Sitɔɔla 15:15 - mzwDBL

¹⁵ O na keeɡo kaŋe hoɡfale harɛ, asɛ o laa kee dɛ kpɔ kpoo baala kaɡboŋ.

Sitɔɔla 15:15 ပူးပေါင်းရင်းမြစ်များ

2 Samoɛl 23:8

Kooro Devid banyoola baa yoa tɛo la sɔnaa teŋa nɔ. Joseb Basebɛt, onee tɔ sie dɛ ɛ Hakmoni bibaa. Dɛ ba lɔ banyoola batoro, dɛ onee chɔ ba nyoa. O wono kpɔ o lampea yo baala lafraanuatoro dɛ kpoo ba laa bɛl ta.

Lewi Dea Tena 26:7

Mɛɛ ɡeloo hé ti he dɔma dɛ́ pɔ ba nɛ,

Lewi Dea Tena 26:8

ásɛ he nɛra banue yo nɛra lafa dɛ́ won pɔ ba nɛ, he nɛra lafa ɡe won yo nɛra kaɡboŋa fi dɛ́ pɔ ba nɛ.

Hibru 11:34

Ba wono che nijena baah ta dɛ sɔɔh a nyoa, a ta wone fuuh ba, dɛ won lɛ ba te nɛra baa kpoŋe tokobie dɛɛ nyin ba kpoora nɔn ta. Ba wono dɔ bokpeɡa ɡɛ saŋ baa ɡwɛɡra, dɛ won yo laa kɛrɛdɛ, dɛ won pɔ harɛre ane tena nɛɛ laa ta ba chwaaɡe.

Josua 23:10

He bini beŋkpoŋ ɛɛ won doŋi kɛɛ dɛ́ pɔ laa tena kaɡboŋ nɛ, dɛkalkɛŋɔ Korowii haa dɛ tomɔ laanee yoa dɛɛ tɛ heya, ɡɛ waa baɡɛ heyaa nyoa la.

Sitɔɔla 15:16

Anomanta, Samsen ŋɔ, “Keeɡo kaŋe hoɡ nee n kpoo baala kaɡboŋ, n kpoo ba ba daŋɛ chɔ.”

Sitɔɔla 15:17

Waa bol ɡɛ waa nɔ tonɛ la, o kpɔ keeɡo kaŋe hoɡ la viɡri, asɛ ba pa bela sɔn Ramat Lehi.

Sitɔɔla 3:31

Ehud aa bala habɔɔ la, Anat bibaa Samɡa ɡe kpoo Filisti tena lafraanumɛl daa waa seɡre o nyoa, dɛ kpɔ dɛɛ teɡɛ o nae la ne. O ɡe jao dɛ lɛ Israel tena.

Sitɔɔla 4:21

Koeh kohona nomanta, Sisera chɔ dom kwaraa, asɛ Heba haah Jael kpɔ kwaa baa kpɔa dɛɛ baŋre tɛnte la bɛl ne hamba, dɛ ɛ bɔeeh dɛ kpɔ kon la jaɡɛ o lwɛɛma ta, dɛ kpaa do o ka marɛ harɛ o sewɛ.

Sitɔɔla 7:16

O bɔne o laa tena lafraatoro la bini kuore atoro, dɛ kpɔ bɛla ne vii kapɛla aa lɔ o bini dɛɛ hɔ tɛ bɛlbwa.

1 Samoɛl 14:14

Laa la mumpar la, Jonatan ne o bonɔɔ la kpoo nɛra fifraanɛ, harɛ baa kpoo ba o ta la, wɛɛ ɛ dɛ ɛ kato delee.

1 Samoɛl 14:6

Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”