Sitɔɔla 15:14 - mzwDBL

¹⁴ Waa dɛ bɛne Lehi la, Filisti tena la ɛɛ moo dɛ kpɔ sie pa o be dɛɛ ba. Buɡ la ta, Korowii Doma ba so o nɛ dɛ tɛo kpeɡri kohona. Asɛ ŋwɛɛra baa kpɔa vɔrɔwo la ɛ kɛŋɔ kwaa baa fuah ken dɛ le o nɔɔra ta.

Sitɔɔla 15:14 ပူးပေါင်းရင်းမြစ်များ

Job Tɔn 20:5

nyubinikpeɡ tena silɛɛ aa biɡri, nɛra baa wola Korowii jemɛ dɔ silɛɛ, kɛ aa ɡɛɛ ka.

Yela 118:11

Ba bar mɛ cheme, kɛ Korowii cheɡɛ n habɔɔ, dɛ ɡel n pɔ ba nɛ.

Yela 18:34

O baɡ mɛ n won laa yoi, asɛ n won to waa do kpeɡri tae.

Kaala 14:3

Ijipt kooro ɛɛ liiruu kɛŋɔ Israel tena nyoɡre pua waa ɛ hɛŋle ɡbo harɛ ta belaa dɛɛ ɡaaɡe ba bɔr.

Kaala 14:5

Baa baa bol Ijipt kooro be ŋɔ nɛra la chwao la, o ne o nomonome charɛ ba liire dɛ ŋɔ, “Bɔkwa waa ya ɛ ken ɔ? Ya ɡelɔ Israel tena la kaa yaa wola ban dɔ ba ɛ ya tomare kpa.”

Maeka 7:8

Ya dɔma, he bɛ ɡel he sie lɛ. A lole kɛ ya cholo te, yaa iruu. Ya lɔ biro ta te, Korowiirii dɛ́ do kɛ kandea dɛɛ chaah yaa bɔr.

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Felepae 4:3

N dɔŋdɛɛɡe, n dɛ soŋe, cha haahna la dɛ́ kwaa ba baah, dɛkalkɛŋɔ ba cha mɛ Amanesoma nɔ bola ta ɡa. Klɛmɛnt ne n bala tom-ɛɛra la ɡe jao. Ba sɔna lɔ Korowii Mkpa Tɔn bini.

Sitɔɔla 14:19

Korowii Doma baa so Samsen nɛɛ dɛ tɛo kpeɡri. O la Filisti tena bwɛɛ Askɛlɔn, dɛ ka kpoo baala fifraatoro, dɛ pa ba laala ba tɛ nɛra baa baɡlo wobobeele la mun la. O baah diu kɛrɛdɛ, o chiɡ ŋwɛnɛ ta kaa o bwɛ o mɛɛ be.

Sitɔɔla 14:6

Korowii Doma den ba so Samsen nɛɛ kerabeŋkpoŋ dɛ tɛo kpeɡri, asɛ o lawɛ nyujente la dɛ kpɔ nɔn toɡru kɛŋɔ bombie ken. O ta o nya ne o mɛɛ be ɡɛ waa ɛa la bolɛ.

Sitɔɔla 15:13

Ba sɛoh ŋɔ, “Yaa hen kpo. Vɔrɔwaa yaa ba he vɔrɔwa dɛ́ kpɔe ka do ba nɔn ta.” Anomanta, ba vɔrɔwo ŋwɛnfala anɛ ne dɛ le o ne bwebɔɔ la ta kaa.

Sitɔɔla 15:9

Filisti laa tena kaa baŋre ba tɛnte deene Juda dea harɛ ta, dɛ ka yo bwɛɛ bɛl waa bɛne ba baa yerɔ Lehi.

Sitɔɔla 16:12

Anomanta, Delaela kpɔ ŋwɛnfala ba vɔrɔwo, dɛ baala bane sɔh dea. O yerɔ takpeɡ ne ŋɔ, “Samsen, Filisti tena dɛ ba he nɛ!” O berɔ chaa ŋwɛɛra la kɛŋɔ jise ken.

Sitɔɔla 16:24

Nɛra la aa na Samsen la, ba duu ba voɡ la ŋɔ, “Ya voɡ kpɔ ya dɔm do ya nɔn ta. Naate waa chɔɡ ya harɛ, dɛ kpoo nɛra kohona la lɔ ya nɔn ta.”

Sitɔɔla 16:9

Dɛ baala bane sɔh o be dea, asɛ o yerɔ takpeɡ ne ŋɔ, “Samsen, Filisti tena dɛ ba he nɛ!” O chaa ol tɔn ŋwɛɛra la kɛŋɔ jise baa choŋi nii leɡo ken. Anomanta, ba ta wone jemɛ o bokpeɡa waa dɔa la mun.

Sitɔɔla 3:10

Korowii Doma baa so o nɛ o ɛ ba sitɔɔ dɛ tɔ ba sie dɛɛ la laa. Korowii tɛo kpeɡri o won ka yo dɛ pɔ Mɛsopoteemea Kooro Kusan Risataim nɛ.

Sitɔɔla 5:30

‘Ba ken pa laa ta kwaa dɛɛ bɔna, baa bɛlbwa dɔ haah beŋkpoŋ kɛɛ banɛ, Sisera ɡe dɔ laaladɛɛɡa baa sɔh kwaa dawɛ a ta, haahna laaladɛɛɡa aa wera dɛ́ ba tɛ mɛ. Anɔ bwa ɛ kwaa baa paa laa ta.’

1 Samoɛl 10:10

Baa tel Gebea la, Korowii keamere teŋɛ dɔŋa nɛɛ ba chemo, asɛ Korowii Doma ba so o nɛɛ kpeɡri nɛ, o ka ja ba nɛ baa bol Korowii waa aa dɛ ba bala kerekere.

1 Samoɛl 10:6

Korowii Doma ɛɛ ba so he nɛɛ kpeɡri nɛɛ, dɛ́ beɡre nɛnfale, ásɛ he ne ba bwa ɛɛ bol Korowii waa aa dɛ́ ba bala kerekere.

1 Samoɛl 11:6

Sɔɔl aa no waa nɔ la, Korowii Doma baa so o nɛɛ kpeɡri nɛ, asɛ o baah di kohona.

1 Samoɛl 17:35

n dɛ teŋɛ o nɛɛ dɛ́ yo, dɛ́ lɛo le o be. O berɛ sie dɛɛ ba n be naa, n dɛ hamɛ o baŋa dɛ́ lɔɔro kpo.

1 Samoɛl 4:5

Korowii Ne Nɛwɛnyina Fɔo Daka la aa ba bela baa baŋre ba tɛnte deene la, Israel tena la bwa moolo kohona silɛɛ ne, asɛ harɛ jiɡri.