Sitɔɔla 11:16 - mzwDBL

¹⁶ Kɛ baa le Ijipt harɛ ta la, ba valɔ kpɔ pua hɛŋle ɡbo harɛ ta, dɛ ka le Mposwɛm ta, dɛ ka so Kades.

Sitɔɔla 11:16 ပူးပေါင်းရင်းမြစ်များ

Mumpar 14:7

Ba berɔ laa berɛ dɛ yo ba Kades, o sɔn bɛl ɡee Ɛn Mispat. Ba yoo dɛ lɛ Amalɛk tena harɛ bwa, asɛ dɛ pɔ Amɔre tena baa soɡe Hasasɔn Taama la ɡe nɛ.

Nɛra Kura 13:26

Toroma la berɔ ba Mosis ne Arɔn dɛ Israel tena la bwa be Kades waa lɔ Paran pua hɛŋle ɡbo harɛ la ta. Dɛ ba bol waa baa kaa na la Israel tena la bwa be, dɛ kpɔ harɛ la ta daa nɔna la baɡ ba.

Nɛra Kura 14:25

Amalɛk ne Keenan tena aa soɡe felembɔjena la bini nɔ, kere hé laa berɛ dɛ́ kpɔ pua hɛŋle ɡbo harɛ ta ŋwɛnɛ waa chɔa dɛ kaa Mposwɛm ta la.”

Nɛra Kura 20:1

Israel tena la bwa tel Sin pua hɛŋle ɡbo harɛ korobiloɡle ta, dɛ bwa baŋre ba tɛnte deene dɛ so Kades. Belaa Miriam sewɛ ba huɡo.

Nɛra Kura 20:4

Bɔkwa waa he ba ya ne pua hɛŋle ɡbo harɛ nɔ ta ya ne ya kondɛɛra bwa ɛɛ ba serewa nɔɔ?

Mmarare 1:40

Kɛ he te, he laa berɛ dɛ́ kpɔ he sie chaɡɛ Mposwɛm ŋwɛnɛ ta bɔr, dɛ́ kaa pua hɛŋle ɡbo harɛ la ta.’

Mmarare 1:46

Anomanta, he berɔ ba so Kades he tɔpera haa dia la bwa.”

Josua 5:6

Israel tena aa le Ijipt harɛ ta la, ba ɡaaɡe pua hɛŋle ɡbo harɛ ta bene fifraanaarɛ, ka tel kɛ baala baa tela ne laa yoi bwa aa serewa. Ba ɛ deŋnekpeɡ ba ta Korowii waa la ta teŋɛ. Dɛ Korowii ŋwɛɛrɔ kɛŋɔ, nomɛlbwa waa wola o waa ta teŋɛ la aa harɛpare ondɛɛɡe o kpɔ baɡɛ ba naawa nyoa la taa tel.

Sitɔɔla 11:15

“Israel tena ta Moab kɛɛ Amɔn harɛre lɛɛ.