ ɡwɛɡroo dɛ́ do kɛ baa bɛlbwa aa doa.”

Sitɔɔla 16:13

Delaela berɔ ŋɔ o be ja ŋɔ, “He kpɔ mɛ ɛ ɡɛne dɛ ba le saŋ nɔ dɛ ta na dɛɛ neɡ mɛ. Name te, den chaɡ mɛ ɡɛ baa vɔrɔwe.” Anee o chaŋo ŋɔ, “Dɛ he kpɔ n nyumpona baa pɛra anuanɛ dɛ do kokorowa kon ta dɛ sɔh pɛ, dɛ kpɔ dajeɡa la hama aa, mɛɛ ɡwɛɡroo dɛ́ do kɛ baa bɛlbwa aa doa.” Anomanta, waa baa chɔ dom la, Delaela ɛ ɡɛ. O lawɛ o nyumpona baa pɛra anuanɛ la dɛ sɔah ja jisere la ta, dɛ kpɔ dajeɡa la hama kiŋkiŋ ken.