Sitɔɔla 13:20 - mzwDBL

²⁰ Ninlao le kon baa dɛ ɛ saraha o ta la ta, dɛ hɔ dɛɛ kaa nyundua, asɛ Korowii nyundua torome la kpɔ ninlao la bini kaa nyundua. Manoa ne o haah aa na ɡɛ waa nɔ la, ba cholo dɛ kpɔ sie pi harɛ.

Sitɔɔla 13:20 ပူးပေါင်းရင်းမြစ်များ

Mumpar 17:3

Belaa Abram kpɔ sie pi harɛ asɛ Korowii ŋɔ o be ŋɔ,

2 Koranar 2:11

Ba taa bol waa dɛ valɛ dɛɛ kaa la, buɡ la ta, dɛ torɔɡo ne jaɡre baa che Elaesa ne Elaeja baah ta a bwa ɛɛ lawɛ nii, asɛ buɡ la ta, kawulewule den ba kpɔ a ne Elaeja kaa nyundua.

1 Webena 21:16

Kooro Devid ha sie nyiŋi dɛ na Korowii nyundua torome la kɛŋɔ waa cheɡɛ harɛ ne nyundua baah, dɛ pamɛ kere pa Jerusalam dɛɛ ba o chɔɡa. Dɛ Kooro Devid ne o nomonome tɔ lweyale, ba cholo dɛ kpɔ sie pi harɛ.

1 Webena 21:21

Ate, Kooro Devid suuh tel, asɛ Arauna nao dɛ le ka chemo, dɛ ka ɡuŋu dɛ kpɔ sie pi harɛ.

1 Webena 21:26

Kooro Devid ma kon waa ɛ saraha o ta tɛ Korowii bela, dɛ kpoo kwaa ɛ sarahare baa fuah ne deŋnesɔɔhna sarahare tɛo. O soŋe Korowii asɛ o ɡel nii le nyundua, dɛ ba fuh saraha kwaa la bwa.

Yela 47:5

Korowii iro dɛɛ la ka so o kookara ta, nɛra hoh bɛle silɛɛ ne dɛɛ moo.

Ɛsekeɛl 1:26

Kon waa bɔle hweera kwaa la nyundua la, n na komɛl waa do kɛŋɔ kookara, ba kpɔ bwedɛɛɡa ane aa ɛ burum baa yera safaaya ɛ o doa, asɛ a do kɛŋɔ nɛn soɡe kookara la ta ken.

Ɛsekeɛl 1:28

Gɛ bwaala deŋɡare yon le baama ta bɔr chaah la, ɡɛɛ bɔr waa chaahna bar kookara la do. A dɛ baɡle ɡɛ Korowii jirima aa doa. Maa nao la, n cholo dɛ kpɔ sie pi harɛ, asɛ dɛ no taa bɛl.

Daneɛl 10:9

N noɔ kɛŋɔ baa la dɛ bol wa, asɛ mɛɛ no, n sie den bir mɛ, n chole kpɔ sie pi harɛ.

Lewi Dea Tena 9:24

Belaa Korowii ɡel nii le dɛ ba fuh saraha kwaa la ne a noorare la bwa nyaam ken saraha kon la ta. Nɛra la bwa aa naa la, ba kpɔ silɛɛ dooɡe lɔŋɔre dɛ ɡuŋi dɛ kpɔ sie piiɡi harɛ.

Matiu 17:6

Yeesu habɔteŋra la aa no taa la la, ɔmee laɡ ba kohona ba ɡuŋi dɛ kpɔ ba sie piiɡi harɛ.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Sitɔɔla 6:19

Gedeɔn kaa kpo bohlor dɛ daalo, dɛ kpɔ men kuruware fi ɛ paanoo iisi aa wola toole a ta. O pa ola la do wɛɡrɛ bini, asɛ dɛ fuɡe yooma la do vii bini, dɛ kpɔ ba tɛo dajen la mun.

Sitɔɔla 6:21

Dɛ Korowii nyundua torome la kpoŋe daŋɡbala bɛl. O kpɔ daŋɡbala la nyoa leɡe ola la ne paanoo la, asɛ nii le bwe la ta dɛ fuh ola la ne paanoo la bwa. Asɛ Korowii nyundua torome la den nyoɡre le o sie kaa.