Sitɔɔla 10:13 - mzwDBL

¹³ Kɛ he laa sie kpɔ n nɛɛ dɛ kaa tomɛ voɡa. Anomanta, maa heyaa lɛ kpa.

Sitɔɔla 10:13 ပူးပေါင်းရင်းမြစ်များ

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

2 Webena 12:5

Ate, Korowii keame Sɛmaya ba Kooro Rɛhoboam ne Juda nomonome baa kaa cheme Jerusalam la be, Kooro Sisak ɔma wa. Asɛ Korowii keame Sɛmaya ka ŋɔ ba be ŋɔ, “Waa Korowii aa dɛ bol laanee nɔ, ‘He vɛɛh mɛ, anomanta, taraken n ɡe vɛh heyaa tɛ Kooro Sisak.’ ”

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

2 Webena 21:10

Ba le fini, Edom harɛ tena pere ba te le Juda tena lɔɡa. Gɛɛ bwɛjen Lebna tena ɡe pere ba te ɡɛ saŋ, dɛkalkɛ Kooro Jehoram vɛh Korowii o naawa aa tomɔ la.

Jeremia 2:13

Wechɔɡa anɛɛ n nɛra ɛɛ mɛ, ba vɛh men maa do kɛ bule, o nee aa lole saŋ bɛlbwa, dɛ ka kwi bɔɔne aa won nee lɛɛ, bɔɔne aa peɡra aa wola won lɛ ne.

Jeremia 2:19

Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.

Jona 2:8

Nɛra baa daŋre voɡsale toma ne, ba siwi ɛɛ sua la, ba paŋɛ chae he fe aa cha ba la.

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.

Sitɔɔla 10:14

Waa pu heya aa, hé ka wi no voɡa haa lea cheɡ tɛ he te la, ásɛ a lɛ heya.”

Sitɔɔla 2:12

Ba vɛh Korowii ba naawa aa tomɔ o lɛɛ ba le Ijipt harɛ ta la toma, dɛɛ tomɛ nɛra baa soɡa bar ba la voɡa, a ɡel Korowii baah di ba nɛ

Sitɔɔla 2:19

Kɛ sitɔɔ la baa sewaa, dɛ ba berɔ kaa ba webena aa ɡwaa ba naawa kwaa la, dɛ kaa teŋɛ voɡare nɛɛ dɛɛ toma. Baa nyin ba ɡel ba wechɔɡa ne ba deŋnekpeɡ we-ɛɛla.