Sitɔɔla 13:22 - mzwDBL

²² Manoa ŋɔ o haah be ŋɔ, “Serewaa yaa ba serewa, dɛkalkɛ ya na Korowii.”

Sitɔɔla 13:22 ပူးပေါင်းရင်းမြစ်များ

Mumpar 32:30

Belaa o ŋɔ, “N na Korowii siwi ne dɛ ta so mkpa ta.” Anomanta, o pa bela sɔn Pɛneɛl.

Kaala 24:10

dɛ ka na Korowii Israel tena aa dɛ tomɛ la. Harɛ waa cheɡɛ o ta la ɛ bobɛl baa mao bwea ne o ir nyundua, dɛ do ɡereŋ kɛŋɔ bwedɛɛɡe baa dɛ yerɔ safaaya la, dɛ ɛ burum kɛŋɔ nyundua ken.

Kaala 24:9

Ate, Mosis ne Arɔn ne Nadab dɛ Abihu ne Israel nomonome fifraanuanɛ la bwa teeh kaa bwe la doa,

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Kaala 33:20

Kɛ maa ɡel he na n siebɔr, nomɛlbwa waa na mɛ la, sewaa chɛ kɛ naate sewɛ.”

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Amanesoma Jɔn Aa Chwera Tɔn 5:37

Asɛ n Mɛɛ la waa tom mɛ laanee dɛɛ di mɛ danseɛ. He ta o taa noɛ bwa á ba ɛ kɛŋɔ he na o siebɔr ka,

Mmarare 4:38

O doŋi nɛra le ba harɛre ta, banɔ la baa kana dɛ do kpeɡri ɡwaa heya, dɛ kpɔ tɛ heyaa kɛŋɔ kapɛrɛ kwa, ɡɛ aa doa fini nɔ.

Mmarare 5:26

Nɛwɛnyini besoo no Korowii waa lole saŋ bɛlbwa wobol le nii ta kɛ yan, dɛ ta dɔ o nyu dɛ so le nɔ?

Sitɔɔla 6:22

Gedeɔn aa baa na kɛŋɔ Korowii nyundua toromee la, o do lɔŋɔ ŋɔ, “Ei! Nemenɛ Korowii, n ne he nyundua torome sie ɡba dɔŋa.”