Sitɔɔla 10:11 - mzwDBL

¹¹ Belaa o chaŋ ba ŋɔ, “Ijipt ne Amɔre ne Amɔn, dɛ Filisti tena

Sitɔɔla 10:11 ပူးပေါင်းရင်းမြစ်များ

Sitɔɔla 3:31

Ehud aa bala habɔɔ la, Anat bibaa Samɡa ɡe kpoo Filisti tena lafraanumɛl daa waa seɡre o nyoa, dɛ kpɔ dɛɛ teɡɛ o nae la ne. O ɡe jao dɛ lɛ Israel tena.

Kaala 14:30

Kenii Korowii lɛ Israel tena le Ijipt tena nɔn ta awola tɔpere, asɛ Israel tena na ba kɛ baa serewa dɛ chɔ Mpo la nyoa.

Hibru 11:29

Korowiirii Israel tena yarada waa Mposwɛm la teŋe anɛ, ásɛ o nenabɔɔ sie hol kɛŋɔ harɛpɛɛ, ba won jo le. Ijipt tena aa ŋɔa ba ɡe le la, mpo la kaa ba ne.

1 Samoɛl 12:8

Jekɔb ne o bii aa kaa jo Ijipt harɛ ta asɛ baa fiɡ ba la, he naawa wio no Korowii ŋɔ ó cha ba. Asɛ o tomɛ Mosis ne Arɔn ba ba lawɛ he naawa le Ijipt harɛ ta, dɛ kpɔ ba ba so bonɔ.

Nɛra Kura 21:35

Ate, Israel tena kpo Kooro Ɔɡ ne o bibaala, dɛ o laa tena la bwa dɛ lɛ harɛ la. Ba ta nomɛlbwa ɡelɛ, asɛ dɛ so harɛ la ta.

Sitɔɔla 2:12

Ba vɛh Korowii ba naawa aa tomɔ o lɛɛ ba le Ijipt harɛ ta la toma, dɛɛ tomɛ nɛra baa soɡa bar ba la voɡa, a ɡel Korowii baah di ba nɛ

Sitɔɔla 3:28

O do ba ŋɔ, “Hé teŋɛ n nɛ, Korowii ɛɛ lɛ heyaa le Moab tena baa ɛ he dɔma nɔn taa.” Anomanta, ba teŋɛ Ehud nɛɛ dɛ kaa bɔra baa kpɔ a ta dɛɛ ɡale Jɔɔdan Moo dɛ kaa Moab harɛ ta la dɛ ka tɔɔɡa. Ba ta ɡelɛ nomɛlbwa ɡale moo la.