Sitɔɔla 11:24 - mzwDBL

²⁴ Kon he voɡ Kemɔs aa tɛɛ la, he dɛ lɛ. Gɛɛ a do, kon Korowii yaa dɛ tomɔ la aa tɛ yaa la, ya ɡe won lɛ.

Sitɔɔla 11:24 ပူးပေါင်းရင်းမြစ်များ

1 Koranar 11:7

Kooro Solomɔn do dea bwe bɛl ta Jerusalam wee leebɔr, dɛ kwaa bɔr baa dɛɛ tomɛ Moab tena voɡ Kemɔs ne Amɔn tena voɡ Molɛk aa ɛ kii kwaa la.

Yela 44:2

He kpeɡri nee he doŋi harɛre nɛra, dɛ kpɔ ya naawa ka so ba harɛ la ta. He chɔɡ ba, dɛ ɡel ya naawa wobɛlbwa do wer tɛɛ ba.

Yela 78:55

O tɔ sie doŋi nɛra baa soɡe harɛ la ta, dɛ bɔne harɛ la denaa ta tɛ Israel tena, dɛ kpɔ ba ka so ba deene la ta.

Jeremia 48:13

Sihiih ɛɛ kpo Moab tena ba voɡ Kemɔs waa, kɛŋɔ sihiih aa kpo Israel tena voɡ Bɛtel baa kpɔ ba hwɛɡa dawɛ o nɛɛ la.

Jeremia 48:46

Moab tena, hé bwɛɛlɛ! Nɛra haa dɛ tomɛ voɡ Kemɔs la, he chɔɡɔ. Ba lawɛ he bibaala ne bihaahna bwa kaa bojaŋ harɛfale ta.

Jeremia 48:7

Moab harɛ tena, hé kpɔ he te dawɛ he bokpeɡa ne kondɔɔh ta, kɛ ba dɛ ba heyaa yoi dɛ́ pɔ he nɛ, dɛ́ kpɔ voɡ Kemɔs kaa harɛfale ta, o ne o nomonome ne o kerekpoŋra.

Maeka 4:5

Harɛre nɛra ɛɛ dɛɛ tomɛ ba voɡaree, kɛ ya te, Korowii yaa dɛ tomɔ waa taa yaa ba teŋa saŋ bɛlbwa dɛɛ la.

Nɛra Kura 21:29

Moab tena, hé bwɛɛlɛ! Voɡ Kemɔs toroma chɔɡɔ! Voɡ la ɡelɔ ba lawɛ o bibaala laa ta kaa, ba lawɛ o bihaahna tɛ Amɔre tena Kooro Sihon.

Mmarare 18:12

Korowii kii nɛn waa dɛ ɛ ɡɛ wedoŋa nɔ, a ɡɛ kii we-ɛɛla nɔ waa Korowii haa dɛ tomɔ nɔ tɔ he sie, dɛ doŋi ɡɛ harɛre nɛra baa dɛ ɛa dɛ do he sie la.

Josua 21:43

Gɛɛ a do Korowii kpɔ harɛ waa baɡɛ Israel tena nyoa ŋɔ, wɛɛ kpɔɔ tɛ ba naawa la tɛɛ ba, asɛ ba ka kpɔ o ɛ ba kapɛrɛ kon dɛ so o ta.

Josua 3:10

Anɔ taa hɛɛ ba cheɡa, dɛ́ jemɛ kɛŋɔ Korowii waa lole saŋ bɛlbwa la ja he nɛ, dɛ́ doŋi nɛra baa soɡe harɛ waa kpɔa tɛ heyaa ŋɔ hé ka so o ta he sie, baa yer ba Keenan ne Hiti ne Hivi ne Pɛrɛs ne Girɡasi ne Amɔre dɛ Jebus tena la.

Sitɔɔla 10:6

Israel tena ɛ wechɔɡa dɛ jo Korowii nɛɛ ja. Dɛ voɡa Baalre aa ɛ baala ne voɡhaahna Astɔrɛt, ne voɡa aa lɔ Aram ne Sidon, ne Moab ne Amɔn harɛre, dɛ voɡa Filisti tena aa dɛ tomɛ laanee baa tomɛ. Baa laa sie kpɔ Korowii nɛɛ dɛ vɛh o toma la,

Sitɔɔla 11:23

Korowii Israel tena aa dɛ tomɔ la aa doŋi Amɔre tena le ba harɛ ta dɛ kpɔ tɛ Israel tena la, ŋwɛnɛ besoo he dɔ dɛ lɛo wɔ?

Sitɔɔla 2:1

Korowii nyundua torome le bwɛɛ baa dɛ yerɔ Gelɡal dɛ ba bol waa Bokim tena be ŋɔ, “Menee lɛ heyaa le Ijipt harɛ ta, dɛ ba he ne harɛ maa baɡɛ he naawa nyoa kɛŋɔ mɛɛ kpɔɔ tɛ heyaa la ta la. N bol he be ŋɔ maa fɔo n ne haa fɔwa laanee chɔɡ bwa.

Rut Tɔn 1:15

Anee Naomi ŋɔ o be ŋɔ, “Nyiŋi na, he nahaahnee bera dɛɛ kaa o harɛ ta ne ba voɡa bini la. He ɡe ka puu hé kaa.”