Sitɔɔla 11:10 - mzwDBL

¹⁰ Gelead nomonome la ŋɔ, “Korowiirii ya danseɛ. Yaa ɛ ɡɛ tenten haa bola nɔɔ.”

Sitɔɔla 11:10 ပူးပေါင်းရင်းမြစ်များ

Mumpar 16:5

Anee Sarai ŋɔ Abram be ŋɔ, “Henee ɡela Heeɡa dɛɛ ɛɛ mɛ la. Menee lawɛ n tolo tɛɛ, kɛ taraken waa bera jemɛ kɛŋɔ o kpoŋe tea la, o siwi aa men tɔɡɛ kpa. Korowiirii dɛ́ baɡle n ne hen naate waa ɛ wechɔɡa.”

Mumpar 21:23

Anomanta, ŋwɛɛ Korowii kɛŋɔ haa n ne n bii ne naanaree neɡre. Nyiŋi kɛrɛdɛ wedɛɛɡa maa ɛɛ la, ásɛ dɛ kpɔ ɡɛ ɛ n ne harɛ nɔ haa baa so o ta taraken dɛ ɛ hɔɔhra nɔ tena bwa.”

Mumpar 31:50

Dɛ berɛ ŋɔ, “Dɛ he ka dɛ fiiɡi n bihaahna nɔ kɛɛ dɛ ka mo haahna ja ba nɛ aa, a lole kɛŋɔ maa belaa do te, kɛ Korowii te ɛɛ nao.

Mumpar 31:53

Korowii ya nabaa Abraham ne Neehɔ aa tomɔ laanee dɛ́ bol ya baah waa dɛ́ pa bole.” Anomanta, Jekɔb ŋwɛɛ Korowii o mɛɛ Aesek aa ɔmɔ dɛ tomɔ la kɛŋɔ wɛɛ teŋɛ waa waa bola la taa.

Kaala 20:7

He bɛ men maa ɛ Korowii haa dɛ tom mɛ la dɛɛ ŋwɛɛ wesale bɛlbwa ta. Mɛɛ tɛr naate waa dɛ ŋwɛɛ mɛ ɡɛ la deŋnee.

Jeremia 29:23

Dɛkalkɛ ba ɛ wedoŋa tenten Israel harɛ ta, ba dɛ nyin ba bala haahna, dɛ che n sɔn ta teŋe nyosone, a ɛ waa maa wola ban a ta doe. N jemɛ a bwa dɛɛ di a danseɛ. Men Korowiirii bola.’ ”

Jeremia 42:5

Belaa ba ŋɔ n be ja ŋɔ, “Korowii yaa dɛ tomɔ laanee dɛ́ ɛ yaa danseɛ dɛ́ di yaa kasinteŋ, dɛ ya ta waa waa kpɔa tɛɛ ŋɔ he ba bol ya be la ta teŋaa.

Maeka 1:2

Hé no, nɛra haa lɔ harɛ nɔ ta bwa, ne komɛlbwa waa lɔ harɛ nɔ ta. Nemenɛ Korowii le o Dea waa do ɡoroŋ nyundua dɛɛ ba dɛ́ ba bol waa bɔ heya.

Sekaria 5:4

Koranar Bwa Kooro ŋɔ, “Mɛɛ tomɛ tɔn nyotaahna aa lɔ o ta laanee o kaa dem bɛlbwa baa dɛ ŋwɛ ta, ne dem bɛlbwa baa teŋe nyosone dɛɛ ŋwɛɛ n sɔn ta. Wɛɛ ka do dem la taa dɛ́ taɡɔ ɡo, dɛ́ kuuɡi o daa bwa kwaraa.”

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Tɔn Pɔɔl Aa Chwerɛ Rom Tena 1:9

Korowii maa dɛ tomɔ n bambile bwa ne, dɛɛ bol o Bie la Amanesoma waa la, o jemɔ kɛ saŋ bɛlbwaa n soŋo dɛɛ tɛ heya. Onee n danseɛ te.

2 Kɔrent 11:31

Ya Dɔɔ Yeesu Mɛɛ Korowii jemɔ kɛ nyosone laa mɛɛ teŋe. O chɛ kpɛɛra saŋ bɛlbwa.

Mmarare 1:16

Dɛ ŋɔ ɡɛ sitɔɔla la be ŋɔ, ‘Hé no waa aa ba he baah ta kɛrɛdɛ dɛ́ bola a toɡre, hale dɛ he Israel tena ɡbaɡba baah taa yoo, dɛ hɔɔhra he ne baa pɛa baah taa yoo,

Sitɔɔla 11:9

Anee Jɛfta ŋɔ ba be ŋɔ, “A balɔ kɛŋɔ n ne he laŋɔ dɛ ka yoo ba, asɛ Korowii sɛh n pɔ ba nɛ aa, hɛɛ ɡeloo ń ɛ he sitɔɔ kpela aa?”

1 Samoɛl 12:5

Anee Samoɛl ŋɔ, “Korowii ne kooro waa leo laanee ɛ he danseɛ fini kɛŋɔ he ta wechɔɡe bɛlbwa n nɛɛ nae.” Asɛ ba chaŋe ŋɔ, “Ɔɔh, Korowiirii ya danseɛ.”

1 Samoɛl 24:12

Korowiirii dɛ́ bol n ne he baah waa dɛ́ pa bole. Onee dɛ́ bɔe kem waa haa liira n nɛɛ la wa, kɛ n te maa hen waanee ɛ bwa.