Sitɔɔla 14:12 - mzwDBL

¹² O ŋɔ ba be ŋɔ, “Hé ɡel n bɔɔ heyaa wobobeele bɛl. Dɛ he wono baɡ mɛ o mun tɔpera anuanɛ yaa dɛ ba dii hanfalkondikwaa nɔ mun aa, mɛɛ tɛ heya yapondɛɛɡa fifraatoro ne yabele fifraatoroo.

Sitɔɔla 14:12 ပူးပေါင်းရင်းမြစ်များ

Ɛsekeɛl 17:2

“Nɛwɛnyini bie, ka sɛɡle Israel tena

1 Koranar 10:1

Seeba kooro waa ɛ haah baa no Kooro Solomɔn sɔn lee waa lea kohona. Anomanta, o la Kooro Solomɔn be Jerusalam, dɛ kpɔ wobobeela a bini aa kpeɡa dɛ́ ba daahno na.

Mumpar 45:22

O berɔ tɛ ba bini bɛlbwa laalafala, dɛ tɛ Bɛnjamen te suuɡapoŋa lafraatoro ne laalafala bele anue.

2 Koranar 5:22

Gehasi ŋɔ, “A som, n dɔɔree tom mɛ he be ŋɔ Korowii keamere baa pɛa dɛɛ valɛ banɛ bane le Efrem deŋɡarere harɛ ta dɛ ba o be taraken. Dɛ he tɛo suuɡapoŋa a tɔɡre aa ɛ kilore fifraatoro dɛ anaarɛ ne yadɛɛɡa bele anɛ.”

2 Koranar 5:5

Kooro la ŋɔ, “Ir, mɛɛ chwerɛ tɔnee tɛɛ he kpɔ ka tɛ Israel kooro.” Ate, Naaman ir kpɔ suuɡapoŋa a tɔɡre aa ɛ kilore lafraatoro fifraanaarɛ, ne suuɡaswɛm kaɡboŋa anumɛl, dɛ yadɛɛɡa bele fi.

Sɛɡla 1:6

dɛ́ won dɛɛ no sɛɡla a mun noe aa kpeɡa, ne wejerema wobol ne wobobeela mun.

Jems 5:2

He kondɔɔh chɔɡɔ, kwaa di he bwara laala bwa.

1 Kɔrent 13:12

Gɛ tentenee ya waa do taraken. A do kɛŋɔ yaa dɛ nyiŋi diɡi waa wola na kɛrɛdɛ ta ken. Dɛ tɔpere bɛl telaa, yaa naa kɛrɛdɛɛ kɛŋɔ a chɔ ya sie. Anɔ la bwa yaa jema taraken nɔ, anjena ta lɔ mun ta. Kɛ tɔpere la telaa, mɛɛ jemɛ wobɛlbwa ɡɛ Korowii aa jem mɛ la.

Amanesoma Jɔn Aa Chwera Tɔn 16:29

Anee o habɔteŋra la ŋɔ, “Taraken te haa yaa sɛɡle kpa. He dɛ pili waa bini chasee.

Amanesoma Luk Aa Chwera Tɔn 14:7

Nɛra baa yer ba ŋɔ bá ba di kwaa la aa bala la, dɛ ba dɛ pɛne sobɔrdɛɛɡa dɛ́ so. Anee Yeesu aa na ba ɡɛ la, o kpɔ sɛɡla bol waa baɡ ba ŋɔ,

Matiu 27:28

dɛ laa o laala foo, dɛ kpɔ yaswɛm bɛl kɛŋɔ ba bela kooro yal ba tɔɔ,

Matiu 13:34

Waa nɔ bwa Yeesu aa bola dɛɛ baɡle nɛnlaa la bwa la, dɛ sɛɡla nee wɛɛ bol. Webeŋkpoŋ ɡba toole o wobol ta waa wola sɛɡla kpɔe bol.

Matiu 13:13

Waa aa bala n kpɔ sɛɡla dɛɛ bol waa ba be laanee nɔ. ‘Ba dɔ sibie, kɛ baa na, dɛ dɔ deŋna, kɛ baa waa no, baa waa mun jemɛ.’

Matiu 6:19

Yeesu berɔ ŋɔ, “He bɛ ɡel he siwi swɛɛ harɛ nɔ ta kondɔɔh ta. Harɛ bonɔ te, kwaa won kwaa chwee, kwaa won deera dɛ́ chɔɡ, ŋwɛɛra ɡe won dea joe dɛ́ ŋwɛ.

Ɛsekeɛl 20:49

Belaa men Ɛsekeɛl ŋɔ, “Nemenɛ Korowii, ba dɛ bol n waa ŋɔ baa waa maa dɛ bol nɔ mun no, a do kɛŋɔ molbie.”

Yela 49:4

Mɛɛ cheɡ deŋnee dɛɛ no wobosɛɡla, dɛ́ kpɔ janjela lɔ dɛɛ baɡle a mun.

2 Webena 7:8

Kooro Solomɔn ne Israel tena la bwa di Kukure Tɔpejen la tɔpera anuanɛ. Nɛnlaa tenten le ŋwɛnɛ bɛl waa chɔa kaa bwɛjen Hamat waa lɔ weekaŋle nyunduabɔr, ne Ijipt harɛ jwɛh ta waa lɔ weekaŋle harɛbɔr dɛ ba.

Sitɔɔla 14:11

Baa na Samsen la, ba tɛo bonɔɔna fifraatoro ba so o jwɛh.

Sitɔɔla 14:13

Dɛ he baɡ mɛ kahonɛ ɡe aa, mɛɛ lɛ heya yapondɛɛɡa fifraatoro ne yabele fifraatoroo.” Anee ba ŋɔ, “Bol waa la ya no.”

Sɛɡla 31:24

O dɛ sɔh yapondɛɛɡa ne kirisore dɛ yoɡ dɛɛ tɛ bonadiire.