Sitɔɔla 11:34 - mzwDBL

³⁴ Jɛfta aa bera dɛɛ ba o dem Mispa la, dɛ o bihaahnee lea ba chemo, dɛ yiiɡi kwaa kɛŋɔ loŋa dɛɛ sa. Dɛ o ɡbosoroo ɛ o bie. O ta bie bɛlbwa dɔe kpa.

Sitɔɔla 11:34 ပူးပေါင်းရင်းမြစ်များ

2 Samoɛl 6:14

Dɛ Kooro Devid do sɔfo batakaarebora efɔd baa kpɔ yapondɛɛɡe nyarɔ, dɛɛ sa silɛɛ bwa ne Korowii sie o bokpeɡa bwa ne,

Yela 150:4

Hé yiiɡi loŋa kpɛɛro dɛɛ sa. Hé lɔ janjela, dɛ́ hoh kalipere kpɛɛro.

Yela 68:25

Yelɡoola tɔ sie, nɛra baa dɛ lɔ yela teŋɛ, asɛ bitoli baa dɛ yiiɡi loŋa do ba baah ta.

Kaala 15:20

Belaa Arɔn nimambie Miriam waa ɛ Korowii keame kpɔ loŋ, asɛ haahna la bwa ɡe ja dɛ kpoŋe ane ba yiiɡa dɛ sa teŋɛ dɔŋa nɛ.

Jeremia 31:13

Belaa toli ɛɛ ba sae ba sie lɛ, ásɛ bonɔɔna ne banjeni bwa ɛɛ hɛɡre. Mɛɛ larawe ba bwaraa, dɛ́ ɡel ba wii ber ba silɛɛ, ásɛ ba dɔ hɛɡra kohona le ba suna dii ta.

Jeremia 31:4

Israel tena, mɛɛ berɔ lawɛ heyaa ir, ásɛ he berɛ kwaa che kɛrɛdɛ. Hɛɛ berɔ kpɔ he janjelaree le, he ne nɛra ba sie aa lɛa kaa sa.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Amanesoma Luk Aa Chwera Tɔn 7:12

Waa dena dɛɛ tel bwɛɛ la ta la, dɛ ba cheɡɛ baa bɛl waa sewa dɛɛ kaa ka huɡe. Dɛ ɡɛ nɛn waa sewa la ɛ luhaah bɛl bibeŋkpoŋ waa dɔa. Dɛ bwɛɛ la tena bane teŋɛ luhaah la nɛɛ pirim.

Amanesoma Luk Aa Chwera Tɔn 8:42

Dɛ ɡɛ baa nɔ bibeŋkpoŋ waa dɔɔ, o ɛ bihaah dɛ di bene fi dɛ anɛ bwara dɛ weo wɛɛ ba sewa. Yeesu aa dɛ kaa la, dɛ nɛnlaa bane teŋɛ o nɛ, dɛ fiilo do baah ta dɛɛ taɡɔ.

Amanesoma Luk Aa Chwera Tɔn 9:38

Belaa baa bɛl kpɔ takpeɡ bol waa nɛra la bini ŋɔ, “Nomoa! N dɛ soŋe, nyiŋi n bie nɔ nɛɛ tɛ mɛ. O ɡboo n bie.

Josua 18:26

ne Mispa ne Kefira dɛ Moosa,

Sitɔɔla 10:17

Amɔn laa tena aa kpɔ ba te dɛ ka baŋre ba tɛnte deene Gelead harɛ ta dɛ so la, dɛ Israel laa tena ɡe kaa baŋre ba kwaa Mispa harɛ ta.

Sitɔɔla 11:11

Anomanta, Jɛfta pu nomonome la kaa, asɛ ba ɛo ba sitɔɔ ne ba laa nomoa. O ɡe ŋwɛɛ a ɡɛ waa la tenten Korowii sie Mispa.

Sitɔɔla 20:1

Israel tena baa soɡe Dan dea harɛ ta dɛ kpoŋe kaa Beɛseeba, dɛ banɔ la baa soɡe Gelead harɛ ta bwa baa cheme Korowii sie Mispa kɛ nɛmbeŋkpoŋ.

Sitɔɔla 21:21

dɛɛ nyiŋi. Hé na Silo bitoli ba baa sa aa, hé ɛ warane dɛ́ le daa kooni la baah, ásɛ bɛlbwa ka lawɛ bɛl kaa he Bɛnjamen dea tena harɛ ta ó ɛ he haah.