Sitɔɔla 12:5 - mzwDBL

⁵ Gelead tena kaa teŋe leebɔɔne baa cheɡɛ a ta dɛ ɡale Jɔɔdan Moo dɛɛ kaa Efrem harɛ ta la. Dɛ nomɛlbwa chwao le laa la ta dɛ ba tel bela aa, ɡɛɛ ba bɔɔro ŋɔ, “Efrem dea tee hen aa?” Dɛ o ŋɔ, “Ɔɔhɔh” naa,

Sitɔɔla 12:5 ပူးပေါင်းရင်းမြစ်များ

1 Koranar 11:26

Dɛ baa bɛl sɔne Jɛroboam, o mɛɛ sɔne Nɛbat, Efrem tee on o le Sɛrɛda. O nya ɡe sɔne Sɛroa dɛ ɛ luhaah. Dɛ Jɛroboam ɛ Kooro Solomɔn nomonome la bini bɛl dɛ do o lɔɡa, dɛ ɛ Kooro dɔm.

Josua 2:7

Ate, kooro nɛra la le bwɛɛ la ta dɛ chiɡ leebɔɔ baa cheɡɛ o ta dɛɛ le Jɔɔdan Moo la, dɛ ti ba kaa ɡaaɡe ba bɔr. Ba den laa bwɛjen la doonyoa laa tɔ.

Josua 22:11

Israel tena kabora la aa noa kɛŋɔ Rubin ne Gad, dɛ Manasɛ dea pera deene la ma kon baa ɛ saraha o ta tɛ Korowii Gelilɔt ba harɛ ta la,

Sitɔɔla 12:4

Jɛfta yerɛ Gelead harɛ ta laa tena cheme dɛ ka yo Efrem dea tena dɛ pɔ ba nɛ, dɛkalkɛŋɔ Efrem tena bolɔ ŋɔ Gelead tena pere ba te le Efrem ne Manasɛ deene tena nɛ.

Sitɔɔla 12:6

ɡɛɛ ba yon ŋɔ ó si “Shibolet”. Dɛ o ta jemɛ siu kɛrɛdɛ dɛ ŋɔ “Sibolet” aa, ɡɛɛ ba lawɔ dɛ kpoo Jɔɔdan Moo nyoa bela. Efrem dea tena kaɡboŋa fifraanaarɛ dɛ banɛɛ ba kpoo bela ɡɛ saŋ.

Sitɔɔla 17:7

Dɛ bonɔɔ bɛl ɛ Lewi dea te dɛ le Bɛtlɛham waa lɔ Juda harɛ ta, dɛ so Juda dea tena bini.

Sitɔɔla 3:28

O do ba ŋɔ, “Hé teŋɛ n nɛ, Korowii ɛɛ lɛ heyaa le Moab tena baa ɛ he dɔma nɔn taa.” Anomanta, ba teŋɛ Ehud nɛɛ dɛ kaa bɔra baa kpɔ a ta dɛɛ ɡale Jɔɔdan Moo dɛ kaa Moab harɛ ta la dɛ ka tɔɔɡa. Ba ta ɡelɛ nomɛlbwa ɡale moo la.

Sitɔɔla 7:24

Gedeɔn tomɛ nɛra Efrem dea tena be deŋɡarere harɛ la bwa ta ŋɔ, “Hé ba yo Midian tena la, dɛ́ ka tɔɔɡe bɔra baa kpɔ a ta ɡale Jɔɔdan Moo la, dɛ́ kpoŋe ka le Bɛt Bara.” Anomanta, Efrem laa tena bwa baa tɔɔɡe bɔra la ka le Bɛt Bara.

1 Samoɛl 1:1

Baa bɛlee fa lole baa yerɔ Ɛlkana, o le Efrem dea. Dɛ o soɡe Rama waa lɔ Efrem deŋɡarere harɛ ta. O mɛɛ sɔne Jɛroham, o nabaa ɡe sɔne Elihu. Elihu ɡe mɛɛ Tohu, asɛ Tohu ɡe mɛɛ sɔne Suf.