Sitɔɔla 14:6 - mzwDBL

⁶ Korowii Doma den ba so Samsen nɛɛ kerabeŋkpoŋ dɛ tɛo kpeɡri, asɛ o lawɛ nyujente la dɛ kpɔ nɔn toɡru kɛŋɔ bombie ken. O ta o nya ne o mɛɛ be ɡɛ waa ɛa la bolɛ.

Sitɔɔla 14:6 ပူးပေါင်းရင်းမြစ်များ

Sitɔɔla 3:10

Korowii Doma baa so o nɛ o ɛ ba sitɔɔ dɛ tɔ ba sie dɛɛ la laa. Korowii tɛo kpeɡri o won ka yo dɛ pɔ Mɛsopoteemea Kooro Kusan Risataim nɛ.

1 Samoɛl 11:6

Sɔɔl aa no waa nɔ la, Korowii Doma baa so o nɛɛ kpeɡri nɛ, asɛ o baah di kohona.

Sitɔɔla 13:25

Korowii Doma ɡe baa so o nɛ, dɛ pa mun kpɔɔ dɛɛ ɛ toma ɡɛ saŋ waa lɔ bwɛɛ Mahane Dan, o lɔ Sora ne Ɛstaol baah ta.

1 Jɔn 3:8

Nomɛlbwa waa teŋa dɛɛ ɛ wechɔɡa la ɛ Bɔnsam nɛn, dɛkalkɛŋɔ harɛ mumpar la bwaa Bɔnsam le dɛɛ ɛ wechɔɡa. A waa Korowii Bie la koh ba harɛ nɔ ta dɛ ba chɔɡ Bɔnsam toma bwa.

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Aesaya 42:2

Waa waa bol dɛɛ nyɛɡ, waa takpeɡ ɡee kpɔ bol waa fɔɡbaahna.

1 Samoɛl 17:46

Fini tɔpere nɔ, Korowii ɛɛ kpɔe do n nɔn taa, ásɛ n kpoe dɛ́ teŋe he nyu. Ásɛ jumbii ne kpɔɡ bini ola ba di he ne Filisti laa tena bwa ola, ásɛ harɛre nɛra bwa jemɛ kɛŋɔ Korowii Israel tena aa dɛ tomɔ la lole.

Sitɔɔla 16:30

dɛ ŋɔ, “N Naa Korowii, ɡel n ne Filisti tena nɔ pɛ serewe!” Asɛ o taɡɛ pilare la o bokpeɡa bwa ne, asɛ dea la chole pi Filisti nomonome ne nɛra baa lɔ o bini bwa nɛ. Gɛɛ a do nɛra o ne baa pɛa dɛ sewɛ la ɡwaa banɔ la ɡɛ saŋ o siwi aa lole o kpoo ba la.

Sitɔɔla 15:15

O na keeɡo kaŋe hoɡfale harɛ, asɛ o laa kee dɛ kpɔ kpoo baala kaɡboŋ.

Sitɔɔla 15:8

O kaa yoo ba sibeɡra ne dɛ kpoo ba ɡalɡa, dɛ ka so bwe Etam bɔɔ bini.

Sitɔɔla 11:29

Anee Korowii Doma ba so Jɛfta nɛ, asɛ o ne o laa tena tawɛ Gelead ne Manasɛ deene harɛre ta, dɛ ba Mispa waa lɔ Gelead harɛ ta la, dɛ le bela ka yo Amɔn tena.

Hibru 11:33

A ɡɛ nɛra nɔ bwa yarada Korowii kohona, dɛ che ba yarada ta yo koranar dɛ pɔ ba nɛ, dɛ ɡel nɛra ɛɛ ɛ waa aa toɡra Korowii ŋwɛnɛ ta, asɛ Korowii ɛ waa waa baɡɛ nyoa la ane ba bere saŋ. Ba wono tɔ nyujentena nyoo, a ta wone laɡ ba.

Sitɔɔla 14:5

Samsen ne o nya ne o mɛɛ bwa pɛo la Temna. Baa dɛ tel bwɛɛ la daa kooni ta la, buɡ la ta, nyujente bie den le dɛ kɔɡre dɛɛ ba o be.

Sitɔɔla 14:7

Samsen aa la Temna la, o kaa bol waa haah la be, o pɛla lawɔ.

1 Samoɛl 10:6

Korowii Doma ɛɛ ba so he nɛɛ kpeɡri nɛɛ, dɛ́ beɡre nɛnfale, ásɛ he ne ba bwa ɛɛ bol Korowii waa aa dɛ́ ba bala kerekere.

Yela 91:13

Hɛɛ tiɡri nyujentena ne harɛkwaare nɛɛ, nyujentena aa ɔma ne domkpuli nɛɛ.

Sitɔɔla 14:19

Korowii Doma baa so Samsen nɛɛ dɛ tɛo kpeɡri. O la Filisti tena bwɛɛ Askɛlɔn, dɛ ka kpoo baala fifraatoro, dɛ pa ba laala ba tɛ nɛra baa baɡlo wobobeele la mun la. O baah diu kɛrɛdɛ, o chiɡ ŋwɛnɛ ta kaa o bwɛ o mɛɛ be.

1 Samoɛl 10:16

Anee Sɔɔl ŋɔ, “Samoɛl ɡelɔ ya jemɛ kɛŋɔ ba na keeɡore la.” Kɛ o ta kara dii waa Samoɛl aa bola la te baɡlɛ.

1 Samoɛl 14:1

Awola bɛl, Jonatan waa ɛ Kooro Sɔɔl bibaa la ŋɔ o bechala waa dɛ che o dɔmkwaa be ŋɔ, “Ba yá kaa baŋ le bela Filisti tena aa soɡa la.” Kɛ o ta o mɛɛ te be bolɛ.