Sitɔɔla 14:17 - mzwDBL

¹⁷ O wio tɔpera anuanɛ baa kpɔa dɛɛ ɛ hanfalwaa la bwa. Waa teŋa dɛɛ pɛɛro la, o sɛh dɛ baɡlo a mun tɔpenuanɛ wee la ta. Asɛ o ɡe ka bol o nɛra la be.

Sitɔɔla 14:17 ပူးပေါင်းရင်းမြစ်များ

Mumpar 3:6

Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di.

Job Tɔn 2:9

Job haah ŋɔ o be ŋɔ, “He ta lɔ toɡra he wa aa toɡra la ta naa? Taah Korowii dɛ́ sewɛ!”

Sɛɡla 7:21

Haah la kpɔ neɡra ŋwɛnɛ ne wobosoma dɛ dɔɔ kaa.

Jeremia 9:3

Ba dɛ kpa saŋ bɛlbwa kɛŋɔ bá teŋe nyosone kɛŋɔ ba yon harɛ hɛm dɛ́ tao la ken. Ba ta sɛɛh dɛɛ bol kasinteŋ.” Anomanta, Korowii ŋɔ, “N nɛra ɛ wechɔɡa aa, ba yon berɛ ka ɛ ane ja, baa jemɛ kɛ menee Korowii aa chɛ kɛ bá tom mɛ.

Maeka 7:5

Dɛɛ berɛ he dɔŋ yaradae ka tonɛ, bɛ he dam ɡba nɛɛ hwɛɡɛ. Hale he haah he ne waa pɛa dɛɛ chɔ kalaŋ ta, dɛɛ nyiŋi he nyoa wobol ta kɛrɛdɛ.

Amanesoma Luk Aa Chwera Tɔn 11:8

Kasinteŋ, dɛ a ka darame la ɡbo wa aa, o fe aa ir dɛ́ tɛɛ komɛlbwa. Kɛ haa wola kaalɛ, dɛ ta che dɛɛ soŋo la nomanta, wɛɛ tɛɛ komɛlbwa haa dɛ nyin laanee.

Sitɔɔla 14:16

Samsen haah la kpɔ wii la o be ka ŋɔ, “He hah mɛ, haa men nyin. He tɛ n nɛra wobobeele kɛ he ta men a mun baɡlɛ.” Anee o ŋɔ, “N ta n nya ne n mɛɛ ɡba baɡlɛ. Ɛrɛ waa mɛɛ baɡle he te nɔ?”

Sitɔɔla 14:18

Wee aa dɛ ba joe la, nɛra la baɡle Samsen waa la mun ŋɔ, “Tohnoo som ɡwaa komɛlbwa. Nyujente bwara kpeɡri ɡwaa komɛlbwa.” Anee Samsen chaŋe ŋɔ, “N haah laa baɡle heya aa, he fe aa won jemɛ waa nɔ mun.”

Sitɔɔla 16:13

Delaela berɔ ŋɔ o be ja ŋɔ, “He kpɔ mɛ ɛ ɡɛne dɛ ba le saŋ nɔ dɛ ta na dɛɛ neɡ mɛ. Name te, den chaɡ mɛ ɡɛ baa vɔrɔwe.” Anee o chaŋo ŋɔ, “Dɛ he kpɔ n nyumpona baa pɛra anuanɛ dɛ do kokorowa kon ta dɛ sɔh pɛ, dɛ kpɔ dajeɡa la hama aa, mɛɛ ɡwɛɡroo dɛ́ do kɛ baa bɛlbwa aa doa.” Anomanta, waa baa chɔ dom la, Delaela ɛ ɡɛ. O lawɛ o nyumpona baa pɛra anuanɛ la dɛ sɔah ja jisere la ta, dɛ kpɔ dajeɡa la hama kiŋkiŋ ken.

Sitɔɔla 16:16

Tɔpere bɛlbwaa haah la teŋɛ dɛɛ bɔɔro, a ba le o mee.

Sitɔɔla 16:6

Anomanta, Delaela ŋɔ Samsen be ŋɔ, “Baɡ mɛ he bokpeɡa kohona haa dɔa nɔ mun, ne ŋwɛnɛ yaa kpɔ o ta dɛ́ won vɔrɔwe he sɔɔh.”